ISAIAH 5:29 - Lai (Hakha) Common Language Bible 2006

²⁹ An ralkap hna cu, a sa sehmi ka chut hna hlah seh tiah aa kalpimi chiandeih bantuk an si.

ISAIAH 5:29 ပူးပေါင်းရင်းမြစ်များ

GENESIS 49:9

Judah cu chiandeih fa a sasehmi a that i a kua ah a kir ṭhanmi a si; Chiandeihpi bantukin a bawk i ahohmanh nih an helh ngam lomi a si.

SALM 50:22

“Zei i a ka rel lomi hna, hihi ngai tuah u, nan ngaih lo ahcun kan hrawh hna lai i ahohmanh nih an in khamh kho hna lai lo.

ISAIAH 10:6

Pathian zei ah a rel lomi miphun, ka thin a ka phoktu hna tuk awkah Assiria cu ka thlah. An thil va chuh awk le ramh awk le mi kha khualak lam i nawncek he lamh chih awkah annih cu ka thlah hna,” a ti.

ISAIAH 31:4

Bawipa nih a ka thawh i, “Sa a uammi chiandeih cu tuukhal pawl nih an au an khuanhnawh len zongah an ṭhawl khawh lo bantukin keimah Ralkapbu Bawipa zong hi, Zion Tlang ka humhaknak hin zeihmanh nih a ka ṭhawl kho lai lo.

ISAIAH 35:9

Chiandeih zeihmanh an um lai lo, saram ṭihnung zeihmanh an i chawk lai lo. Bawipa nih a luattermi hna cu hi lam hin inn ah an tlung lai.

ISAIAH 42:22

Sihmanhsehlaw atu ah cun a mi hna cu mi nih an ramh hna, vawlei tang thonginn chungah an khumh hna i thonginn chungah an hrenh hna. An ramh hna i an thil an chuh hna, ahohmanh a chanhtu hna an um lo.

ISAIAH 47:15

Nan chan chung vialte ruahnak nan hal zungzalmi arfi zohthiam hna nih ruahnak an in pekmi hna i an in phakpi hna laimi cu hihi a si ko. An dihlak in an in kaltak hna lai i an duhnak cio paoh ah khan an kal lai, nanmah khamhtu ah a tangmi pakhat hmanh an um lai lo,” a ti.

JEREMIAH 2:15

Zeicahdah chiandeih nih an hukhnawh i an aihnawh? Zeicahdah a ram cu pakpalawng ah a can? Zeicahdah a khuapi hna cu an rawk i mi nih an chuahtak hna?

JEREMIAH 4:7

Rambur chungin chiandeih a hung chuak cang Miphun hna hrawktu aa thawh cang; Nan ram kha hrawh awkah a umnak hmun in a chuak cang; Nan khuapi hna cu an chungah mi um loin an rawk cikcek lai.

JEREMIAH 49:19

Zohhmanh, Jordan tiva kam tupi chungin a hung chuak i zungzal in a hringmi saṭil tlonnak ram lakah a ra chuakmi chiandeih bantukin keimah nih Edom mi vialte kha ka dawi dih hna lai i tuukawng ṭha bikbik kha ka tlaih din hna lai. Ahodah keimah bantuk hi a um i ahodah keimah tluk hi a um? Tuukhal aho tal ka hmaiah a dir khomi an um maw?

JEREMIAH 50:17

Israel mi cu chiandeih nih a dawi i a ṭhek dihmi tuurun bantuk a si; An sa a ei hmasa biktu kha Assiria siangpahrang a si i An ruh a ṭam hmanung biktu kha Babilon siangpahrang a si.

JEREMIAH 51:38

Babilon mi hna cu chiandeih bangin an awn lai, Chiandeih fano bangin an ngur len lai.

HOSEA 11:10

An ral cu chiandeih bantukin ka awnhhnawh hna lai i ka mi nih cun an ka zulh lai; Nitlaklei in khulrang in ka sinah an ra lai.

AMOS 3:8

Chiandeih a huk, ahodah ningṭi loin a um kho? Bawipa Pathian nih bia a chim: ahodah chim loin a um kho?

MIKAH 5:8

Israel mi a cheukhat cu miphun hna lakah khan, Tu chung le phong i rawl a kawlmi chiandeih bantukin an si lai; Tuurun lak i thlahmi chiandeih no bantuk an si lai. An lakah khan a vung lut i a nam hna i a thleh a bauh dih hna i anmah chanhtu ding ahohmanh an um lo.

NAHUM 2:11

Khuazei ah dah atu cu chiandeih kua kha a um? Chiandeih fa an bawhnak lungkua kha khuazei ah dah a um? Chiandeih a pa le a pi le an fale rual, ṭihnak zeihmanh ngei loin an i chawh thluaimai tawnnak hmun kha khuazei ah dah a um?

ZEFANIAH 3:3

A chung i bawi hna cu chiandeih a huk lengmangmi an si, A biaceihtu bawi hna cu zinglei tiang a ngang kho lomi cenghngia an si,

ZEKHARIAH 11:3

Tuukhal hna an ṭah thawng cu ngai hmanh u, Zeicahtiah saṭil tlonnak ram cu a rawk dih cang. Chiandeih no an huk thawng cu ngai hmanh u, Zeicahtiah Jordan tupi cu a rawk dih cang.

NAMBAR 24:9

A kun i chiandeih bangin a bawk, Chiandeihpi a lo; aho nih dah an thawh ngam lai? Nanmah thluachuah an petu hna paoh cu thluachuakmi si ve hna seh law, Chiat an serhtu hna paoh cu chiat serh si ve hna seh,” tiah a ti.