ISAIAH 45:14 - Lai (Hakha) Common Language Bible 2006

¹⁴ Bawipa nih Israel cu a thawh i, “Izipt le Ethiopia rumnak cu nangmah ta an si lai, Seba mi khansang hna cu na sal an si lai; thir cikcin he an in zulh lai. Na hmaiah an kun lai i, ‘Na sinah Pathian a um — amah lawnglawng hi Pathian cu a si.

ISAIAH 45:14 ပူးပေါင်းရင်းမြစ်များ

GENESIS 27:29

Miphun tampi cu na sal si hna seh law na hmaiah kun hna seh. Na rualchan hna cungah nang cu bawi si law Na nu tefa hna cu na hmaiah kun hna seh Chiat an serhmi cu chiatserh si ve hna seh, thluachuah an pemi cu thluachuah si ve hna seh,” a ti.

2 SAMUEL 21:20

Cun Gath ah i dohnak a um ṭhan hoi; cuka ah cun mipa pakhat a pum a ngan ngaingaimi, a kut ah kutdong paruk veve le a ke ah kedong paruk veve, a dihlak kul le pali a ngeimi a um i amah zong cu mingan hna tefa kha a si ve.

ESTHER 8:17

Cun peng kip le khua kip ah khan, siangpahrang nawlbia le biakhiahnak a phaknak paoh ah Judah mi hna caah cun lawmhnak le thanuamnak a um i rawldanghnak an tuah i i dinh ni kha an ser. Cun Judah mi ṭihnak kha an cungah a tlun caah cuka ram mi miphun hna chung cun mi tampi nih Judah mi ka si tiah an i ti.

JOB 1:15

cun Seba mi hna nih an chuahhnawh hna i an lak hna i na sinum hna kha vainam in an thah hna; cun keimah lawnglawng hi nangmah chimtu dingah ka luat,” tiah a ti.

JOB 11:19

Na it lai i ahohmanh nih na thin an in phanter lai lo, Mi tampi nih an in nawlpat lai.

SALM 149:6

Vainam a harmi i put in Pathian an thangṭhatnak ah cun a au in au hna seh.

SALM 149:8

an siangpahrang hna kha khit hna seh law thir cikcin in hreng hna seh;

EXODUS 11:8

“Cun na bawi vialte hna hi ka sinah an ra lai i ka hmaiah an kun lai i, ‘Nangmah le na mi hna cu va kal ko u,’ tiah an ti lai. Cu hnuah cun hi ram hin ka chuak lai,” tiah a ti fawn. Cun thinhung ngaiin Moses nih Faro cu a chuahtak.

ISAIAH 10:33

Bawipa Ralkapbu hna Bawipa nih thing nge thlangh in a thlangh hna lai. Aa porhlaw bikbik hna le a sang bikbik hna kha a thlangh hna lai i ningzahnak a phakter hna lai.

ISAIAH 18:1

Ethiopia ram chung tiva hna ralchan ah, thla khawn thawng a thannak ram pakhat a um.

ISAIAH 18:7

Nail tiva thawhnak i a ummi ram sinin Ralkapbu Bawipa nih pekchanhmi thil a cohlan ni a phan lai; hi a ṭhawng i a liannganmi miphun, a sang i an cuar a nal in a nalmi hna, vawlei cung dihlak nih an ṭihmi hna sin hin laksawng a cohlan ni a phan lai. Annih cu Ralkapbu Bawipa biaknak hmun Zion Tlang ah khan an ra lai.

ISAIAH 19:21

Izipt mi sinah Bawipa nih aa langhter lai. Cu bantukin aa langhter tikah annih nih an hngalh lai i an biak lai i raithawinak le pekchanhmi thil an pek lai. Annih nih a fekmi biakamnak an tuah lai i bia an i kammi cu an tlinter lai.

ISAIAH 19:22

Bawipa nih Izipt mi cu dan a tat hna lai, sihmanhsehlaw a damter ṭhan hna lai. Annih nih amah leiah khan an i mer lai i an thlacamnak kha a theihpiak hna lai i a damter hna lai.

ISAIAH 23:18

Chawleh chawhrawlnak in a hmuhmi tangka cu Bawipa sinah a pek lai. A khong hna lai lo i a thup hna lai lo, sihmanhsehlaw Bawipa a biami hna nih a tangka cu an herhmi rawl le thilpuan cawknak ah an hman lai.

ISAIAH 43:3

Zeicahtiah keimah cu Bawipa na Pathian ka si, nangmah an khamhtu Israel Pathian thiang cu ka si. Nangmah luatternak ding caah Izipt cu ka hlawt lai i Ethiopia le Seba zong ka hlawt ko hna lai.

ISAIAH 44:8

Ka mi hna, nan thinphang hlah u. Thil um lai ding vialte kha hlanlio piin atu tiang, ka rak chimchung cang kha nan hngalh i ka tehte cu nanmah nan si. Pathian dang aho tal an um maw? Lungpi dang ahohmanh an um lo, ka hngalhmi pakhat hmanh an um lo.

ISAIAH 45:24

“Nangmah thawng lawnglawng in teinak le ṭhawnnak kha hmuh khawh a si,” an ti lai. Sihmanhsehlaw a ka huami cu ningzahnak an ing lai.

ISAIAH 49:23

Siangpahrang cu nan caah nan pa bantuk an si lai i siangpahrang bawinu hna nih cun hringtu nu bantukin an in umh hna lai. Nan hmaiah niam ngaiin an kun lai i upatnak an in pek hna lai; nanmah an in hmaizah hnanak cu an langhter lai. Khi tikah Bawipa ka si cu nan hngalh lai i keimah bawmhnak a hngakmi paoh cu a khel hna lai lo,” a ti.

ISAIAH 54:3

A kam kip in na ramri cu na kauh lai; miphun dang nih atu ah an umnak ram hi na mi nih an co ṭhan hna lai; atu i a kingmi khua hi a linsa ṭhan lai.

ISAIAH 55:5

Atu cu ramdang miphun kha nan auh hna lai; hlanah cun an rak in hngal hna lo, sihmanhsehlaw atu cu nanmah he fonh duh ah a tlik in an ra tli lai. Bawipa nan Pathian, Israel Pathian thiang nih hi vialte cu ka tlinter lai; upatnak le sunparnak kha kan pek lai,” a ti.

ISAIAH 60:3

Miphun tanpi nih na ceunak cu an fuh lai i na ni thar a chuakmi cu siangpahrang nih an fuh lai.

ISAIAH 61:9

Miphun dang sinah khan an min a thang lai i a hmumi hna paoh nih, thluachuahnak ka pekmi miphun an si kha an hngalh lai,” a ti.

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

EZEKIEL 23:42

Thanuam ngaiin a ummi hna cu an au an khuang; cu pin ah mi sawhsawh hna hleiah khan ramlak in an ratpimi hna Sabean mi kha an um ve; annih nih nu hna kut ah khan kutkhih an hruk hna i an lu ah khan pangpar ṭhi dawhdawh an khimh hna.

EZEKIEL 31:3

Assiria khi zohhmanh, Lebanon tlang i sidar thing a rak si khah. Aa dawhmi a nge nih khan tupi chung thing kha a lonh hna i An cungah khan i hlorh vengvung in a um.

JOEL 3:8

Nan fapa hna le nan fanu hna cu Judah ram mi hna sinah ka zuarh hna lai i annih nih lamhlatpi i a ummi Sabean mi hna sinah an zuarh chin hna lai, tiah Bawipa nih a ti.”

NAMBAR 13:32

Cuticun an hung ngiatthlaimi ram kong cu a ṭhalo lei in Israel mi hna sinah an chim i, “Ngiatthlai awkah kan hung ṭolmi ram cu a chung i a ummi hna a eitu a si; cun cu ram chung i kan hmuhmi hna cu mi ngan pipi an si.

1 KORIN 14:25

A lungchung in a thli tein a ruahmi thil kha an hung lang lai i kun in Pathian kha a biak lai i, “Nan sinah hin Pathian a um taktak,” a ti lai.

1THESALON 1:9

anmah tu nih khan nanmah kan in tlawn hna ah khan zeitindah nan kan conglawmh ti kha an chim ko.

BIAPHUAN 3:9

Ngai hmanh! Judah mi kan si tiah aa ti i a si ṭung lomi, milihchim pawl, Satan ta a simi kha, na hmaiah ka ratter hna lai i na ke hramah ka kunter hna lai. Annih nih an dihlak in, kan dawt kha, an hngalh lai.