ISAIAH 49:1 - Lai (Hakha) Common Language Bible 2006

¹ Lamhlatpi i a ummi miphun hna, ram hlapi i a ummi hna, ka bia ngai tuah u. Ka chuah hlan in Bawipa nih a ka thim i a sal si awkah a ka fial.

ISAIAH 49:1 ပူးပေါင်းရင်းမြစ်များ

SALM 22:10

Ka chuah ri in nangmah cu kan bochan zungzal i ka chuah ri in ka Pathian na si zungzal ko.

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

ISAIAH 24:15

nichuahlei i a ummi nih an thangṭhat lai. Rili kam i a ummi hna nih Bawipa Israel Pathian cu an thangṭhat lai.

ISAIAH 33:13

Lamnai i a ummi nih si hna seh, lamhla i a ummi nih si hna seh, ka tuahmi kha thei hna seh law ka ṭhawnnak kha hngal hna seh,” a ti.

ISAIAH 41:1

Pathian nih, “Lamhlatpi i a ummi ram hna, dai tein um u law ka bia ngai tuah u. Biaceihnak hmun i nan bia chim awkah i tim tuah u. Chimnak caan nan ngei lai. Ahodah a hmaan ti khiah awkah hmunkhat ah ṭhu ṭi tuah u sih.

ISAIAH 42:12

Lamhlatpi ram i a ummi nih Bawipa cu thangṭhat hna seh law sunparnak pe hna seh.

ISAIAH 44:2

Nanmah an sertu hna cu Bawipa ka si, nan nunnak a hram a thawknak khan keimah nih kan bawmh hna. Nan thinphang hlah u; nanmah cu ka sal nan si, ka dawtmi ka mithim nan si.

ISAIAH 44:24

“Keimah cu Bawipa, nanmah an sertu hna le an khamhtu hna ka si. Keimah cu zeizong vialte a sertu Bawipa ka si. Keimah lawnglawng nih van cu ka samh hna; vawlei ka rak ser ah hin ahohmanh nih an ka bawm lo.

ISAIAH 45:22

Vawleicung mi vialte hna, keimah leiah khan i mer u law khamhnak hmu u. Keimah lawnglawng hi Pathian cu ka si ko.

ISAIAH 45:3

A muihnak i a ummi rothil hna le aa thupmi hmun i a ummi hlawnthil hna kha kan pek lai; cun keimah cu Bawipa ka si kha na hngalh lai i Israel Pathian nih na min in an kawh kha na hngalh fawn lai.

ISAIAH 46:3

Jakob tefa hna, ka bia kha ngai tuah u, ka mi chungin a tangmi hnihchun vialte hna, ka ngai tuah u. Nan chuahka in keimah nih kan puak hna i nan nu paw chungin kan cawi hna.

ISAIAH 49:12

Ka mi cu lamhla pipi in an ra lai i chaklei le nitlaklei in an ra lai, thlanglei i a ummi Sai-en khua in an ra lai,” a ti.

ISAIAH 49:5

Ka chuah hlan in Bawipa nih a ka fial; a mi cu kirpi ṭhan hna awkah le aa ṭhekmi Israel mi kha pumh ṭhan hna awkah, a sal ah a ka ser. Bawipa nih upatnak a ka pek; amah cu ka thazang hrampi a si.

ISAIAH 51:5

Khulrang in ka ra lai i ka khamh hna lai; teinak ka hmuh laimi caan cu a nai cang. Keimah hrimhrim nih miphun kha ka uk hna lai. Lamhlapi i a ummi ram nih an ka hngah, anmah khamh awkah ngangngan ngai in an ka hngah.

ISAIAH 52:13

Bawipa nih aa thawh i, “Ka sal cu a rianṭuanmi ah khan khuaawng a tong lai; a lian a ngan lai i upatnak a hmu lai.

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

ISAIAH 57:19

An dihlak in, lamnai i a ummi he lamhla i a ummi he, daihnak kan pek hna lai, ka ti hna. Ka mi cu ka damter hna lai.

ISAIAH 60:9

Annih cu lamhla piin a rami lawng an si, Pathian mi hna, inn i a rak tlunpitu hna lawng an si. Bawipa, Israel Pathian thiang upat awkah sui le ngun kha an rak i phorh; Bawipa nih miphun dang vialte cu, a mi Israel mi kha, upatnak a pekter hna.

ISAIAH 66:19

dan a tattu hna cu keimah ka si kha an hngalh lai. Sihmanhsehlaw a cheu cu ka zuah hna lai i ka minthannak a thei rih lomi hna le ka lianhngannak le ṭhawnnak a hmu rih lomi miphun le ram hla pipi ah khan ka thlah hna lai: Spain ram le Libia ram le Lidia ram, (Lidia ram cu thal kah thiammi umnak ram a si), Tubal ram le Grik ram ah ka kuat hna lai. Hi miphun hna hi ka lianhngannak kha an chimh hna lai.

ISAIAH 7:14

Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai.

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

JEREMIAH 1:5

“Paw chung i kan ser hlanah kan hngalh i na chuah hlanah kan thianter cang; Nangmah cu miphun hna ca i profet ah kan chiah cang,” tiah a ti.

ZEFANIAH 2:11

Bawipa nih annih cu a ṭihnunnak vialte he a chuahhnawh hna lai; vawlei cung khuazing vialte cu santlailo ah a ser dih hna lai i miphun dang hna rilikam ram le tikulh vialte nih amah cu an biak lai, mi kip nih anmahle an inn cio in an biak lai.

LUKA 1:15

Zeicahtiah amah cu Bawipa hmaiah mi ngan a si lai. Zu siseh, zureu siseh, zeihmanh a ding lai lo. A chuahka hrimhrim in Thiang Thlarau in a khat lai;

LUKA 1:31

Nau na pawi lai i fapa na hrin lai i a min ah Jesuh na sak lai.

JOHAN 10:36

Pa nih a thim i vawlei ah a run thlahmi keimah nih, ‘Pathian Fapa ka si,’ ka ti ruangah Pathian na serhsat tiah zeitindah nan ka ti khawh?

GALATI 1:15

Sihmanhsehlaw Pathian nih a ka zaangfah caah, ka chuah hlan khan a ka thim i amah rian ṭuantu dingah khan a ka auh. Cun Jentail mi hna sinah Thawngṭha cu ka chim nakhnga,

EFESA 2:17

Cuticun Khrih cu a ra i mi vialte sinah Thawngṭha cu a chim — Pathian he aa hlatmi nannih Jentail mi zong an chimh hna i Pathian he aa naihmi nannih Judah mi zong an chimh hna.

HEBRU 12:25

Cucaah cun ralring tein um u law nan sin i bia a chimtu bia kha al sual hlah u. Vawlei ah Pathian bia a chimtu bia theih a duh lomi cu an luat lo. Cucaah cun vancung in bia a run chimtu bia cu kan ngaih lo ahcun zeitluk in dah kan luat lo chinchin lai.

1 PETER 1:20

Amah cu Pathian nih vawlei a ser hlan khan a thim cang i nanmah caah hi ni hmanung bik hna caan ah hin a hun langhter.