ISAIAH 48:17 - Lai (Hakha) Common Language Bible 2006

¹⁷ Israel Pathian thiang, nanmah an khamhtu hna Bawipa, nih, “Keimah cu Bawipa nan Pathian, nan ca ṭhatnak cawnpiak an duhtu hna le nan zulh awk hnga lam an hmuhsaktu hna ka si.

ISAIAH 48:17 ပူးပေါင်းရင်းမြစ်များ

GENESIS 24:48

Ka khuk kaa bil i Bawipa kha ka biak, cun lam ṭha tein a ka hruaitu Pathian, ka bawipa Abraham i a Bawipa kha ka thangṭhat. Amah nih cun ka bawipa i a unau inn ah hin a ka hruai i a fanu kha ka Bawipa fapa caah cun ka hmuh cang.

1 SIANGPAHRANG 8:36

nangmah nih an kal nakhnga ding lam ṭha kha na cawnpiak hna tikah, van ah khin rak thei law na mi Israel mi na sal hna an sualnak kha rak ngaithiam ko hna; cun na mi hna sinah ro caah na pekmi na ram cungah cun ruah cu surter ko.

JOB 36:22

Pathian cu kan cungah lianhnak in a um ko, Amah bantukin ahodah a nganmi ṭhawnnak a ngei?

SALM 25:12

Bawipa nawl a zulmi nih an zulh awk hnga lam kha an hngalh lai.

SALM 32:8

Bawipa nih, “Na zulh awk hnga lam kha kan hmuhsak lai, kan cawnpiak lai i lungthin kan cheuh lai.

SALM 71:17

Ka no lio tein nangmah nih na ka cawnpiak i atu tiangin khuaruahhar na tuahmi kha ka chim lengmang ko.

SALM 73:24

Ka kalnak dingah khan lungthin na ka cheuh i a donghnak ah cun upatnak he na ka cohlan lai.

ISAIAH 2:3

mi tampi nih an i thawh lai i, “Bawipa tlang ah cun hung kal u sih, Israel Pathian biakinn ahcun hung kal u sih. Tuah hna seh ti a kan duhmi tuah kha kan thiam lai i a kan thimpiakmi lam kha kan zulh lai,” an ti lai. Bawipa cawnpiaknak cu Jerusalem in a ra i a mi hna sinah Zion in bia a chim.

ISAIAH 28:9

Keimah kong ah khan an zai i, “Khi pa nih khin, aho ka cawnpiak hna ti ah dah aa ruah hnga? Aho nih dah a bia cu an herh? Hnukthlei ka bawhte ca lawngah pei a ṭhat ko cu.

ISAIAH 30:20

Bawipa nih harnak caan chungah an luhter hna lai, sihmanhsehlaw khi chungah khan nanmah cawnpiak awkah amah hrimhrim kha a rak um lai i nanmah nih amah kha kawl a herh ti lai lo.

ISAIAH 30:21

Lam in kehlei orhlei ah nan pial sual ahcun, “Lam cu hika leiah hin a si. Lam kha zul u,” tiah nan hnulei in a aw kha nan theih lai.

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

ISAIAH 43:14

Nanmah an khamhtu hna Bawipa, Israel Pathian thiang nih aa thawh i, “Nanmah khamh awkah Babilon cu ralkapbu pakhat ka tukter lai; khuapi kulhnak kutka kha ka chimh hna lai i mi an au khuannak kha ṭahnak ah a cang lai.

ISAIAH 43:16

Hlanpi ah hin Bawipa nih rili tan in lam pakhat a rak ser i cu lam cu tilet chungin a kal.

ISAIAH 45:11

Bawipa, Israel Pathian thiang, hmailei thil um ding a sersiamtu nih, “Ka fale kong ah zeihmanh bia na ka hal awk a si lo; cun khakha na ti awk a si, khakha na tuah awk a si, ti zongah na ka chimh awk a si lo.

ISAIAH 48:20

Babilon in chuak tuah u, luat in kal tuah u! “Bawipa nih a sal Israel cu a khamh cang,” tiin thawngpang cu lunglawmhnak in aupi u, khuazakip ah thanh u.

ISAIAH 49:26

Nanmah an hremtu hna cu anmah le anmah kha ka thahter hna lai, lainawn le thinhun kha a rit in an i rit chih lai. Cu tikah mi vialte nih Bawipa ka si kha an hngalh lai i, nanmah an khamhtu hna le an luattertu hna ka si kha an hngalh lai. Keimah cu Israel Pathian ṭhawng ka si kha an hngalh lai,” a ti.

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

ISAIAH 54:13

“Keimah hrimhrim nih na mi cu ka cawnpiak hna lai i ṭhanchonak le daihnak ka pek hna lai.

ISAIAH 54:5

Nangmah an sertu cu na va bantuk a si lai — a min cu Ralkapbu Bawipa a si! Israel Pathian thiang nih cun an khamh lai — amah cu vawlei cung dihlak uktu a si.

ISAIAH 54:8

Ka thinhun in tawite chung cu khattelei kan mertak, sihmanhsehlaw a zungzal in kan dawt lai,” a ti. Cuticun nangmah an khamhtu Bawipa nih a ti.

JEREMIAH 6:16

Hi bangin Bawipa nih a ti, “Lam tonnak ah khan dir tuah u law hlanlio lam kha kawl hna u, ‘Ṭhatnak ah a phanmi lam cu khuazei ah dah a si? tiah hal hna u. Cu lam cu zul u law nan caah dinhnak nan hmuh lai,’ ti hna u. Sihmanhsehlaw annih nih an i thawh i, ‘Cu lam cu kan zul lai lo,’ an ti.

MIKAH 4:2

“Ra u law Bawipa tlang ah cun kai hna u si, Jakob Pathian inn ah cun kal hna u si, Kannih cu a lam kha kan cawnpiak seh law A lam cu kannih nih zul u si,” an ti lai. Zeicahtiah cawnpiaknak cu Zion in a chuak i, Bawipa bia cu Jerusalem khua in a ra;

JOHAN 6:45

Profet nih pei, ‘Mi vialte kha Pathian nih a cawnpiak hna lai,’ tiah an ṭial kha. Ka Pa aw kha a thei i amah zia a cawngmi paoh cu ka sinah an ra.

EFESA 4:21

Amah kong cu nan theih i amah zultu nan si bantukin Jesuh chung i a ummi biatak cu cawnpiak nan si.

JOSHUA 3:4

zeitintiah hi leiah cu hlan cu nan kal bal lo caah nan kalnak ding lam cu an hmuhsak hna a hau lai. Asinain nanmah le a karlak cu dong thong hnih tluk in aa hlat lai; nan naih lai lo,” tiah nawl an pek hna.