ISAIAH 47:14 - Lai (Hakha) Common Language Bible 2006

¹⁴ “Annih cu capawl pelpawi bantuk men an si lai i mei nih a kangh dih hna lai. Anmah le anmah hmanh an i khamh kho lai lo. Mei cu toh nuam mei men a si lai lo, an ca i a lin tukmi mei a si lai.

ISAIAH 47:14 ပူးပေါင်းရင်းမြစ်များ

EXODUS 5:12

Cucaah mi cu capawl kawl ah khan Izipt ram ah cun an i ṭhek.

ISAIAH 10:17

Israel ceunak Pathian cu, mei ah cun a cang lai. Israel Pathian thiang cu meizik ah cun a cang lai i ni khat chungah zeizong vialte kha a kangh dih hna lai, hling le so hmanh kha a kangh dih hna lai.

ISAIAH 30:14

Tlak um bantukin an in den cikcek hna lai, fak tuk in nan keh nan kuai lai caah meiṭil laknak caah a zami le tikhor ti suahnak ah a zami hmanh nan um lai lo,” a ti.

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

ISAIAH 40:24

Annih cu thingkung note, phun kate le hram thla kate bantuk khi an si. Bawipa nih thlitu kha a thlahhnawh hna tikah an car i capawl bantukin thlitu nih cun a choih hna.

ISAIAH 41:2

“Aho nih dah teitu kha Nichuahlei in a ratpi i a kalnak kip ah teitu a siter lengmang? Aho nih dah siangpahrang hna le miphun hna kha a teiter hna? Annih cu leidip khi va si hna seh law cu bang, a vainam nih cun a sam duahmah ko hna; thlitu nih capawl a choih bantuk khin a thal nih a ṭhek hna.

ISAIAH 44:16

Thing a cheu cu mei tih awkah khan a hman, cu mei ah cun sa kha a chuan i a ei i a paw a khim. Mei cu a to i, “A lum i a va nuam dah!” a ti.

ISAIAH 5:24

Cucaah cun facangzi le ramro cu an ker i an kangh bantukin, Israel Pathian a thiangmi Ralkapbu Bawipa nih a kan cawnpiakmi kha nan ngaih duh lo caah nan hram cu a thu lai i nan par cu a ro lai.

JEREMIAH 51:30

Babilon ralkap hna nih raltuk an ngol cang, An ralhruang chungah khan a thuh in an i thup; An ralṭhatnak a dong cang i nu bantuk an si cang. A inn cu mei in an khangh hna i a kutka hrenhnak hna cu an kiak cang.

JEREMIAH 51:32

Tiva tannak hna kha ral nih an tlaih cang hna i Ralhau cu mei in an khangh hna i Ralkap cu zeiti um awk hngal loin an um, an ti.

JEREMIAH 51:58

Hi bangin Ralkapbu Bawipa nih Babilon kulhnak vampang a chah ngaingaimi cu vawlei ah chimh a si lai, A sangmi a kutka hna cu mei in khangh an si lai. Mi nih an ṭuanmi vialte cu pakpalawng ca men ah a si cang, Mi nih pakpalawng ca men ah an tha an i dit, tiah a ti.

EZEKIEL 15:7

Annih cu ka hmai ka chiathnawh hna lai, Mei chungin luat hna hmanh seh law mei ṭhiamṭhiam nih a kangh hna lai. Annih cu zumhawktlak loin an um caah ka hmai ka chiathnawh hna lai i Ram cu ka hrawh dih tikah Bawipa ka si cu nan hngalh lai. Mah hihi Bawipa Pathian bia hrimhrim a si, tiah a ti.

JOEL 2:5

Tlang cungah cun an i chaih ciammam i An thawng cu rangleng thawng bantuk le mei nih a kanghmi ramro thawng bantuk a si. Ralkapbu nganpi raltuk awk i an i tian bantukin an i tiang.

OBADIAH 1:18

Khi tikah Jakob innchungkhar hna cu mei an si lai i Josef chungkhar hna cu meizik an si lai; Esau chungkhar tu cu favai an si lai; Esau mi hna cu mei nih facang hmui a kangh bangin an kangh hna lai i Esau tefa cu a nungmi an um lai lo,” tiah Bawipa nih a ti.

NAHUM 1:10

Hling nih a ngerhmi le zuri bantuk le a romi capawl bantukin na kang dih lai.

MALAKHI 4:1

A vaam huammammi somei bantukin cu ni cu a ra; miporhlaw vialte hna le ṭhat lonak a tuahmi vialte hna cu favai an si lai, cun cu ni cu a rat tikah, cu ni nih cun annih cu a alhter hna lai i an hram le an nge zong tang loin a kangh dih hna lai, tiah ralkapbu Bawipa nih a ti.

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

MATTHAI 16:26

Mi nih hin vawlei pumpi hi co hmanh seh law, a nunnak a sungh ṭung ahcun zeital a miak hnga maw? A miak lai lo. A nunnak kha zeihmanh in a caw ṭhan kho lai lo.

BIAPHUAN 18:21

Cun a ṭhawngmi vancungmi pakhat nih facang rialnak lung nganpi tia a simi lung pakhat kha aa cawi i rili chungah a hlonh, “Hi bantuk hin Babilon khualipi hi i let luahmah in hlonh a si lai i zeitikhmanh ah hmuh ṭhan a si ti lai lo.