ISAIAH 50:4 - Lai (Hakha) Common Language Bible 2006

⁴ Bawipa Pathian nih chim awk kha a ka cawnpiak caah tha a bami kha thazang ka pek khawh hna. A ka cawnpiak ding theih kha zing fate in a ka hngahhlangter.

ISAIAH 50:4 ပူးပေါင်းရင်းမြစ်များ

JOB 4:4

A ril lengmangmi cu na bia nih a tun hna i A derthawmmi khuk cu nangmah nih na fehter hna.

SALM 119:147

Ni a chuah hlanah nangmah cu bawmhnak hal duh ah kan auh, na biakamnak kha kaa bochanmi cu a si.

SALM 143:8

Nangmah cu kan bochan ko; zinglei ah a fekmi na dawtnak kha ka hngalhter ṭhan ko. Ka thlacamnak cu nangmah sinah an kai, ka kalnak ding lam cu ka hmuhsak ko.

SALM 40:7

cucaah cun, “Hika ah hin ka um ko; keimah cawnpiaknak ding caah na chiahmi cu Nawlbia cauk chungah an um ko.

SALM 45:2

Pa vialte lakah pa dawh bik na si, bia chim a thiam ngaingaimi na si; Pathian nih zungzal in thluachuahnak an pek!

SALM 5:3

Zinglei ah ka aw kha na ka theihpiak: nichuak kate ah na sinah thla ka cam tawn i na ka lehnak kha ka hngah tawn.

SALM 88:13

Bawipa, ka bawm ko sawh, tiin kan auh; zing fate in na sinah thla ka cam.

PHUNGTHLÛKBIA 12:25

Lung retheihnak nih minung cu lunglawm loin a tuah, Sihmanhsehlaw dawtnak bia nih cun lunglawmhnak in a khahter.

PHUNGTHLÛKBIA 15:23

Mipa nih a lehnak kha a lunghmuih ko lai, sihmanhsehlaw a caan he ahmaanmi bia fang khat cu zeitluk in dah a ṭhat deuh!

PHUNGTHLÛKBIA 25:11

A caan hmaante ah chimmi bia fang bia khat cu ngun bawm chung i sui theitlai bantuk a si.

ISAIAH 28:19

Zing khat hnu zing khat an den chih lengmang hna lai i chun he zan he nan in a hau lai. Pathian sinin a rami bia thar paohpaoh nih ṭihnak thar an rak i ratpi lai.

ISAIAH 28:9

Keimah kong ah khan an zai i, “Khi pa nih khin, aho ka cawnpiak hna ti ah dah aa ruah hnga? Aho nih dah a bia cu an herh? Hnukthlei ka bawhte ca lawngah pei a ṭhat ko cu.

ISAIAH 35:5

Mitcaw nih khua an hmuh lai i hnachet nih khua an theih lai.

ISAIAH 40:29

A dermi le a bami kha thazang a pek hna.

ISAIAH 50:10

Nannih Bawipa a ṭih mi vialte hna, a sal bia a ngaimi vialte hna, nan kalnak lam cu mui ko hmanh seh law Bawipa cu i bochan u law i hngatchan ko u.

ISAIAH 54:13

“Keimah hrimhrim nih na mi cu ka cawnpiak hna lai i ṭhanchonak le daihnak ka pek hna lai.

ISAIAH 8:16

Pathian nih a ka pekmi bia kha ka zultu hna nih ṭha tein an zohkhenh awk le an i ken awk a si.

JEREMIAH 1:9

Khi tikah Bawipa nih a kut cu a hun samh i ka ka kha a tawngh; cun Bawipa nih cun a ka thawh i, “Zohhmanh, ka bia cu na ka chungah ka chiah cang hna.

JEREMIAH 31:25

A bami cu ka hrimhter ṭhan hna lai i rawlṭam in thazang a tlawmmi cu rawl khim tein ka pek hna lai.

EZEKIEL 46:13

Nifate in dotlami tuufa, kum khat a timi kha Bawipa sin i khangh thawinak caah nan thawh lai; zing fate in nan thawh lai.

MATTHAI 11:28

“Rethei le thilrit mi vialte hna, ka sinah ra tuah u, dinhnak kan pek hna lai.

MATTHAI 13:54

a rak umnak khua Nazareth khua ah khan a kal. An i pumhnak inn ah khan a cawnpiak hna i a bia a theimi cu an lung a suk ngaingai hna. “Hi bantuk fimnak hi khoika ah dah a vaa lak hnga? Hi bantuk khuaruahhar tuahnak zong hi khuazei in dah a hmuh hnga?

MATTHAI 22:46

Jesuh cu ahohmanh nih bia kaa khat hmanh an let kho lo i cu ni thawk cun ahohmanh nih bia an hal ngam ti lo.

LUKA 21:15

zeicahtiah nan ral ahohmanh nih an in tei hna i an in al khawh hna nakhnga lo, bia le fimnak kha kan pek hna lai.

LUKA 4:22

An lung a hmuh ngaingai hna i bia dawhdawh a chimmi nih khan an khuaruah a harter dih hna. An i thawh i, “Amah hi Josef fapa kha a si lo hlah i?” an ti.

JOHAN 7:46

“Hi pa bantuk hin ahohmanh nih bia an chim bal lo,” tiah an leh hna.

DEUTERONOMI 18:17

Cun Bawipa nih a ka chawnh i, ‘An chimmi vialte cu ding tein an chim.

DEUTERONOMI 18:18

An unau hna chungin nangmah bantuk profet pakhat an caah ka chuahter lai i a kaa chungah ka bia ka chiah hna lai i, nawl ka pekmi vialte kha a chimh hna lai.