ISAIAH 5:20 - Lai (Hakha) Common Language Bible 2006

²⁰ Nan lo cang! Thil ṭha cu thil ṭhalo nan ti i thil ṭhalo cu thil ṭha nan ti. Khuamui kha khuaceu nan ti i khua ceu kha khua mui nan ti. A kha mi kha a thlum nan ti i a thlummi kha a kha nan ti.

ISAIAH 5:20 ပူးပေါင်းရင်းမြစ်များ

JOB 17:12

Chun cu zan ah a cang cang, zingka ceunak cu ka hmaiah a mui cang.

EXODUS 23:7

Ahmaan loin sual i phawtnak kha hrial ko u. A sual lomi kha thih dan pe hlah u, zeicahtiah cu bantuk thil ṭhalo a tuahmi cu keimah nih sual ka phawt hna lai.

PHUNGTHLÛKBIA 17:15

Miṭhalo thiamcoh le miding sualphawt hi, an pahnih in Bawipa mithmuh ah fihnung an si veve.

PHUNGTHLÛKBIA 4:17

Ṭhat lonak changreu kha an ei i zaang-ennak zu kha an din.

ISAIAH 24:9

Hlasak pah i mitsur zu din kha a um ti lo, ahohmanh nih mitsur zu kha a thaw an ti ti lo.

ISAIAH 29:21

Mi congoih a hmangmi hna le misual dantat loin a luattertu hna le lihchim lomi nih biakhiahnak a dingmi an hmuh ding hmu kho loin a dawntu milihchim hna cu, Pathian nih a hrawh hna lai.

ISAIAH 30:10

Profet pawl kha, dai tein um ko u, an ti hna. An thawh hna i, “Zeidah a ding ti kha kan chim hlah u, theih kan duhmi kha ta nan kan chimh ko. Kan i ruahning in va um ko u sih.

ISAIAH 32:5

Ahohmanh nih mihrut cu hmaizahmi tiah an ruat ti hna lai lo i mihrokhrawl cu lihchim lomi tiah an ruat ti hna lai lo.

EZEKIEL 13:19

Nannih nih ka mi hna hmaiah barli pei khat ruang le changreu pelpawi ruangah nan ka thurhhnawmh cang, nannih nih lihbia ngaih a duh ngaimi ka mi hna sinah lih nan chimnak thawngin, a thi hnga lo ding kha nan thihter hna i a nung hnga lo ding kha nan nunter hna.

AMOS 5:7

Biading kha a bingtalet in a thlai i, Dinnak kha vawlei ah a hril i,

MIKAH 3:2

Sihmanhsehlaw ṭhatnak kha nan huat i ṭhat lonak kha nan duh; Mi kha a nung in an cuar nan hawh hna i an ruh i aa benhmi tit kha nan khoih;

HABAKKUK 1:4

Cucaah nawlbia cu san a tlai ti lo i biading cu teitu a si kho ti lo; Miṭhalo nih khan miding mi cu an fimneh hna i cucaah biading cu merh lengmang a si ko cang.

MALAKHI 2:17

Nan bia in Bawipa cu nan nor cang. Nan i thawh i, “Zeitindah kan nor?” nan ti. Ṭhat lonak a tuahtu vialte hna hi Bawipa mithmuh ah cun an ṭha ko i an cungah a lung aa lawm ko, nan tinak le, khuazei ah dah biading Pathian cu a um, nan tinak thawng hin nan nor cu a si.

MALAKHI 3:15

“Miruamkai pei lunglawmmi cu an si ko hi, miṭhalo hna pei an nun a nuamh lawng si loin Pathian a hneksak i a luatmi an si ko hi,” nan ti.

LUKA 16:15

Jesuh nih a thawh hna i, “Nannih hi minung mithmuh i miding aa lawhtermi pawl nan si, sihmanhsehlaw Pathian nih cun nan lungthin cu a hngalh ko. Zeicahtiah minung nih man sung ngai i an ruahmi cu Pathian mithmuh ah cun pakpalawng a si ko.

DEUTERONOMI 25:1

“Mi an i sik i zung ah an chuah i biaceihtu nih an ceih hna i a sual lomi kha an luatter i a sualmi kha sual an pek ahcun,

2 PETER 2:1

Hlan lioah Israel mi hna lakah nal profet an rak chuah tawn bangin, nanmah lak zongah hin cawnpiaktu hmaanlo an chuak ve lai. Thil hrawktu a simi le ahmaan lomi zumhning kha an chuahpi lai i anmah a tlantu hna kan Bawipa kha an hlawt lai i cucaah an cungah a rian a rangmi rawhralnak kha an i tlunter lai.