ISAIAH 48:11 - Lai (Hakha) Common Language Bible 2006

¹¹ Thil ka tuahmi hi keimah ca lawnglawng ah a si ko, ka min kha chiatter ka duh lo, cun keimah ta lawnglawng a simi sunparnak kha midang he i hrawm zong ka duh fawn lo,” a ti.

ISAIAH 48:11 ပူးပေါင်းရင်းမြစ်များ

SALM 106:8

Sihmanhsehlaw bia a kamh hna bangkhan a khamh hna, cu a khamh hna cu a liannganmi a ṭhawnnak langhternak caah a si.

SALM 115:1

Kanmah si loin, na min lawnglawng hi sunparnak pek awk cu na si, Bawipa, zeicahtiah na dawtnak cu a fek i zumhawktlak na si.

SALM 25:11

Maw Bawipa, ka sualnak cu zeitluk hmanh in ngan seh law, na min ruangah ka ngaithiam ko.

SALM 25:7

Ka tlanval lio ka sualnak le ka palhnak kha ka ngaithiam ko hna. A fekmi na dawtnak le na ṭhatnak ruangah keimah cu ka philh hlah, Maw Bawipa.

ISAIAH 37:35

Keimah nih upatnak ka hmuh nakhnga le ka sal David sin i biakamnak ka rak sermi ruangah khan, hi khua cu ka hum lai i ka huhphenh lai,” a ti.

ISAIAH 42:8

“Keimah lawnglawng hi Bawipa na Pathian cu ka si. Ka sunparnak hi pathian dang ahohmanh hrawm ka duh hna lo i ka thangṭhatnak hi siasal zeihmanh hrawm ka duh hna lo.

ISAIAH 43:25

“Asinain nan sualnak an hnawhpiaktu hna cu keimah ka si, keimah cu keimah ka si ruangah hi bantukin ka tuah cu a si; nan sualnak cu kan cinkenpiak hna lai lo.

ISAIAH 48:5

Nan hmailei caan cu hlanpi in ka rak chimchung cang, thil cu an hung um hlanah ka rak thanh chung cang, zeicahtiah cucu nan siasal nih an tuahmi a si nan ti nakhnga lo le nan thirdar milem nih an tluntermi a si nan ti khawh nakhnga lo caah a si.

ISAIAH 48:9

“Mi nih ka min kha an thangṭhat khawh nakhnga, ka thinhunnak cu kaa sum; ka thin cu kaa sum hranhram i ka hrawk hna lo.

ISAIAH 52:5

Atu ah Babilon ah cu bantuk ṭhiamṭhiam cun nan um; zeihmanh lo ruangah khika ah sal ah nan tang. Nanmah an uktu hna cu an i porhlaw i tluang an khawng, ka min cu an zawmhtaih thluangthluan ko.

JEREMIAH 14:7

Kan ṭhat lonak nih sual kan phaw hmanh seh law, Maw Bawipa, na min ruangah kan bawm ko; Zumhtlak kan si lonak cu a tam ko, nangmah cungah kan sual ko.

EZEKIEL 20:14

Asinain ka chuahpi hna, a hmumi miphun hna hmaiah khan ka min cu thurhhnawmh a si nakhnga lo ka min hmaizah in ka ṭuan ṭhan.

EZEKIEL 20:22

Sihmanhsehlaw ka chuahpi hna kha a ka hmumi miphun hna mithmuh ah ka min cu thurhhnawmh a si nakhnga lo, ka min hmaizah in ka ṭuan ṭhan.

EZEKIEL 20:39

“Cucaah maw Israel mi hna, hihi Bawipa Pathian bia cu a si: Va kal u law nan dihlak in nan siasal kha va phiak dih hna u. Cuticun hmailei ah ka nawl kha ngai loin nan um ti lai lo i nan laksawng hna le nan siasal hna khan ka min thiang cu nan thurhhnawmh ti lai lo.

EZEKIEL 20:44

Maw Israel mi hna, nan ziaza ṭhalo le nan tuahmi thil ṭhalo ningin si loin ka min upatnak in nan cungah ka tuah tikah, Bawipa ka si kha nan hngalh lai. Mah hihi Bawipa Pathian bia hrimhrim a si,” tiah a ti.

EZEKIEL 20:9

Israel mi hna an umnak miphun hna lakah khan, ka min cu thurhnawmh a si kun ai lai ri tiah ka min upat in rian kha ka ṭuan ṭhan. Khi miphun hna sinah khan, Israel mi cu Izipt ram in ka chuahpi hnanak khan kaa phuang.

EZEKIEL 36:22

“Cucaah Israel mi cu, hihi Bawipa Pathian bia a si, tiah chim hna. Nannih Israel mi hna, hi ka tuahmi hi nanmah ruangah a si lo, nan phaknak miphun kip sin i nan thurhhnawmhtermi ka min thiang ruangah khan a si deuh.

DANIEL 9:17

Cucaah atu cu na sal ka thlacamnak le kan nawlnak cu ka ngaihpiak ko sawh maw Bawipa nangmah thawng lawnglawng in na hmai cu a ṭhingmi na Biakinn cungah tlanter ko.

JOHAN 5:23

cucaah mi vialte nih ka Pa cu an upat bantukin Fapa zong hi an ka upat ve lai. Fapa a ka upat lomi paoh nih cun a ka thlahtu ka Pa an upat lo kha a si.

ROM 2:24

Cathiang nih, “Nanmah Judah mi ruangah Jentail mi nih Pathian kha an thangchiat,” a ti.

1 SAMUEL 12:22

Nannih cu amah ca miphun i ser kha Bawipa lawmhmi a si caah, a min ngan ruang ah hin, Bawipa nih a mi cu an hlonh hna lai lo.