ISAIAH 48:8 - Lai (Hakha) Common Language Bible 2006

⁸ Rinh awk tlak na si lo cu ka hngalh, na chuahka in midohhmang na si cu hngalh a si. Hi ti na rak si ruangah hin hi kong na theih bal lonak le bia pakhat hmanh na hna a phak bal lonak cu a si.

ISAIAH 48:8 ပူးပေါင်းရင်းမြစ်များ

SALM 40:6

Raithawinak le pekchanhmi thil hi na duhmi an si lo, biakṭheng cungah a pum in khanghmi thawinak sa hi na kan halmi a si lo, kan sualnak thianhnak ca i raithawinak tuah zong hi na kan halmi an si lo, asinain nangmah nih khan na bia kan theih khawh nakhnga ding caah hna tu kha na kan pek i

SALM 51:5

Sual cia in hrin ka si, ka nu nih a ka pawi ah khan, misual ka si cang.

SALM 58:3

Miṭhalo cu an chan chung vialte palhnak a tuahmi an si, an chuah ni in lihchim an i thawk.

ISAIAH 21:2

Langhnak ka hmuhmi cu ṭihnung a si ko, i rawinak le i lainak, rawhralnak langhnak a si. Elam ralkap hna, tu tuah u. Media ralkap hna, khuapi kha kulh hna u. Babilon nih a tluntermi temhinnak kha a dong cang lai.

ISAIAH 26:11

Na ral nih, dan a kan tat lai, ti awk an hngal lo, temhinnak pe hna law na timhmi dantatnak kha inter hna. Na mi kha zeitluk in dah na dawt hna ti kha annih cu hmuhsak hna.

ISAIAH 33:1

Kan ral cu an lo cang! Ahohmanh nih an ramh hna lo i an rawi hna lo nain, mi kha an ramh hna i an rawi hna. Sihmanhsehlaw an miramh le an mirawi caan kha a dih lai i anmah tu kha ramhmi le rawimi an si ve cang lai.

ISAIAH 42:25

Cucaah cun a thinhun ṭhawnnak kha a kan inter i ral hremnak kha a kan tuarter. Israel mi hna lakah a thinhunnak cu mei alh in a alh, sihmanhsehlaw zei thil dah a um ti kha kan hngal lo, kan i cawn khawhmi zong zeihmanh a um fawn lo.

ISAIAH 46:8

Nannih misual mi hna, hihi philh hlah u; ka tuahmi kha ruat u.

ISAIAH 47:11

Vanchiatnak kha na cungah a tlung lai i na camh nih khan an khamh kho lai lo. Hmakhatte ah na cungah rawhralnak a tlung lai — na mang hmanh i na manh bal lomi rawhralnak kha a tlung lai!

ISAIAH 48:4

Lunghak mi nan si lai ti kha ka hngalh cia, thir bantukin a ṭhawng i dar bantukin kuaih khawh lomi nan si.

ISAIAH 48:7

Atu lawnglawng ah hi thil cu ka umter hna, hi bantuk hi hlan ah zeitikhmanh ah a rak um bal lo.

ISAIAH 50:5

Bawipa Pathian nih hngalhthiamnak a ka pek caah amah cu ka do lo i ka pialtak fawn lo.

ISAIAH 57:4

Ahodah nan dehcawhmi cu a si? Nannih lihchim mi hna nih nan nihsawhmi cu ahodah a si?

JEREMIAH 3:20

Sihmanhsehlaw zumh awk tlak lomi nupi bantukin Ka cungah zumhawktlak loin nan um, maw Israel mi hna, tiah Bawipa nih a ti.

JEREMIAH 5:11

Israel innchungkhar le Judah innchungkhar cu, An pahnih in ka cungah zumh awk tlak lo hrimhrim in an um, tiah Bawipa nih a ti.

JEREMIAH 5:21

Maw mihrut le ruahnak a ngei lomi hna, mah hihi thei tuah u, mit a ngei nain khua a hmu lomi hna, hna a ngei nain khua a thei lomi hna.

JEREMIAH 6:10

Cun kei nih ka leh i, “Aho nih dah ka chawnh hna le ralrinnak ka pek hna tikah ka bia an ngaih duh lai? Annih nih an hna an i phih cang i an ngai bal lai lo. Na bia cu ngaih an duh lo i na chimmi cu nihchuak ah an rel.

HOSEA 5:7

Bawipa kha an rawi i a sinah zumhawktlak in an um lo; An fale hna cu amah ta an si lo; Cucaah an ram cu a rawk lai.

HOSEA 6:7

Adam ah ka biakamnak kha an hrawh, Khika ah an ka hlen.

HOSEA 7:9

Ramdangmi kha an i bochan hna caah anmah thazang kha a ṭum, sihmanhsehlaw cucu an hngal lo; An sam a par dih cang hmanh kha an hngal lo.

MALAKHI 2:11

Judah cu zumhawktlak lo a si ko, Israel ram chung le Jerusalem khua chungah mi nih fihnung a simi thil kha an tuah hna; Judah nih ramdang pathian fanu kha a duh hna i a ṭhit hna ruangah Bawipa thiannak kha a buar cang.

EFESA 2:3

A ngaingai ti ahcun, kan dihlak hin anmah bantuk cu kan rak si i kan i chuahkehpimi kan pumsa duhnak zulh khan khua kan rak sa i kan pum le kan lungthin duhnak he aa tlakmi paoh kha kan rak tuah. Midang cio bantukin kannih zong Pathian thinhunnak ing ding kan rak si.

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.

DEUTERONOMI 31:18

Ṭhat lonak an tuahmi vialte ruangah, pathian dang hna leiah an i mer caah, khi ni ah ka hmai cu ka thuh hrimhrim lai.