ISAIAH 5:14 - Lai (Hakha) Common Language Bible 2006

¹⁴ Mithi khua cu anmah ei duh ah khan a kaa kau piin aa an ko. Jerusalem khua chung tuavon pawl zong kha, zapi pawl aa chawk ur komi hna he cun a dolh duahmah ko hna.

ISAIAH 5:14 ပူးပေါင်းရင်းမြစ်များ

SALM 49:14

Tuu bantukin a thi dingin ruah an si cang i an tuukhal cu thihnak a si lai. Miding mi nih khan zinglei ah an tei hna lai i mithi hna ram ah an pum cu a thu a man lai, cuka cu an inn in aa hlatmi hmun a si lai.

SALM 55:15

Ka ral hna cungah cun thihnak kha khulrang in tlung seh law mithi khua ah khan a nung in vung kal hna seh. An inn chung le an lung chungah ṭhat lonak a um.

PHUNGTHLÛKBIA 1:12

Sheol bantukin an nung na bu in dolh hna u sih; Sualnak an ngei lo nain khor chung i a vung kalmi hna bantuk khi si hna seh.

PHUNGTHLÛKBIA 27:20

Sheol le Abaddon cu zeitikhmanh ah an vuai bal lo. Minung mit zong zeitikhmanh ah a vuai bal ve lo.

PHUNGTHLÛKBIA 30:16

Cu hna cu Sheol le a cingmi chul le a ti a hal zungzalmi vawlei le “A za cang,” a ti bal lomi mei an si.

ISAIAH 14:11

Tingtang aw dawhdawh he upatnak an rak in pek tawnmi kha atu cu mithi khua ah na um ve ai cang. Tholung a khatmi ihkhun ah na it ve cang i cangcel nih a zual in an in zual ve ai cang,” an rak ti.

ISAIAH 14:9

Babilon siangpahrang rak don awkah cun mithi khua cu aa tim. Vawlei cung i mi lianngan a rak simi hna thlarau kha an i teltum. Siangpahrang hna thlarau kha an bawiṭhutdan in an tho.

ISAIAH 21:4

Ka lung a mit, ka ṭih tuk ah a ther in ka ther. Zanlei cu phan cang ko seh ti ka duh hringhran, sihmanhsehlaw zei dang um loin thlalaunak lawnglawng a ka phorh.

ISAIAH 24:8

an i lawmhnak hla dawh le tingtang tum thawng le khuang thawng kha a dai cang.

ISAIAH 30:33

Assiria siangpahrang khanghnak dingah meiphu nganpi tihnak ding hmun kha hlan piin timh a si cang. Cu meiphu tihnak ding hmun cu thukpi le kau piin cawh a si i a chung khat in thing chiah a si. Cu meiphu duahnak dingah cun Bawipa nih a thaw ah meizik a chuah lai i cu nih cun a alhter lai.

EZEKIEL 7:12

Caan cu a tlung cang, cu ni cu a phan cang; cawtu zong i lawmh awk a si lo, zuartu zong i ngaihchih awk a si hlei lo, zeicahtiah an i tuai le an i hmalnak cungah khan a dihlak in ka thin a hung.

DANIEL 5:30

Cu zan hrimhrim ah cun Khaldi mi hna siangpahrang Belshazzar cu thah a si i Media mi Darius nih pennak kha a lak, Darius cu kum sawm ruk le kum hnih a si.

NAHUM 1:10

Hling nih a ngerhmi le zuri bantuk le a romi capawl bantukin na kang dih lai.

HABAKKUK 2:5

Rumnak hi hlen a hmang, mihakkau hi an i porhlaw i dai zirziar in an um kho lo. Thihnak bantuk an si — khim ti an ngei lo. Cucaah cun ram khat hnu ram khat an tuk hna i an tei hna i an mi kha an sinah an pumh hna.

MATTHAI 7:13

“Kutka bi chungah cun lut tuah u, zeitintiah Hell ah a kalmi lam cu a kau i a fawi i mi tampi nih an zulh.

LUKA 17:27

Noah nih lawng chungah a luh i buanchukcho kha a tlun i an thih dih ni tiang hrimhrim kha, an ei an ding an i ṭhi an i um ko.

LUKA 21:34

“I ralring tuah u. Zudin sa-einak le khuasak tintuk harnak lawng kha ruat hlah u, cu ti nan si ahcun cu Ni nih cun ruah lopi ah rap bantukin an foih sual hna lai.