ISAIAH 5:10 - Lai (Hakha) Common Language Bible 2006

¹⁰ Rel nga hmun lo ah an cinmi mitsur ruang nih mitsur hang thawl khat lawng a chuah lai i faci phor hra an tuhmi nih phor khat lawng a vui lai,” a ti.

ISAIAH 5:10 ပူးပေါင်းရင်းမြစ်များ

EXODUS 37:22

A kuhkulul hna le a nge hna cu meiinn tung he khan an i peh dih; denmi sui in sa khat ah ser an si dih ko.

ISAIAH 32:13

hling le so lawng an khat dih. Nuam tein mi nih an rak umnak inn hna le minung a khah in an rak khahnak khuapi kha ṭah ko hna u.

ISAIAH 7:23

“Cu caan a phak tikah, mitsur ruang ruang khat ah a man tangka thong khat a simi ruang, ruang thong khat an umnak lo ṭhaṭha hna kha an bua dih lai i hlingbur le hling le so lawnglawng an khat dih lai.

JEREMIAH 48:33

Thei tampi a tlai tawnmi Moab ram khan Lunglawmhnak le thanuamnak kha lak an si cang; Mitsur hang nennak hmun in mitsur hang cu ka donghter cang; Lawmhnak aw thawng he a neng tawnmi kha an um ti lo, Lawmhnak au thawng zeihmanh a leng ti lo.

JOEL 1:17

Vawlei car ah cun thlaici cu an thi, Khon awk rawl zeihmanh a um lo; Cucaah buk cu an lawng i rawl khonnak inn cu an rawk.

LEVITIKAS 26:26

Cun nan i rinhcanhmi rawl kha ka chah tikah nu pahra nih changreu rawhnak pakhat ah nan changreu cu nan rawh lai i nan changreu cu a khing thlai tein pek ṭhan nan si lai; cun nan ei lai i nan i khimh lai lo.

LEVITIKAS 27:16

“Mi pakhatkhat nih roconak in amah ta a simi ram a cheubang cu Bawipa sinah a pekchanh ahcun, a man na tuakning cu a chung i thlaici tuhmi zat ning in a si lai; barli homer pakhat tuhnak cu ngun shekel sawm nga ah tuak a si lai.

HAGGAI 1:6

A tuh cu tampi nan tuh ko, sihmanhsehlaw tlawmte lawng nan zun; a ei cu nan ei ko, sihmanhsehlaw nan orthi a hnim bal lo; a din cu nan din ko, sihmanhsehlaw nan i za ceoceo tiang lawng a si; puan cu nan i aih ko, sihmanhsehlaw nan khua a lum bal lo; rianṭuantu nih khan an ṭuan man an hmuhmi cu zal pem chungah an sanh lengmang ko.

HAGGAI 2:16

Rawl pumhmi kha phorh kul a si lai tiah nan ruahmi ah khan phorh hra lawng a rak um; mitsur hang nennak khor umpu sawm nga a um lai tiah nan fuhmi ah, kul lawng a rak um;

DEUTERONOMI 28:38

Khaubawk nih an ei dih lai caah, lo chungah thlaici tampi nan hei i phorh lai nain tlawmte lawng nan zun lai.

DEUTERONOMI 28:39

Mitsur dum nan ser lai i nan zohkhenh hna lai, sihmanhsehlaw a mitsur hang kha nan ding lai lo i a thei zong nan lo lai lo, zeitintiah rungrul nih a ei dih hna lai.