ISAIAH 5:6 - Lai (Hakha) Common Language Bible 2006

⁶ Ka buatter lai i mitsur ruang cu an nge ka tanpiak hna lai lo; vawlei zong kha ka co lai lo, hling le so tu ka khahter hna lai. Khuadawm hmanh kha, ruah pe hlah, tiah ka thlauh lai,” a ti.

ISAIAH 5:6 ပူးပေါင်းရင်းမြစ်များ

1 SIANGPAHRANG 17:1

Gilead ram chung Tishbe khua Tishbe mi Elijah nih Ahab cu a thawh i, “Bawipa, Israel Pathian, a hmaika i ka dir tawnmi a nun bangin, dap siseh, ruah siseh, ka bia in dah ti lo ahcun, hi kum hna chungah hin a um lai lo,” tiah a ti.

1 SIANGPAHRANG 8:35

“Cun nangmah cung i an sual ruangah van cu a pih i ruah a sur lo tikah, hi hmun lei hoih in thla an cam i na min kha an upat i nangmah nih na hrem hna tikah, an sualnak kha an mertak ahcun,

JOB 31:40

Changvut can ah hling kho hna seh law barli can ah belh kho ko hna seh,” tiah a ti. Job bia cu an dong.

PHUNGTHLÛKBIA 24:31

Zohhmanh, hling nih a zual dih i vawlei cu thahau nih a khuh dih, a kulhnak lung hau cu an cim dih.

ISAIAH 24:12

Khuapi cu a rawk i a kutka cu an baoh dih hna.

ISAIAH 30:23

Thlaici nan tuh tikah Bawipa nih ruah a surter lai i a khohter hna lai i kumvui ṭha an pek hna lai. Cun nan saṭil nih ram hno tampi an hmuh lai.

ISAIAH 32:10

Atu ah cun hnangam in nan um, sihmanhsehlaw kumvoi atu tikah hin cun lungdong in nan um lai, zeicahtiah mitsur thei lawh awk zeihmanh nan ngei lai lo.

ISAIAH 49:19

“Na ram cu a rak rawk dih i pakpalawng ah a rak cang dih, sihmanhsehlaw atu cu, a chung um awk i a ra dingmi hna caah a hme tuk cang lai. Nangmah cu rawk relrul in an kaltaktu hna kha na sinin lamhlapi ah ṭhial an si cang lai.

ISAIAH 55:13

Atu i hlingbur an umnak hmun ah hin saipres thing an kho lai i hling lakah hin martal thing rimhmui an um lai. Hi hmelchunhnak hi zungzal in a hmunmi hmelchunhnak a si lai i Bawipa nih ka tuahmi an hngalhter ṭhantu hna a si lai,” a ti.

ISAIAH 7:19

A thukmi horkuang chung le lungpang chung lungkua vialte kha a khah in an khat lai i hlingbur vialte le saṭil tlonnak ram vialte ram kha a zual in an zual hna lai.

JEREMIAH 14:1

Khua a khen kong ah Bawipa bia Jeremiah sinah a phanmi:

JEREMIAH 14:22

Miphun dang pathian, pathian deu a simi hna lakah ruah surter kho an um maw? Asiloah, van hna nih khin ruahpi an surter kho maw? Nangmah cu kan in bochan nakhnga, Pathian na si lo maw, Maw Bawipa? Hi thil vialte hna a tuahtu hi nangmah lawnglawng na si.

JEREMIAH 25:11

Kum sawm sarih chung hi ram hi ningzak le tuksapur in a um lai i hi miphun hna nih hin Babilon siangpahrang cu an rianh lai.

JEREMIAH 45:4

Baruk sinah na chim ding bia cu hihi a si, hi bangin Bawipa nih a ti: Zohhmanh, ka sakmi kha ka ṭheh ṭhan i ka phunmi kha ka phawi ṭhan. Cu bantuk cun vawlei pumpi kha a si lai.

ṬAHNAK HLA 2:6

Mitsur ruang kha a thei lawh a si bangin a puan biakinn kha a ramh i Pumhnak hmun kha a rawkmi hmun ah a ser. Bawipa nih Zion ah cun puai pumhnak le sabbath hngalhnak vialte kha a hloh dih; A thinhunnak a fah caah, Siangpahrang he tlangbawi he zei ah rel loin a um hna.

HOSEA 3:4

Zeicaahtiah Israel mi cu caan sau nawn chung kha siangpahrang siseh, bawi siseh, raithawinak siseh, tung thiang siseh, siasal siseh, innchungkhar pathian si hna seh, ngei loin an um lai;

HOSEA 9:6

Rawhralnak kha an luat hmanh ah Izipt nih khan a rak i fimhlawm lai i Memfis cu an thlan a si lai; Rili chung thetse tlang nih khan an lawng cu a hrawh hna lai, An ram ah khan belh a kho lai i an umnak hmun ah khan hling an kho lai.

JOEL 1:7

Kan mitsur ruang cu an hrawh dih hna i Kan theipi kung cu an teuh dih hna. A hawng kha thiang hirhiar in an ei dih hna i an nge hna cu a ran in an rang dih.

AMOS 4:7

Rawl ṭuannak caan tiangah thla thum a duh rih lioah, Nan cungah ruah sur loin a khamtu cu keimah ka si; Khua pakhat cungah cun ruah cu ka surter ko lai i Khua dang pakhat cungah cun sur loin ka umter ko lai; Lo pakhat cu ruah nih a surh ko lai i Sihmanhsehlaw lo dang pakhat cu a surh lo caah a car ko lai.

LUKA 21:24

Annih cu vainam in thah an si lai i ram kip ah sal ah an hruai hna lai, Jentail mi nih Jerusalem khua cu an naan lai i an caan a dih hlantiang an ke tangah an chiah lai.

DEUTERONOMI 29:23

cu hremnak cu, ram cu a dihlak in kat le cite, thi lakin khanghmi, zeihmanh tuh lo, zeihmanh corh lo, ram zeihmanh khoh khawh lonak a si, a thinhunnak le a thinlinhnak in Bawipa nih a hrawhmi Sodom le Gomorrah le Admah le Zeboiim rawknak bantuk a si —

BIAPHUAN 11:6

Van kharnak nawl kha an ngei i cucaah cun Pathian bia an chim chung cu ruah a sur lai lo. Cerhti put zong kha thi i canternak nawl an ngei fawn. Cun vawlei zong kha an duh tik caan paoh ah hremnak a phunphun in hremnak nawl an ngei.