ISAIAH 47:5 - Lai (Hakha) Common Language Bible 2006

⁵ Bawipa nih Babilon cu a thawh i, “Dai zuar in ṭhu ko cang law a muihnak ah khan um ko; nangmah cu, miphun tampi hna bawinu, an in ti ti lai lo.

ISAIAH 47:5 ပူးပေါင်းရင်းမြစ်များ

SALM 31:17

Maw Bawipa, nangmah kha kan auh; ka sunghter sawh hlah! Miṭhalo cu sung hna seh, mithikhua ah dai tein um hna seh.

SALM 46:10

“Raldohnak kha ngol u” a ti hna, “Cun keimah cu Bawipa ka si hi hngal tuah u, miphun vialte hna a uktu cu ka si i, vawlei pumpi ah a ngan bikmi cu ka si,” a ti.

ISAIAH 13:10

Arfi hna le arfi bu hna khi an ceu ti lai lo, ni cu a chuah tikah a mui lai i thlapa cu a vang lai lo.

ISAIAH 14:23

Babilon cu tibual ah ka canter lai i khika ah chimbu an um lai. Zeizong vialte a phiak dihtu hmunphiah in Babilon cu ka phiah lai. Ralkapbu Bawipa nih hi bia cu ka chim,” a ti.

ISAIAH 14:4

Hi bantukin dinhnak a pek hna tikah annih nih Babilon siangpahrang kha an nihsawh lai i, “Siangpahrang ṭhalopa cu a ril cang! Ahohmanh a hrem ṭhan kho ti hna lai lo.

ISAIAH 21:9

Cun khulrang in an ra. Rang cungin pahnih pahnih in an ra. Ralvengtu nih cun, “Babilon cu a rawk cang. An biakmi siasal vialte kha vawlei ah kuai liangluang in an ril ko,” tiah thawng a thanh.

ISAIAH 23:2

Sidon chawdawr hna, ṭap tuah u.

ISAIAH 47:1

Bawipa nih, “Babilon, na bawiṭhutdan cung khan rung ṭum law leidip lakah i bual tuah. Hmasa ah cun ngaknu thiang bantuk na rak si, ahohmanh tei lo na rak si. Asinain atu cu nem hniphnepte le no cipcep tein na um ti lo, atu cu sal na si cang.

ISAIAH 47:7

Siangpahrang bawinu ka si zungzal rua lai tiah naa ruat i hi thil hi na lung tak in na rak ruat bal hna lo, zeitindah an dongh te lai ti zong kha na rak ruat bal lo.

JEREMIAH 25:10

Cun annih sinin thanuamnak aw thawng le lawmhnak aw thawng vialte cu ka daihter lai; nupi ṭhipa aw thawng le a mo aw thawng le rawl rialnak lung aw thawng hna cu ka daihter hna lai; meiinn ceunak cu ka hmih dih hna lai.

JEREMIAH 8:14

Zeicahdah nan ṭhut sawhsawh ko? Hmunkhatte ah nan dihlak in tho tuah u, Kulhnak hau a ngei mi kan khua hna ah khan va kal u si law Khika ah khan va thi dih hna u sih; Zeicahtiah Bawipa cungah kan sual caah, Bawipa kan Pathian nih hrawh awkah a kan ruah cang i Sivai paihmi ti kha din awkah a kan pek cang.

ṬAHNAK HLA 1:1

Hmasa i minung a rak khat tawnmi khua kha, Zeitindah umhar in a ṭhut ko ee! Hmasa i miphun hna lak i khua lianngan a rak simi kha, Zeitindah nuhmei ah a can; Ram uktu bawinu a rak simi kha hnekmi rianṭuantu ah a cang ko ee!

ṬAHNAK HLA 2:10

Zion fanu upa hna cu vawlei ah an ṭhu i an hrum; An lu cungah leidip an i phulh i Buri kha an i aih; Jerusalem ngaknu thiang hna nih Vawlei ah an lu kha an khun.

HABAKKUK 2:20

Bawipa cu a biakinn thiang chungah a um, vawleicung mi vialte hna a hmaiah dai zirziar in um tuah u.

ZEKHARIAH 2:13

Miphun vialte hna, Bawipa hmaiah dai tein um tuah u! Zeicahtiah amah cu a umnak hmun thiang khan aa thawh cang.

JUDAS 1:13

Rili tilet ṭihnung bantuk an si, ningzak a simi an tuahsernak cu tilet buanbara bantukin an lang. A vak a vaimi arfi bantuk an si, cu arfi hna cu Pathian nih muihnak a thuk bik chungah khin hmun a chiahpiak ko hna.

BIAPHUAN 17:18

“Nu na hmuhmi cu vawlei cung siangpahrang hna a uktu khualipi kha a si,” a ti.

BIAPHUAN 18:7

Sunparnak le nuamhnak amah le amah a rak i pek zat te khan, Temhinnak le ngaihchiatnak pe ve u. Zeicahtiah aa thawh i, Keimah cu bawiṭhutdan cung i a ṭhumi siangpahrang bawinu ka si. Nuhmei ka si lo, ngaihchiatnak cu ka ing bal lai lo, a ti.

1 SAMUEL 2:9

“A mithiang hna an ke kha a ven lai; Sihmanhsehlaw miṭhalo cu khuamui lakah hrawh an si lai; Zeitintiah mi nih teinak an hmuhnak cu zaang ṭhawnnak in a si lai lo.