ISAIAH 48:16 - Lai (Hakha) Common Language Bible 2006

¹⁶ Cucaah ka naih u law ka chimmi kha ngai tuah u. A hramthawk tein hlangfang in kan chimh hna i ka bia cu ka tlinter zungzal,” a ti. (Atu cu Bawipa Pathian nih a ṭhawnnak kha a ka pek i a ka thlah.)

ISAIAH 48:16 ပူးပေါင်းရင်းမြစ်များ

ISAIAH 34:1

Miphun vialte hna, ra tuah u. I pum u law ka bia ngai tuah u. Vawlei dihlak le a cung i a ummi vialte kha hika ah hin ra hna seh law ka bia cu ngai hna seh.

ISAIAH 41:1

Pathian nih, “Lamhlatpi i a ummi ram hna, dai tein um u law ka bia ngai tuah u. Biaceihnak hmun i nan bia chim awkah i tim tuah u. Chimnak caan nan ngei lai. Ahodah a hmaan ti khiah awkah hmunkhat ah ṭhu ṭi tuah u sih.

ISAIAH 43:13

Keimah hi Pathian cu ka si i ka si zungzal ko lai. Ahohmanh ka ṭhawnnak chungin a luat khomi an um lai lo; ka tuahmi kha ahohmanh nih an thleng kho lai lo,” a ti.

ISAIAH 45:19

A thlithup in bia ka chim lo, kaa tinhmi zong kha ka thup lo. Thil aa tuaitamnak hmun ah khan ka kawl u, tiah Israel mi kha ka ti hna lo. Keimah hi Bawipa cu ka si i biatak kha ka chim; a hmaanmi kha ka langhter,” a ti.

ISAIAH 57:3

Nannih misual mi, mifihnung hna, hika ah hin biaceih awkah ra tuah u. Nannih cu vacung in pa a duhmi hna le hlawhhlangnu hna nakin nan ṭha deuh hlei lo.

LUKA 4:18

“Bawipa Thlarau cu ka cungah a um. Sifakmi hna sin i Thawngṭha chim awkah chiti a ka thuh i Saltangmi hna sin i luatnak thanh awkah a ka thlah. Mitcaw mi hna sin i khuahmuh ṭhannak pek awk le Hremmi hna luatter dingah a ka thlah,

JOHAN 18:20

Jesuh nih cun, “Langhngan in mizapi kha ka chimh zungzal ko hna; ka cawnpiak hnanak cu a dihlak in Judah mi an i pumhnak inn le biakinn ah a si ko. A thli in zeihmanh ka chim bal lo.

JOHAN 3:34

Pathian nih a thlahmipa kha a Thlarau cu tling tein a pek caah, Pathian bia cu a chim.