ISAIAH 47:1 - Lai (Hakha) Common Language Bible 2006

¹ Bawipa nih, “Babilon, na bawiṭhutdan cung khan rung ṭum law leidip lakah i bual tuah. Hmasa ah cun ngaknu thiang bantuk na rak si, ahohmanh tei lo na rak si. Asinain atu cu nem hniphnepte le no cipcep tein na um ti lo, atu cu sal na si cang.

ISAIAH 47:1 ပူးပေါင်းရင်းမြစ်များ

JOB 2:13

Cun amah cu vawlei ah khan ni sarih le zan sarih an ṭhutpi i a temhinnak kha a fak ngaingai ti an hmuh caah ahohmanh nih bia ka khat hmanh in an chawn lo.

JOB 2:8

Cun amah le amah i huahnak ah peipahau kha aa lak i vutcam lakah a ṭhu.

SALM 137:8

Babilon, hrawh na si cang lai! Kan cung i na tuahmi ruangah, teirul an chamtu cu an i lawm lai,

SALM 18:27

Mi toiah aa dormi cu na khamh hna i miruamkai cu na ṭhumh hna.

SALM 89:44

A bawifung kha na lakpiak i a bawiṭhutdan cu vawlei ah na hrilh.

ISAIAH 13:1

Hi bia hi Babilon kong ah Amoz fapa Isaiah nih Pathian sinin a hmuhmi bia a si:

ISAIAH 13:13

Ralkapbu Bawipa keimah nih ka thinhunnak ka chuah ni ah cun, van khi an ther dih lai i vawlei hi a umnak hmun in a choi lai.

ISAIAH 14:1

Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.

ISAIAH 21:1

Hi bia hi Babilon ram kong bia a si. Thetse ram i a herh in aa herhmi phuchim bantukin, ṭih a nungmi ram in rawhralnak kha a tlung lai.

ISAIAH 23:12

Sidon khualipi, na lunglawmhnak cu a dih cang. Na mi cu hrem an si cang i Saipras tikulh i an zam hmanh ah, cuka zongah cun an him ṭhiamṭhiam lai lo.

ISAIAH 26:5

Aa porhlawmi cu a ṭhumh hna, an umnak khua ṭhawng kha a hrawh i a kulhnak vampang cu a chimh hna i leidip lakah an tlu.

ISAIAH 3:26

Khua kulhnak vampang kutka hna cu zuun ngaiin an ṭap lai i khuapi hrimhrim zong hi, hni lo puan loin vawlei ah a ṭhu komi nu bantuk a si lai.

ISAIAH 37:22

Bawipa nih cun, “Sennakherib, nangmah cu Jerusalem khua nih khan a nih in an nihsawh men ko, capo men ah an saih ko.

ISAIAH 52:2

Jerusalem, luat lakin i thing tuah! Leidip lak khan tho law na bawiṭhutdan cungah khan ṭhu tuah. Sal i a tangmi Zion mi a ṭemtu hna hri cu chat tuah.

JEREMIAH 13:18

Siangpahrang le a nu sinah cun, “Nan i porhlawtnak nan bawiluchin cu nan lu cungin an tlak cang caah Ṭhutdan niam ah ṭhu tuah u,” va ti.

JEREMIAH 46:11

Gilead ah hung kal law damnak si hung i lak tuah, Maw Izipt fanu thiang. Nangmah nih si tampi na hneksak lengmang cang i pakpalawng an si dih; Na caah damnak zeihmanh a um lo.

JEREMIAH 48:18

Nannih Dibon khuami hna, nan sunparnak hmun khan rung ṭum u law a carmi vawlei ah hin ṭhu tuah u; zeicahtiah Moab a hrawktu cu hika a phan cang i nan ralhau kha a hrawh dih cang hna.

JEREMIAH 50:1

Babilon kong, Khaldi mi hna ram kong i Bawipa nih profet Jeremiah ka in a chimmi bia:

JEREMIAH 50:42

Li le vainam kha an i bei, Mipuar ngai, zaangfahnak ngei lomi an si. Rangtum kha an i cit hna i an thawng cu rili thawng bantuk a si; Annih cu nangmah doh awk i aa tiangmi an si, maw Babilon.

JEREMIAH 51:1

Hi bangin Bawipa nih a ti: Zohhmanh, Babilon khua le Khaldi ram i a ummi hna ralchanhtu dingah hrawktu thlichia ka thawhter lai,

JEREMIAH 51:33

Ralkapbu Bawipa, Israel Pathian nih, Babilon cu facang cilnak phuhri bantuk a si, A rauh hlanah a cungah facang ṭuan caan a phan lai, tiah a ti.

JEREMIAH 51:51

Nannih nih, Kannih cu ningzahnak kan phan, Ramdangmi nih biakinn chung hmunthiang kha an lak hna caah hmaichiatnak nih a kan khuh, nan ti.

ṬAHNAK HLA 2:10

Zion fanu upa hna cu vawlei ah an ṭhu i an hrum; An lu cungah leidip an i phulh i Buri kha an i aih; Jerusalem ngaknu thiang hna nih Vawlei ah an lu kha an khun.

ṬAHNAK HLA 2:21

Khuachung lam ah khin mino he micang he an ril liangluang ko. Ka ngaknu thiang hna le ka tlangval hna cu vainam le rai in an tlu cang; Nangmah nih na thinhun ni ah na thah hna i zaangfahnak um loin na thah hna.

ṬAHNAK HLA 4:5

Rawl thawthaw in cawm a rak simi hna kha zeihmanh ngei loin khuachung lam ah an ṭhu ko, Puan ṭhaṭha a rak i aih tawnmi hna kha ekpon cungah an ṭhu ko.

EZEKIEL 26:16

Cun rili uktu bawi vialte hna cu an bawiṭhutdan cung khan an rung ṭum lai i an puan kha an i chiah hna lai i ṭamhmi an puan kha an i phoih hna lai. A hratmi biar kha an i kaih lai; vawlei ah an ṭhu lai i na cung i a tlungmi thil ruangah khan khuaruahhar lungmit in an um lai.

EZEKIEL 28:17

Naa dawhnak nih khan na lung an puamter i Upatnak na hmuhmi karhter chinnak caah na fimnak kha a ping in na hman. Vawlei ah khan kan hlonh i siangpahrang dang zohchun awkah khika ah khan kan kaltak.

JONAH 3:6

Cu thawng cu Nineveh khua siangpahrang nih a rak theih tikah a bawiṭhutdan cung khan a tho i a siangpahrang puan kha aa phoih i buri kha aa aih i vutcam lakah a ṭhu.

HAGGAI 2:22

pennak bawiṭhutdan hna hi ka hninh dengmang cang hna; miphun hna ṭhawnnak cu ka hrawh dengmang cang i an rangleng hna le an cung i aa citmi ralkap hna cu ka thluk dengmang cang hna; cun rangtum hna le an cung i aa citmi ralkap hna cu anmah le an hawi vainam cio khan an thi lai,’ tiah ralkapbu Bawipa nih a ti.

ZEKHARIAH 2:7

Tho u, Babilon ram i a ummi Zion mi hna, zam u,

BIAPHUAN 18:7

Sunparnak le nuamhnak amah le amah a rak i pek zat te khan, Temhinnak le ngaihchiatnak pe ve u. Zeicahtiah aa thawh i, Keimah cu bawiṭhutdan cung i a ṭhumi siangpahrang bawinu ka si. Nuhmei ka si lo, ngaihchiatnak cu ka ing bal lai lo, a ti.