ISAIAH 48:19 - Lai (Hakha) Common Language Bible 2006

¹⁹ Nan tefa cu rili kam thetse zat in an tam hnga i zeitikhmanh i rawk kho lo dingin ka ser hna hnga,” a ti.

ISAIAH 48:19 ပူးပေါင်းရင်းမြစ်များ

GENESIS 13:16

Tefa tampi kan pek lai i an tam tuk ah ahohmanh nih an rel kho hna lai lo, leidip cu ahohmanh nih an rel khawh hna lo bantuk khi an si lai.

GENESIS 22:17

Van i arfi zat le rili kam i thetse zat khin tefa kan pek lai. Na tefa nih cun an ral kha an tei hna lai.

1 SIANGPAHRANG 9:7

khi tikah Israel mi cu ram ka rak pekmi hna chung khan ka hloh hna lai i ka min ca i ka thiantermi inn hi ka mit hmuh phak lo ah ka hlonh lai; cun Israel cu phungthluk bia le nihchuak capo bia ah mi vialte lakah a cang lai.

JOB 5:25

Na tefa hna cu tampi an si lai kha le Na hrinsor hna cu vawlei i ram bantuk an si lai kha na hngalh fawn lai.

SALM 109:13

A tefa vialte cu thi dih hna seh law hmai chan ah cun a min cu philh dipdep si seh.

SALM 9:5

Lawkihmi kha sual na phawt hna i miṭhalo kha na hrawh hna, annih cu hngalh ṭhan, ti a um ti lai lo.

ISAIAH 10:22

Atu ah cun Israel mi cu rili kam thetse zat si hna hmanh seh law, a kir ṭhanmi cu tlawmte lawng an si lai. Hi mi hna hi rawhralnak cu chiahpiak an si ko i cu rawhralnak cu an ton hrim awk a si ko.

ISAIAH 14:22

Ralkapbu Bawipa nih, “Babilon cu ka tuk lai i ka hrawh lai. Zeihmanh ka nganhmi a um lai lo — ngakchia siseh a tangmi si hna seh, ka nganhmi zeihmanh an um lai lo. Bawipa nih hi bia cu ka chim.

ISAIAH 44:3

“Ti a halmi ram kha ti ka pek lai i thetse ram ah khan tiva ka luanter hna lai. Nan tefa cu ka lianhngannak ka toih hna lai i nan ciruang cu ka thluachuahnak ka toih hna lai.

ISAIAH 44:4

Ti ṭha tein toihmi ram le tiva kam i a khomi inhliam kung bantukin an hninghno lai.

ISAIAH 48:9

“Mi nih ka min kha an thangṭhat khawh nakhnga, ka thinhunnak cu kaa sum; ka thin cu kaa sum hranhram i ka hrawk hna lo.

ISAIAH 54:3

A kam kip in na ramri cu na kauh lai; miphun dang nih atu ah an umnak ram hi na mi nih an co ṭhan hna lai; atu i a kingmi khua hi a linsa ṭhan lai.

ISAIAH 56:5

nan min cu ka Biakinn chungah le ka mi hna lakah, fapa fanu nan ngeih i nan min cinken a si nak hmanh khin, sau deuh cinken a si lai. Zeitikhmanh ah kan philh hna lai lo,” a ti.

ISAIAH 66:22

“Ka lianhngannak thawngin vawlei thar le van thar cu an hmunh bantukin nan tefa hna le nan min cu an hmun ve lai.

ISAIAH 9:14

Ni khat te ah Bawipa nih Israel mi hna le an hruaitu pawl cu dan a tat dih hna lai; a sam dih hna lai, lu he mei he a sam dih hna lai.

JEREMIAH 33:22

Van i arfi rel cawk lo le rili thetse rel cawk a si lomi bantukin, ka sal David i a tefa cu ka karhter hna lai i ka rian a ṭuanmi Levi mi hna zong ka karhter hna lai,” tiah a ti.

HOSEA 1:10

Sihmanhsehlaw Israel mi hna cu rili thetse bantukin rel cawk lo an si lai, tah cawk zong an si lai lo, rel cawk zong an si lai lo; annih cu “Ka mi an si lo,” ti an si ti lai lo i sihmanhsehlaw “A Nungmi Pathian Fa,” titu an si cang lai.

ZEFANIAH 1:4

Judah ram cungah le Jerusalem khua chung i a ummi vialte hna cungah khan ka kut ka samh lai; Baal biaknak thil a tang rihmi kha a hmanung bik tiangin ka hrawh lai, An siasal tlangbawi hna min zong kha, hi hmun hin ka hloh hna lai;

ROM 9:27

Cun Isaiah nih Israel kong ah, “Israel mi cu rili kam thetse zat in tam hmanh hna seh law tlawmte lawnglawng khamh an si lai,

DEUTERONOMI 9:14

ka dawn hlah, annih cu hrawk hna ning law, an min cu vanrang tang dihlak in hlo ko hna ning; cun annih nakin a ṭhawng deuh le a ngan deuhmi miphun ah nangmah cu in ser ko ning,’ tiah a ti.

JOSHUA 7:9

Zeitintiah Kanaan mi hna le hi ram chung i a ummi vialte nih an theih lai i an kan kulh lai i vawlei cung hin kan min an hloh lai; na min lianngan cu zeidah na tuahpiak lai?” tiah a ti.

RUTH 4:10

Mithipa min cu a unau hna sin le a chuahnak hmun hauka in a loh nakhnga lo, mithipa min cu a ro chung i hmunhter awkah, Mahlon nih a rohmi Moab minu Ruth zong kha ka nupi si awkah ka cawk cang; cucu nannih hi nihin ah hin a hngaltu nan si,” tiah a ti.