ISAIAH 50:10 - Lai (Hakha) Common Language Bible 2006

¹⁰ Nannih Bawipa a ṭih mi vialte hna, a sal bia a ngaimi vialte hna, nan kalnak lam cu mui ko hmanh seh law Bawipa cu i bochan u law i hngatchan ko u.

ISAIAH 50:10 ပူးပေါင်းရင်းမြစ်များ

2 SAMUEL 22:29

Asi, nangmah cu ka mei inn na si, maw Bawipa, Cun ka Pathian nih ka muihnak kha a ceuter.

1 CHANRELNAK 5:20

cun annih nih bawmhnak kha an hmuh tikah Hag mi hna le an sir i a ummi vialte hna kha an kut chungah cun pek an si, zeicahtiah raldohnak hmun chungah cun Pathian kha an auh i amah kha an i bochan caah an nawlnak kha a pek hna.

2 CHANRELNAK 20:12

Maw kan Pathian, an cungah biaceihnak na tuah hnga lo maw? Zeitintiah kannih doh awkah a kan rathnawhtu hi bu nganpi hmaiah hin kannih cu santlailo kan si ko. Zei tuah awk kan hngal lo, sihmanhsehlaw kan mit lawng kha na cungah a um ko,” tiah a ti.

2 CHANRELNAK 20:20

Cun zingka tein an tho i Tekoa ramlak ah khan an va kal; cun an kal lioah khan Jehoshafat cu a dir i, “Judah ram mi hna le Jerusalem mi hna, ka bia thei tuah u! Bawipa nan Pathian cu zum u law fehter nan si lai; a profet hna kha zum hna u law nan hlawh a tling lai,” tiah a ti.

JOB 13:15

Ruahchannak zeihmanh ka ngei ti lo, cucaah Pathian nih a ka thah zong ah zeidah a poi? A hmai hrimhrim ah ka bia cu ka va chim ṭhiamṭhiam ko lai.

JOB 29:3

Ka lu cung i a meiinn a rak ceu i cu ceunak thawng i mui lak i ka rak kal khawh bantuk khan;

SALM 111:10

Bawipa ṭih hi fim hram i thawh cu a si; cu bantukin a nungmi cu hngalhnak ah an ṭhang, Bawipa cu zungzal in thangṭhat si ko seh.

SALM 128:1

Bawipa a ṭihmi cu mi lunglawm an si, a nawl a ngaimi cu mi lunglawm an si.

SALM 145:21

Bawipa cu ka thangṭhat lai, thilnung vialte nih a min thiang cu zungzal in thangṭhat hna seh!

SALM 23:4

A thuk bikmi muihnak horkuang chungin kal hmanh ning law, Bawipa, zeihmanh ka ṭih lai lo, zeicahtiah nangmah nih na ka umpi. Na ṭhiangṭhunh le na tanbo nih ka hna an ka ngamter.

SALM 25:12

Bawipa nawl a zulmi nih an zulh awk hnga lam kha an hngalh lai.

SALM 25:14

Bawipa cu a nawl a zulmi hna hawikom a si i a biakam kha a cawnpiak hna.

SALM 28:7

Bawipa nih a ka huh i a ka phenh; amah cu kaa bochan ko. A ka bawmh i kaa lawm, cucaah amah thangṭhatnak hla ka sa.

SALM 42:11

Zeicahdah ka ngaih a chiat? Zeicahdah ka lungre a theih? Pathian cu kaa bochan ṭhan lai i ka Khamhtu le ka Pathian cu ka thangṭhat ṭhan lai.

SALM 62:8

Ka mi hna, Pathian cu i bochan zungzal u! Amah cu kan himnak a si caah nan harnak vialte kha chim dih u.

PHUNGCHIMTU 12:13

Hi thil vialte hna hnuah hin chim awk pakhat lawnglawng a um rih: Pathian cu ṭih law a nawlbia kha zul hna, zeicahtiah minung cu hi nawlbia hna tuah awk caah hin pei rak ser a si cu.

ISAIAH 10:20

Israel mi lakin a taangmi hna nih, a rak hrawk dih dengmangtu hna miphun kha an i bochan ti lo caan a phan lai. Bawipa Israel Pathian thiang tu kha an i bochan taktak cang lai.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

ISAIAH 26:9

Zan ah nangmah kha kan ngai; vawlei le a cung i a ummi kha an bia na ceih tikah dinnak hi zeidah a si ti kha an hngalh lai.

ISAIAH 42:1

Bawipa nih aa thawh i, “Hi ka sal hi ka dawmhtlaihmi ka sal a si — ka thim i a cung i ka lung a tlingmi a si. Amah cu ka ṭhawnnak in ka khahter i miphun vialte cungah dinnak a tlunter lai.

ISAIAH 50:4

Bawipa Pathian nih chim awk kha a ka cawnpiak caah tha a bami kha thazang ka pek khawh hna. A ka cawnpiak ding theih kha zing fate in a ka hngahhlangter.

ISAIAH 53:11

Fahnak a in hnuah lunglawmhnak a hmuh ṭhan lai, ka inmi cu pakpalawng a si lo, ti kha a hngalh lai. Amah cu a dingmi ka sal a si; mi tampi nih an in dingmi dantatnak cu a in lai i annih cu zumh awk tlak a simi ka mi ah a ser hna lai.

ISAIAH 59:9

Mi nih khan an i thawh i, “Mi nih kan cungah ṭhat lonak an tuah tikah, zeicahdah Bawipa nih a kan khamh lo, ti kha atu cu kan hngalh cang. Kan kalnak lam ah ceunak kan hmu lai tiah kan rak i ruah, sihmanhsehlaw muihnak lawnglawng a um i.

ISAIAH 8:17

Bawipa nih a mi cu a thuhtak cang hna, sihmanhsehlaw kei nih cun ka zumh i kaa bochan.

ISAIAH 9:2

Mui lak i a rak i chawkmi hna nih khan ceunak nganpi an hmuh cang! Thihnak thladem tangah an rak um, sihmanhsehlaw atu cu ceunak nih a ceuh cang hna.

ṬAHNAK HLA 3:2

Keimah hi a ka kalpi i Ceunak a um lonak muihnak chung i a ka kaltakmi cu ka si.

DANIEL 3:28

Khi tikah Nebukhadnezzar nih cun aa thawh i, “Shadrak, Meshak le Abednego Pathian cu thangṭhat si ko seh. Amah an i bochan ca i siangpahrang nawlbia hmanh zul duh loin a um i an Pathian hleiah pathian dang biak nakcun mei chung i paih hmanh a duh deuhmi a salle hna cu, khamh awkah Amah nih a vancungmi kha a run thlah.

NAHUM 1:7

Harnak caan ah amah aa bochanmi caah cun Bawipa cu a fekmi himnak a si; Amah nih ka chanh seh, ti a duhmi paoh cu a zohkhenh hna.

ZEFANIAH 3:12

Cuka ah cun nunnem le toidormi kha ka umter hna lai i Bawipa min ah cun himnak an kawl lai i ka sinah bawmhnak hal awkah a ra duhmi an si lai.

HAGGAI 1:12

Shealtiel fapa Zerubbabel, Jehozadak fapa Joshua Tlangbawi Ngan le a tangmi midang hna nih khan Bawipa an Pathian nih a chimmi cu an ngaih i Bawipa an Pathian nih profet Haggai kha a rak thlah tikah a chimmi kha an ngaih i Bawipa ruangah cun ṭihnak in an khat.

MALAKHI 3:16

Khi tikah Bawipa a ṭihmi hna cu pakhat le pakhat bia an i ruah i Bawipa nih an bia cu a theihpiak hna i a ngaihpiak hna. Amah a ṭihmi hna le an lungchung in a min aa cinkenmi hna cu a hmaika i cazin chungah an min kha a khumh hna.

JOHAN 12:46

Hi vawlei cungah ceunak bantukin ka ratnak cu a ka zummi paoh kha khuamui chungah an um peng nakhnga lo caah a si.

JOHAN 8:12

Jesuh nih annih cu a thawh ṭhan hna i, “Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo,” tiah a ti.

EFESA 5:8

Nanmah hrimhrim zong kha muihnak chungah khua nan rak sa, sihmanhsehlaw Bawipa mi nan si cang caah ceunak chungah nan um. Cucaah ceunak mi a simi bantukin nan um awk a si.

HEBRU 5:9

A tlingmi ah ser a si tikah amah nawl a ngaimi vialte hna caah zungzal khamhnak hram ah a cang i

1 PETER 5:7

Amah nih an zohkhenh hna caah nan lungretheihnak vialte kha amah cungah chia dih ko u.

1 SAMUEL 30:6

Cun David cu a lungre a thei ngaingai; zeitintiah mi vialte kha an fapa hna le an fanu hna kongah khan an ngaih a chiat ngaingai caah mi nih khan amah kha lung i cheh awk an ceih lengmang. Sihmanhsehlaw David cu Bawipa a Pathian ah khan aa hriim ṭhan.