ISAIAH 48:12 - Lai (Hakha) Common Language Bible 2006

¹² “Ka thimmi Israel mi hna, ngai tuah u, keimah lawnglawng hi Pathian ka si, a hmasa bik le a hmanung bik ka si.

ISAIAH 48:12 ပူးပေါင်းရင်းမြစ်များ

PHUNGTHLÛKBIA 7:24

Atu cu, maw ka fapale hna, ka bia ngai tuah u, ka ka chungin a chuakmi bia kha ṭha tein ngai tuah hna u.

PHUNGTHLÛKBIA 8:32

Atu cu ka fapale hna, ka bia ngai tuah u: Ka lam a zulmi cu lunglawmmi an si.

ISAIAH 34:1

Miphun vialte hna, ra tuah u. I pum u law ka bia ngai tuah u. Vawlei dihlak le a cung i a ummi vialte kha hika ah hin ra hna seh law ka bia cu ngai hna seh.

ISAIAH 40:26

Van khi zoh tuah u! Nan hmuhmi arfi khi aho nih dah a ser hna? Ralkapbu bantukin a hruaitu hna nih khin a ser hna; zeizat an si kha a hngalh i an dihlak in an min in a auh hna! A ṭhawnnak cu a lianngan hringhran ko — pakhat hmanh an tlau bal lo!

ISAIAH 41:4

Hi thil a umtertu hi ahodah a si? Tuanbia kalning hi hi bantukin si seh tiah aho nih dah a rak ti? Bawipa cu a hramthawknak i a rak ummi kha ka si i Bawipa cu a donghnak i a um laimi zong ka si.

ISAIAH 43:10

“Israel mi hna, ka tehte cu nanmah hi nan si, tiah Bawipa nih a ti; ka sal si awkah ka thimmi cu nanmah hi nan si, cucaah cun nan ka hngalh i nan ka zumh awk a si, keimah lawnglawng hi Pathian cu ka si ti kha nan hngalh awk a si. Keimah hleiah pathian dang zeihmanh an um lo, an rak um bal lo i hmailei zongah an um bal lai lo.

ISAIAH 43:11

Keimah lawnglawng hi Bawipa cu ka si, keimah lawnglawng hi nanmah an khamh khotu hna cu ka si.

ISAIAH 44:1

Bawipa nih aa thawh i, “Ka sal Israel mi hna, ngai tuah u, Jakob tefa, ka mi thimmi hna, ngai tuah u.

ISAIAH 44:6

Israel mi kha a uk i a hupphengtu hna Bawipa, Ralkapbu Bawipa nih hitin a ti: “Keimah cu a hmasa bik le a hmanung bik ka si, Keimah lawnglawng hi Pathian ka si i Keimah chim lo a dang pathian zeihmanh an um lo.

ISAIAH 46:3

Jakob tefa hna, ka bia kha ngai tuah u, ka mi chungin a tangmi hnihchun vialte hna, ka ngai tuah u. Nan chuahka in keimah nih kan puak hna i nan nu paw chungin kan cawi hna.

ISAIAH 46:4

Keimah cu nan Pathian ka si i nan tar i nan ṭuak a par tiang kan zohkhenh hna lai. Keimah nih kan ser hna i kan zohkhenh hna lai, kan bawmh hna lai i kan chuah hna lai.

ISAIAH 49:1

Lamhlatpi i a ummi miphun hna, ram hlapi i a ummi hna, ka bia ngai tuah u. Ka chuah hlan in Bawipa nih a ka thim i a sal si awkah a ka fial.

ISAIAH 51:1

Bawipa nih aa thawh i, “Khamhnak hmuh a duhmi hna, ka bia ngai tuah u, bawmhnak hmuh a duh i ka sin i a rami hna, ngai tuah u. Nannih nan chuahnak lungpi kha ruat hmanh u, nannih an in cawh hnanak lungkhor kha ruat hmanh u.

ISAIAH 51:4

“Ka mi hna ka bia ngai tuah u, ka chimmi hi ngai tuah u: Cu ka chimmi cu miphun hna kha ka cawnpiak hna i ka phunglam nih ceunak ah a phakpi hna lai, ti hi a si.

ISAIAH 51:7

“Zeidah a hmaan ti kha a hngal i a lung chungah ka cawnpiaknak aa cinkenmi hna, ka bia ngai tuah u. Mi nih an in hro hna le an in zawmhtaih hna tikah nan thinphang hlah u.

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

MATTHAI 20:16

Cuticun a hmanung bik kha a hmasa bik an si lai i a hmasa bik kha a hmanung bik an si lai,” tiah Jesuh nih a ti.

ROM 1:6

cu hna lakah cun nannih, Rom khua ah a um i Pathian nih Jesuh Khrih ta si dingin an kawhmi hna zong nan i tel ve.

ROM 8:28

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh.

1 KORIN 1:24

Sihmanhsehlaw Pathian nih a kawhmi hna caah cun, Judah mi an si zongah Jentail mi an si zongah, cu bia cu Khrih kha a si i Khrih cu Pathian hmual le Pathian fimnak kha a si.

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

BIAPHUAN 1:11

A ka thawh i, “Na hmuhmi kha ṭial law na ṭialnak cauk cu Khrihfabu pasarih kha kua hna: cu Khrihfabu hna cu Efesa khua le Smyrna khua le Pergamum khua le Thiatira khua le Sardis khua le Filadelfia khua le Laodisia khua i a ummi kha an si,” tiah a ti.

BIAPHUAN 1:8

Lianngan Bik Bawipa Pathian nih cun, “Kei cu Alfa le Omega ka si,” a ti, cu Pathian a um liomi le a um cangmi le a um laimi cu, zeizong vialte siangpahrang Bawipa a si.

BIAPHUAN 17:14

Annih nih Tuufa kha an doh lai; sihmanhsehlaw Tuufa le Tuufa nih a kawh hna i a thim hna i zumhawktlak zultu a simi hna nih khan an tei hna lai, zeicahtiah Tuufa cu bawi vialte Bawipa le siangpahrang vialte Siangpahrang a si,” a ti.

BIAPHUAN 2:8

“Smyrna khua i a ummi Khrihfabu vancungmi sinah hitihin va ṭial tuah: Hi bia hi a hmasa bik le a hmanung bik a simi, a thi i a nung ṭhanmi bia a si.

BIAPHUAN 22:13

Kei cu Alfa le Omega kha ka si, hmasa bik le hmanung bik, hramthawknak le donghnak ka si,” a ti.