ISAIAH 47:8 - Lai (Hakha) Common Language Bible 2006

⁸ Nang, nuamhnak a duhmipa, hi bia hi ngai tuah, him te le hnangam tein ka um, tiah na ruat. Pathian tluk ngan ah naa ruat i keimah bantuk ahohmanh an um lo, tiah na ruah. Zeitikhmanh ah nuhmei cu ka si bal lai lo tiah na ruah i fale thihloh ka ing bal lai lo na ti.

ISAIAH 47:8 ပူးပေါင်းရင်းမြစ်များ

ISAIAH 14:14

Khuadawm cungah khin ka kai lai i Cungnung Bik bantuk ka si lai na ti.

ISAIAH 32:11

Nunnuam zaang awl ngaiin khua nan sa i khuaruahharnak zeihmanh tong loin nan um; sihmanhsehlaw atu cu a ther in ther cang u. Nan puan kha i phoih dih u law nan tai ah puanchia i kaih u.

ISAIAH 32:9

Nunnuam zaang-awl in a um i khuaruahharnak zeihmanh a ngei lomi nu hna, ka chimmi hi ngai tuah u.

ISAIAH 45:18

Van cu Bawipa nih a ser hna — amah cu Pathian a si. Vawlei kha a ser i a siam — fekte le saupi nguh in a ser, vawlei cu thetse ram, ram pakpalawng ah a ser lo, minung umnak caah a ser. Amah cu, “Keimah hi Bawipa cu ka si, keimah hleiah pathian dang an um lo,” a titu kha a si.

ISAIAH 45:5

“Keimah cu Bawipa ka si, Pathian dang an um lo. Nang nih cun na ka hngal lo nain na herhmi thazang kha kan pek lai.

ISAIAH 45:6

Vawleicung mi vialte nih, nichuahlei in nitlaklei tiang, keimah cu Bawipa ka si i Pathian dang an um lo kha an hngalh nakhnga, hi bantukin ka tuah cu a si.

ISAIAH 47:10

“Na ṭhat lonak chungah hnangam in na um ko; ahohmanh nih an ka hmu lo, tiah na ruah. Na fimnak le na hngalhnak nih a pingah an in hruai i nangmah le nangmah cu, ‘Pathian ka si — keimah bantuk midang ahohmanh an um lo,’ naa ti.

JEREMIAH 49:31

Tho u, a daithlangmi miphun kha fuh hna u sih, An ruahnak sawhsawh lawng i him tein khua a sa i kutka siseh, kothrolh siseh, a ngei ṭung lomi kha tu hna u sih.

JEREMIAH 50:11

Babilon mi hna, nanmah nih ka miphun kha nan hrawh hna; Nan tha a nuam, nan lung aa lawm i facang cil dih hnuah cawla nih a duhduh in a lek bangin nan le nain le rangtum bangin nan awn nain,

JEREMIAH 51:53

Babilon cu van tawng in sang in, A kulhnak vampang hna cu ahohmanh kai khawh loin ser si hna hmanh seh law, A cungah hrawktu ka thlah hna lai, tiah Bawipa nih a ti.

EZEKIEL 16:49

Amah le a fanu hna cu chawva le rawl tampi an ngeihmi kha an i porhlaw i hnangam le nuam ngaiin an um i sihmanhsehlaw misifak le mirethei kha an bawm bal hna lo.

EZEKIEL 28:2

“Mipa, Tair bawi sinah cun va chim law, hihi Bawipa Pathian bia a si, va ti: Porhlawt ruamkainak in naa thawh i, ‘Kei cu pathian ka si, Rilipi cungah pathian bantukin bawiṭhutdan cungah ka ṭhu,’ na ti. Nang cu minung na si ko i pathian na si lo nain pathian tluk ah naa ruat.

EZEKIEL 30:9

Cu caan cu a phak tikah zeihmanh poi loin a um ko rihmi Kush cu va hlauh awkah ka hmaika in zualko kha khulrang in an kal lai i Izipt caan a phak tikah cun lung retheihnak nih a tlak ve lai, atu hmanh ah hin cu caan cu a ra lio cang.

DANIEL 11:36

Siria siangpahrang nih cun a duhmi paoh cu a tuah ko lai, aa hlorh lai i aa porh lai i pathian dang vialte cungah khan aa chia lai i pathian vialte hna Pathian kha ṭhalo in a vawlhpamh lai. Pathian nih dan a tat hlantiang cu a hlawhtling lengmang ko lai, zeicahtiah Pathian nih tuah awkah a ruah cangmi cu a tuah ko lai.

DANIEL 4:22

Nangmah cu na ṭhang i na ṭhawng. Na lianhngannak cu a thang i van a tawng; na bawi sinak cu vanhramdeng a phan.

DANIEL 4:27

Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.

DANIEL 4:30

“Mah hihi a liannganmi Babilon, keimah nih siangpahrang umnak caah keimah ṭhawnnak a nganmi le keimah upatnak langhternak caah ka sermi a si lo maw?” tiah a au.

DANIEL 4:4

Keimah Nebukhadnezzar cu ka inn ah hnangam tein le ka siangpahrang inn ah cun nuam ngaiin ka um i

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

DANIEL 5:30

Cu zan hrimhrim ah cun Khaldi mi hna siangpahrang Belshazzar cu thah a si i Media mi Darius nih pennak kha a lak, Darius cu kum sawm ruk le kum hnih a si.

NAHUM 1:10

Hling nih a ngerhmi le zuri bantuk le a romi capawl bantukin na kang dih lai.

NAHUM 3:4

Mah vialte hi hlawhhlangnu hlawhhlannak ruangah a si, aa dawh i eih a thiammi bawinu ruangah a si, Miphun hna le mi hna kha a a hlawhhlannak le a eihthiamnak in a hlen dih hna.

HABAKKUK 1:7

Miṭihnung ngaingai an si, anmah nawl hleiah cun aho nawl hmanh an duh lo.

ZEFANIAH 2:15

Hi khua hi, ka him ko, tiah amah le amah aa porhmi khua a si i, “Keimah hlei in a dang ahohmanh an um ti lo,” tiah aa timi a si. Atu tah zeidah a si cang kun? Pakpalawng hmun, ramlak saram tlonnak hmun, a pawng i a kalmi paoh nih an cekcekhnawhmi le an kuttum thinhnawhmi a si ko cang.

2 THESALON 2:4

Mi nih an biakmi paohpaoh le Pathian thil i an ruahmi paohpaoh kha a doh lai. Amah cu Pathian timi hna paohpaoh le biakmi hna paohpaoh hna cungah khan aa chia lai i Pathian biakinn chung hmanh ah khan a lut lai i Pathian ka si a ti lai.

BIACEIHTU 18:27

Cun Dan mi hna nih Mikah nih a sermi thil le amah ta a simi tlangbawi kha an i kalpi hna i Laish khua an phan, khi khuami hna cu kikdai le lunghrinnak ngei loin an um. Vainam in an sam dih hna i khua kha mei in an khangh.

BIACEIHTU 18:7

Cun mi panga hna kha an kal i Laish an phan, khika i a ummi hna cu Sidon mi hna umtuning in kikdai le lunghrinnak ngei loin le vawlei cung i a ummi thil zeihmanh bau loin le chawva tampi ngei in le him tein an um le Sidon mi hna he an i hlat le aho he hmanh an i tlatkai lo kha an va hmuh hna.