ISAIAH 5:7 - Lai (Hakha) Common Language Bible 2006

⁷ Israel cu Lianngan Bik Bawipa dum cu a si; Judah ram mi hna cu mitsur ruang a cinmi cu an si. Thil ṭha kha nan tuah lai tiah a ti hna, sihmanhsehlaw lai nawnnak lehlam kha an tuah. A dingmi thil kha nan tuah lai tiah a ti hna, Sihmanhsehlaw an hremmi hna ṭah thawng tu kha a theihmi cu a si.

ISAIAH 5:7 ပူးပေါင်းရင်းမြစ်များ

GENESIS 4:10

Cun Bawipa nih cun, “Zeicahdah hi thil ṭhalo hi na tuah? Ngai hmanh! Nangmah nih na chuahmi na nau thisen nih khan vawlei in a ka auh lengmang ko.

2 SAMUEL 7:10

Cun ka mi Israel mi hna caah hmun pakhat ka tuah lai i anmah hmunte ah cun an um nakhnga le hnahnawh an si ti nakhnga lo, ka phun hna lai;

JOB 34:28

Khi tikah sifakmi aunak kha a hna chungah a phan i hremmi hna aunak kha a theih.

SALM 147:11

asinain a lung a tongmi cu amah a ṭihmi le a fekmi a dawtnak aa bochanmi kha an si.

SALM 149:4

Bawipa nih a mi cu a zaangfah hna i santlai lomi kha teinak a pek hna.

SALM 80:15

Nangmah hrimhrim nih na cinmi mitsur ruang hi ra khamh tuah; hi tluk ṭhawng in na ṭhantermi mitsur ruang no hi ra khamh tuah!

EXODUS 3:7

Cun Bawipa nih cun, “Zeitluk in dah ka mi hna nih Izipt ram ah temhinnak an huah ti kha fiang tein ka hmuh cang; a hremtu hna nih an cung i rian fak an khinh hna ruang i bawmhnak hal in an ainak kha ka theih. An nganfahnak cu ka hngalh dih cikcek.

PHUNGTHLÛKBIA 21:13

Misifak hna an au tikah a hna aa chehmi cu, amah a au ve tikah ahohmanh nih an theihpiak ve lai lo.

PHUNGCHIMTU 4:1

Cun hi vawlei cung i a um lengmangmi dinlonak hi ka zoh ṭhan. Hremmi hna cu an ṭap lengmang, sihmanhsehlaw ahohmanh nih an bawm hna lo. Anmah a hremtu hna kha thil ti khawhnak a ngeimi cu an si caah ahohmanh nih an bawm duh hna lo.

SOLOMON HLA 7:6

Nu raan vun haih khawh lo maw mui sung dawh cem, Ka dawt nunnem tikheirem dawh te, Nang lawng nih kei ka lung hnem dah ngai.

ISAIAH 1:21

Zumhawktlak a rak si tawnmi khua kha, atu cu hlawhhlangnu a si cang. Hlanah khan cun a chungah miding an rak um tawn, sihmanhsehlaw atu cu lainawng pawl lawng an tang cang.

ISAIAH 1:6

Nan kechik in nan luthlung tiang, nan pum cungah hin khuazei hmanh ah damnak a um lo, hma le rung in nan khat dih. Nan hma cu an in ṭawlpiak hna lo i an in tuampiak hna lo. Si zong an in thuhpiak hna lo.

ISAIAH 27:2

Cu ni ah cun a nuammi a mitsur dum kong ah Bawipa nih hitihin bia a chim lai,

ISAIAH 3:14

Bawipa nih cun, a mi hna an upa le an hruaitu pawl kha biaceih awkah a chuahpi hna lai. Taza a cuainak hna cu hitihin a si: “Mitsur dum kha nan ramh dih hna i nan inn cu misifak nan chuhmi hna thil kha a khat.

ISAIAH 3:15

Ka mi nan rial hna cu nan rial hna awk hrimhrim a si lo i misifak nan deh nan hlen hna i an thil nan chuh hna cu nan tuah hrimhrim awk a si lo tiah Bawipa Ralkapbu Pathian nih ka ti,” a ti.

ISAIAH 3:17

Sihmanhsehlaw dan ka tat cang hna lai — an lu ka meh hna lai i lu kawng in ka chiah hna lai,” a ti.

ISAIAH 30:12

Sihmanhsehlaw Israel Pathian Thiang nih a chimmi cu hihi a si: “Kan chimhmi hna kha zei ah nan rel lo i zaang-ennak le hlennak tu kha nan i bochan.

ISAIAH 46:12

Nannih mi lung hak hna, ka bia ngai tuah u, nannih nih cun teinak cu a hla ngaingai rih tiah nan ruah.

ISAIAH 5:2

Vawlei kha a cawh i lung kha a hlonh hna; mitsur kung ṭha bik phun kha a cin hna. Mitsur ruang cawnghnak caah cun parthlam pakhat a sak i mitsur thei nennak caah cun khor pakhat a cawh. Mitsur thei an hmin lai cu a hngah, sihmanhsehlaw an thor dih ai.

ISAIAH 59:13

Nangmah cu kan in doh, kan in hlawt i kan in zul duh lo. Kan Pathian cu kan in kirtak i kan in hlawt. Kan lung chungin lih kha kan i pawi i cu lih cu mi congoihnak le mi rawinak ah kan hman hna.

ISAIAH 59:14

Dinnak cu kan ṭhawl i ahmaanmi thil nih a naih in a kan naih kho lo. Zapi i pumhnak hmun ah khan biatak cu zeihmanh ah rel a si lo i biaceihnak hmun ah khan dinnak zeihmanh a um lo.

ISAIAH 59:4

Biaceihnak hmun ah nan kal, sihmanhsehlaw ahohmanh bia hmaan a chimmi nan um lo. Nan bia tei khawhnak caah lih kha nan i bochan. Midang harnak peknak caah khua nan khan i cucu nan tlinter taktak.

ISAIAH 62:5

Tlangval nih ngaknu a ṭhit bantukin Nangmah an Sertu nih an ṭhit lai. Tlangval cu a mo cungah aa lawmh bantukin Na Pathian cu na cungah aa lawm lai.

JEREMIAH 12:10

Tuukhal tampi nih ka mitsur dum kha an hrawh i ka lo kha an naan dih, Ka lo a ṭhami te kha thetse ram ah an ser dih,

JEREMIAH 24:2

Bawm khat chung i cu an ṭha ngaingai, a hmin hmasa bik theipi bantuk khi an si; bawm khat chung i tu cu an chia ngaingai, an chiat tuk caah ei awk a tlak lomi khi an si.

JEREMIAH 50:46

Babilon cu a tluk tikah a thawng a than tuk caah vawlei aa hnin i A ainak thawng cu miphun zakip sin tiang a thang.

EZEKIEL 22:29

Zapi kha mipuar le mifir an si, vanchiami le sifakmi kha an serhsat hna i ramdangmi cungah ding loin khua an sa i an puar.

HOSEA 10:1

Israel mi cu tlai a duh ngaimi phun mitsur ruang bantuk an si, A thei tam deuh a hung tlai paoh ah biakṭheng zong kha tam deuh an sak ve, An vawlei nih tam deuh a chuahter paoh ah an biakmi tung thiang kha dawh deuh in an ser ve hna.

MIKAH 6:12

Khuapi chung i mirum mi nih khan sifakmi kha an hrem hna, Cu hna cu mihrokhrawl lawngte an si dih.

MIKAH 6:8

Nannih hmun kip kaa kip i a ummi vialte hna, Pathian nih cun thil ṭha kha zeidah a si ti cu an chimh cang ko ṭung hna; An halmi hna cu, ding tein thil ti le zaangfahnak ngeih le na Pathian hmai i toidor tein khuasak kha pei a si ko cu.

HABAKKUK 1:3

Zeicahdah ṭhat lonak hi vialte hi na ka hmuhter i mi nih fahnak an inmi cu na zoh sawhsawh men ko? Rawhralnak le zaang-ennak nih an ka chuahhnawh, Remlonak kha a chuak i siknak kha a tam.

ZEFANIAH 3:17

Bawipa na Pathian cu, nangmah kha him tein umter awkah na chungah ralkap bantukin a um ko; Na cungah a lung aa lawm lai i a tha a nuam lai; A dawtnak cu an hmuhter ṭhan lai; Hlanlio bantuk khan na cungah lunglawmhnak au thawng he aa lawm lai.

MATTHAI 23:23

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna! Tihang ṭamhnak puṭinan tehna, hamhhuai tehna, aithing tehna hmanh kha cheu hra ah cheu khat Pathian sinah nan pek, sihmanhsehlaw Nawlbia nih biapi taktak a si a timi dinnak le mi zaangfahnak le zumhtlakmi sinak hna cu zeihmanh ah nan rel ṭung lo; hi hna hi pei nan tuah awk a si cu, a dang zong kha daithlanh hlei loin.

LUKA 18:7

Pathian nih tah amah a mi hna chunzan hlan in a sinah bawmh hal awkah a au lengmangmi hna cu thiamcoh loin maw a um hna hnga? Anmah bawmh awkah cun a khul a nuar ko hnga maw?

JOHAN 15:2

Thei a tlai lomi ka nge vialte kha a tan dih hna i thei a tlaimi nge vialte kha an tlai chinchin nakhnga a thianh hna.

DEUTERONOMI 15:9

‘Kum sarihnak kum, ngaihthiamnak kum cu a nai cang,’ tiin nan ti i nan unau a si a fakmi kha hmuh nan duh lo i zeihmanh pe duh loin nan lung chungah ruahnak ṭhalo a um sual nakhnga lo, i ralring tuah u, nanmah kongah Pathian a auh ahcun nan caah sual a si ko lai.

JEIM 5:4

Nan lo chung i rian a ṭuanmi, an nihlawh nan pek hna lomi an aunak thawng kha a thang i nan rawlṭuantu hna an aunak thawng kha Pathian Lianngan Bik Bawi i a hna chung a phan cang.