ISAIAH 45:9 - Lai (Hakha) Common Language Bible 2006

⁹ Tlak um nih a sertu kha bia a al ngam hnga maw? Um dang bantuk cio a si vemi nih khan a al ngam hnga maw? Um nih khan, a sertu kha, a ser na ka thiam lo, tiah a zaihnawh bal maw?

ISAIAH 45:9 ပူးပေါင်းရင်းမြစ်များ

JOB 10:9

Tlak in na ka ser kha philh hlah; Leidip ah maw na ka canter ṭhan lai?

JOB 33:13

Zeicahdah, ka bia cu zeihmanh a ka let lo, tiin amah cu na mawhchiat len ko?

JOB 40:2

“Minung nih Lianngan Bik he bia an i al tikah hin lungṭhawng in um awk a si maw? Pathian he bia aa almi nih hin a leh ṭhan awk a si hnga maw?” a ti.

JOB 9:12

Amah nih cun a lak ko, aho nih dah an dawnh khawh lai? Aho nih dah, ‘Zeidah na tuah?’ an ti lai?

JOB 9:4

Pathian cu a lungthin in a fim i a thazang in a ṭhawng Aho nih dah an doh khawh lai?

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

PHUNGCHIMTU 6:10

Thil a hung ummi paoh hi hlan piin ruah cia dih an si cang i mi nih amah nakin a ṭhawng deuhmi he bia i al cu a si kho lo ti kha kan hngalh cio.

ISAIAH 10:15

Sihmanhsehlaw Bawipa nih, “Hrei-tlung nih a hmangtu nakin ka ngan deuh a ti kho maw? Hluah cu a hmangtu nakin a biapi deuh maw? Thingtan nih mi cu a phorh ṭung hna lo, mi nih pei thingtan cu an phorh cu,” tiah a ti.

ISAIAH 29:16

Zeizong vialte kha a bingtalet in an ser dih. Zeidah a biapi deuh, um sertu maw tlak dah? Mi nih an sermi thil nih khan, a sertu minung cu, “Na ka ser lo,” a ti khawh lai maw? Asiloah, “Na tuahmi hi zei a si na hngal lo,” a ti khawh lai maw?

ISAIAH 45:10

Aho tal nih an nu le an pa cu, “Zeicahdah hi bantukin nan ka hrin?” tiah an ti ngam bal hna maw?

ISAIAH 64:7

Ahohmanh nih thlacam in nangmah lei kan hoih lo, ahohmanh nih bawmhnak hal in kan in fuh lo. Kan sinin naa thup i kan sual ruangah na kan kaltak cang.

ISAIAH 64:8

Sihmanhsehlaw Bawipa, nangmah cu kan Pa na si. Kannih cu tlak bantuk kan si i nangmah cu um sertu bantuk na si. Nangmah nih kannih cu na kan ser,

JEREMIAH 18:6

“Maw Israel innchungkhar hna, umsertu nih tlak kha a duhduh in a tuah bantuk hin kaan tuah kho hna lo maw? A kut chung i a ummi tlak bantuk khi ka kut chungah hin nan si.

JEREMIAH 36:29

Cun Judah siangpahrang Jehoiakim sinah cun Bawipa nih hi bangin a ti, tiah na va ti lai: Hi cazual cu na khangh i, ‘Zeicahdah a chungah hin Babilon siangpahrang cu a ra hrimhrim lai i hi ram hi a hrawh lai i minung siseh, saram siseh a thah dih hna lai, tiin na ṭial? na ti.

JEREMIAH 50:24

Maw Babilon, rap na chiah i nangmah rawhnak caah a si; Hngalh loin nangmah le nangmah naa foih ai; Khakha na si cang ko khah, naa foih ko cang khah, Zeicahtiah Bawipa pei na zuamcawh cu.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

1 KORIN 10:22

Bawipa cu a nahchuak seh ti maw kan duh? Amah nakin kan ṭhawng deuh tiah maw kan i ruah?