ISAIAH 45:4 - Lai (Hakha) Common Language Bible 2006

⁴ Ka sal Israel mi kha na bawmh hna lai tiah kan fial, annih cu ka thimmi miphun an si. Nang nih cun na ka hngal lo nain upatnak nganpi kha kan pek.

ISAIAH 45:4 ပူးပေါင်းရင်းမြစ်များ

SALM 136:22

Israel a sal kha an ram cu a pek, a dawtnak cu zungzal in a hmun.

ISAIAH 43:1

Israel, nangmah an sertu Bawipa nih hitihin a ti: “Na thinphang hlah, kan huhphenh lai. Nangmah cu na min in kan auh, keimah ta na si.

ISAIAH 43:14

Nanmah an khamhtu hna Bawipa, Israel Pathian thiang nih aa thawh i, “Nanmah khamh awkah Babilon cu ralkapbu pakhat ka tukter lai; khuapi kulhnak kutka kha ka chimh hna lai i mi an au khuannak kha ṭahnak ah a cang lai.

ISAIAH 44:1

Bawipa nih aa thawh i, “Ka sal Israel mi hna, ngai tuah u, Jakob tefa, ka mi thimmi hna, ngai tuah u.

ISAIAH 44:28

Sairas cu ka thawh i, ‘Keimah aiawh in uktu a si ding cu nangmah na si; tuah seh ti kan duhmi kha na tuah lai: Jerusalem cu sa ṭhan u tiah nawl na pek hna lai i Biakinn cu a hram ser u, tiah na ti hna lai,’ ka ti,” tiah a ti.

MATTHAI 24:22

Cu caan cu Pathian nih rak tawiter hlah seh law ahohmanh a nungmi an um hnga lo. Asinain Pathian nih a mithim mi hna caah, cu caan cu a tawiter lai.

MARKA 13:20

Bawipa nih cu caan cu rak tawiter hlah seh law cu, khamhmi ahohmanh an um hnga lo. Sihmanhsehlaw a thimmi a mi hna caah cun, cu caan cu a tawiter.

LAMKALTU 17:23

Zeicahtiah nan khua chung i kaa chawh i nan biaknak hmun kha ka zoh hna tikah biakṭheng pakhat cu a cungah “Hngalh lomi Pathian Caah” tiin aa ṭial kha ka hmuh. Cu nan biakmi cu, a hngalh cu hngal hmanh hlah u law, nan sin i kan thanhmi hna hi a si.

ROM 11:7

Cun tah zeitin? Israel mi nih an kawlmi kha an hmu lo, sihmanhsehlaw Pathian thimmi mi tlawmte tu nih khan an hmuh; a dang nih khan cun Pathian auhnak kha an hna an i cheh i

ROM 9:6

Israel mi kha an dihlak in Pathian thimmi an si dih lem lo caah Pathian biakamnak cu pakpalawng ah a cang ka ti duhnak a si lo. Zeicahtiah Israel mi vialte kha Israel tefa an si lem lo,

EFESA 2:12

Kha lioah khan cun Khrih he nan rak i ṭhen. Ramdang mi nan rak si i Pathian thimmi hna chungah khan nan rak i tel lo. Pathian nih a mi hna sinah a tuahmi biakamnak cungah bunhmi biakamhmi chungah khan tinvo zeihmanh nan rak ngei lo. Hi vawleicung ah hin ruahchannak ngei lo le Pathian ngei loin khua nan rak sa.

1THESALON 4:5

Pathian a hngal lomi Lawkihmi bantukin hornak ah khan a duhduh in nan umter awk a si lo.