ISAIAH 50:1 - Lai (Hakha) Common Language Bible 2006

¹ Bawipa nih aa thawh i, “Mipa nih a nupi a mak bantukin ka mi hna cu ka dawi hna tiin dahra nan ruah? Khuazei ah dah maknak ca cu a si kun? Mipa nih a fale cu sal ah a zuar hna bantukin sal ah a kan zuar tiin dahra nan ka ruah? Asilo, sal i nan taan cu, nanmah nan sual ruangah a si; lamhlatpi i kalpi nan si cu nanmah nan ṭhat lo ruangah a si.

ISAIAH 50:1 ပူးပေါင်းရင်းမြစ်များ

1 SIANGPAHRANG 21:25

(Bawipa mithmuh i thil ṭha lo tuah awkah aa pemi Ahab bantuk ahohmanh an um lo — cu vialte cu a nupi Jezebel nih a forh ruangah a si.

2 SIANGPAHRANG 17:17

Cun annih nih an fapale le an fanule hna cu thawinak caah an khangh hna i litin mangih le eih kha an hman, Bawipa mithmuh i thil ṭhalo tuah awkah khan an i zuar i a thin kha an phawh.

2 SIANGPAHRANG 4:1

Profet fapa hna lak i pakhatpa nupi nih Elisha cu a auh i, “Na salpa ka vapa cu a thi cang; cun nang nih na salpa cu Bawipa a ṭihmi a rak si kha na hngalh, sihmanhsehlaw lei kan batmipa kha, ka fale pahnih hna cu sal si awk i lak awkah a ra cang,” tiah a ti.

NEHEMIAH 5:5

Cun annih nih cun, “Sihmanhsehlaw kan pum herhbaunak cu midang hna herhbaunak bantuk a si ve ko i kan fale hna cu an fale tlukin a ṭhami an si ve ko nain, kannih tu nih cun kan fale hna cu sal i i can awkah kan hnek lengmang ko hna. Kan fanule a cheukhat hna lebang cu sal ah an cang taktak cang, asinain, zeihmanh kan tuah khawhmi a um lo, zeicahtiah kan lo hna le kan mitsur dum hna cu midang ta an si cang,” an ti.

ESTHER 7:4

Zeicahtiah kannih cu, keimah he ka miphun hna he, hrawh awk le thah awk le kan ci hmih awkah zuarh kan si cang. Kannih cu nu he pa he, sal si awk men ah khan zuar kan si ahcun, dai tein kan um diam ko hnga, zeicahtiah kannih temhinnak ding cu siangpahrang sunghnak ding he khan tahṭhimh awk tlak a si lo,” tiah a ti.

SALM 44:12

Na mi cu man tlawmte ah na kan zuar i cu na kan zuarnak ah cun na miakmi zeihmanh a um lo.

EXODUS 21:7

“Mipa nih a fanu kha sal ah a zuar ahcun, salpa bantuk khan anih cu luatter a si lai lo.

ISAIAH 1:28

Asinain a sualmi le amah a dohmi paoh cu a hrawh hna lai; amah a hlawmi paoh cu a thah dih hna lai.

ISAIAH 27:8

Bawipa nih a mi hna dan a tat hna cu, ramdang i a kalter hna kha a si. A ṭhawngmi thli, nichuahlei thlitu kha a choihter hna.

ISAIAH 43:27

Nan pupa hmasa bik hna nih sualnak an rak tuah, nan hruaitu pawl nih ka cungah sualnak an tuah.

ISAIAH 46:8

Nannih misual mi hna, hihi philh hlah u; ka tuahmi kha ruat u.

ISAIAH 52:3

Bawipa nih a mi cu a thawh hna i, “Man loin sal ah zuar nan si. Cu bantuk ve in man loin tlanh nan si lai.

ISAIAH 54:6

Israel, nang cu ngaknu note, a va nih a hlawt i a lungre a thei ngaingaimi bantuk na si. Sihmanhsehlaw Bawipa nih cun an auh ṭhan i,

ISAIAH 54:7

“Caan tawite chung cu kan kaltak, sihmanhsehlaw dawtnak thukpi he kan lak ṭhan.

ISAIAH 58:1

Bawipa nih, “Nan au khawh chungin au tuah u. Ka mi Israel mi cu an sualnak kha chim hna u.

ISAIAH 64:6

Kan dihlak in misual kan si, kan thil tuahmi ṭha bik kan timi hna hmanh hi puanchia fihnung an si. Kan sualnak ruangah cun hnahchawl thli nih a choihmi bantuk khi kan si.

JEREMIAH 3:1

Mipa pakhat nih a nupi kha a mak i a nupi nih cun a kaltak i midang nupi a si tikah, Cu pa nih cun cu nu cu a fuh ṭhan lai maw? Cu nu cu thurhhnawmh a si cang lo maw? A la ṭhan kho ti lo. Sihmanhsehlaw nannih cu duhtu tampi he hlawhhlang nan i celh i Atu cu ka sinah ra kir nan duh! tiah Bawipa nih a ti.

JEREMIAH 3:8

Kha zumhawktlak lo Israel kha, vacung in pa aa duh caah maknak ca he ka kalter zong kha a hmuh fawn. Sihmanhsehlaw a unaunu, hlenhmang Judah kha a thin a phang lo, amah zong cu a kal i hlawhhlangnu kha aa celh ve lehlam.

JEREMIAH 4:18

Na umtuning le na thil tuahmi nih mah hihi na cungah an tlunter, Mah hihi na dantatnak a si i Mah thil vialte hi na ka doh ruangah an chuak.

HOSEA 4:5

Chun zan in nan palh lengmang ko i profet hna zong nih khan nanmah nakin zeihmanh a ṭha deuh in an tuah hlei lo. Nan nu Israel cu ka hrawh lai.

LEVITIKAS 25:39

“Cun na unau kha na kiangah a si a fah i amah le amah kha na sinah aa zuar ahcun, sal bantuk cun na hmang lai lo:

MATTHAI 18:25

Cu sal nih cun a leiba chamnak a ngeih lo caah a bawipa nih cun cu pa cu a nupi he a fale he a ngeihmi thil vialte he leiba chamnak dingah cun sal ah zuar si hna seh, tiah a ti.

DEUTERONOMI 32:30

An Lungpi nih a rak zuarh hna i Bawipa nih a rak hlawt cang hna dah ti lo ahcun, Zeitindah pakhat nih thong khat kha a dawi hna lai i, Pahnih nih thong hra cu an zamter hna lai?