ISAIAH 48:14 - Lai (Hakha) Common Language Bible 2006

¹⁴ Nan dihlak in i pum u law ngai tuah u. Ka thimmi nih Babilon kha a tuk lai tiah zei pathian hmanh nih an rak chimchung kho lo; ka thimmi nih cun ka fialmi kha a tuah lai.

ISAIAH 48:14 ပူးပေါင်းရင်းမြစ်များ

GENESIS 49:1

Jakob nih a fapale kha a auh hna i, “I pum u law, hmailei ah nan cungah zeidah a tlung lai ti kha kan chimh hna lai,” a ti.

GENESIS 49:2

“Jakob fapa hna, i pum u law ngai tuah u, nan pa Israel chimmi cu ngai tuah u.

ISAIAH 13:19

Babilon ram hi ram vialte lakah ram dawh bik a si, a chung i a ummi a mi hna nih an i chor ngaingaimi a si. Sihmanhsehlaw Bawipa nih Sodom le Gomorrah ka rak hrawh bantuk khan ka hrawh ve lai.

ISAIAH 21:9

Cun khulrang in an ra. Rang cungin pahnih pahnih in an ra. Ralvengtu nih cun, “Babilon cu a rawk cang. An biakmi siasal vialte kha vawlei ah kuai liangluang in an ril ko,” tiah thawng a thanh.

ISAIAH 41:22

Ra chuak u law hmailei thil um ding kha chim chung tuah u. Biaceihtu pawl cu thil um cia kong kha chim hna u, cun thil um lai ding kha, an hung um taktak tikah kan hngalh khawh hna nakhnga, zeitindah an um te lai ti kha kan chim tuah u.

ISAIAH 43:9

Biaceihnak hmun i chuah awkah miphun dang kha au hna u. An pathian aho tal nih hmailei thil kong an chimchung kho maw? Atu i a um liomi thil hi aho tal nih an rak chimchung kho maw? Hi pathian hna nih hin, kan chimmi cu a hmaan i kan bia cu biatak a si ti langhternak caah tehte rak i chuahpi hna seh.

ISAIAH 44:28

Sairas cu ka thawh i, ‘Keimah aiawh in uktu a si ding cu nangmah na si; tuah seh ti kan duhmi kha na tuah lai: Jerusalem cu sa ṭhan u tiah nawl na pek hna lai i Biakinn cu a hram ser u, tiah na ti hna lai,’ ka ti,” tiah a ti.

ISAIAH 44:7

Ka tuahmi hi a tuah khotu a dang aho tal an um maw? Caan hramthawknak in caan donghnak tiang thil a um lai ding fiang tein a chimchung khotu aho tal an um maw?

ISAIAH 45:13

Keimah hrimhrim nih Sairas cu ka cawlcanghter i cu ka cawlcanghter cu, thil kha hmaan tein tuah si seh ti kaa tinhmi tlinter ding caah khan a si. A kalnak lam paoh kha ka fehter lai. Jerusalem ka khua kha a remh ṭhan lai i ka saltang hna kha a luatter hna lai. Ahohmanh nih Sairas cu, hihi na tuah lai tiah an fial lo i nawhthuh zong an pe lo,” a ti. Ralkapbu Bawipa nih hi bia cu ka chim.

JEREMIAH 50:44

Zohhmanh, Jordan tiva kam tupi chungin a chuak i zungzal in a hringmi saṭil tlonnak ram lakah a ra chuakmi chiandeih bantukin, Keimah nih mi vialte kha ka dawi dih hna lai i Tuukawng ṭha bikbik kha ka tlaih dih hna lai. Zeicahtiah keimah bantuk hi ahodah a um? Keimah tluk hi ahodah a um? Tuukhal aho tal ka hmaiah a dir khomi an um maw?

MARKA 10:21

Dawtnak lungthin he Jesuh nih dengteo in a vun zoh i, “Pakhat lawnglawng na bau, va kal law na ngeihmi thil vialte kha va zuar law tangka cu sifakmi kha va ṭhen hna, cun vancung ah rothil na ngei lai; cun ra law ka zul,” tiah a ti.