ISAIAH 45:11 - Lai (Hakha) Common Language Bible 2006

¹¹ Bawipa, Israel Pathian thiang, hmailei thil um ding a sersiamtu nih, “Ka fale kong ah zeihmanh bia na ka hal awk a si lo; cun khakha na ti awk a si, khakha na tuah awk a si, ti zongah na ka chimh awk a si lo.

ISAIAH 45:11 ပူးပေါင်းရင်းမြစ်များ

GENESIS 32:26

Mipa nih cun, “Ka thlah, khua a dei deng cang,” a ti. Sihmanhsehlaw Jakob nih cun, “Thluachuahnak na ka pek lo ahcun kan thlah bal lai lo,” tiah a leh.

ISAIAH 19:25

Ralkapbu Bawipa nih thluachuah a pek hna lai i, “Ka mi Izipt mi hna, thluachuah kan pek hna lai, ka sermi Assiria mi hna, thluachuah kan pek hna lai, ka thimmi Israel mi hna, thluachuah kan pek hna lai,” a ti hna lai.

ISAIAH 29:23

Kan pek laimi hna nan fale kha nan hmuh hna lai i keimah cu Israel Pathian thiang ka si kha nan hngalh lai. Nan ka upat lai i nan ka ṭihzah lai.

ISAIAH 43:1

Israel, nangmah an sertu Bawipa nih hitihin a ti: “Na thinphang hlah, kan huhphenh lai. Nangmah cu na min in kan auh, keimah ta na si.

ISAIAH 43:15

Keimah Bawipa cu nan Pathian thiang ka si, Israel, nangmah Sertu cu keimah ka si i na siangpahrang cu keimah hi ka si,” a ti.

ISAIAH 43:21

Ka thimmi ka mi hna cu keimah ca i kaa sermi an si — anmah nih ka thangṭhatnak hla cu an sak hna lai,” a ti.

ISAIAH 43:3

Zeicahtiah keimah cu Bawipa na Pathian ka si, nangmah an khamhtu Israel Pathian thiang cu ka si. Nangmah luatternak ding caah Izipt cu ka hlawt lai i Ethiopia le Seba zong ka hlawt ko hna lai.

ISAIAH 43:7

Annih cu keimah mi an si i keimah sunparnak petu dingah ka sermi an si,” a ti.

ISAIAH 44:2

Nanmah an sertu hna cu Bawipa ka si, nan nunnak a hram a thawknak khan keimah nih kan bawmh hna. Nan thinphang hlah u; nanmah cu ka sal nan si, ka dawtmi ka mithim nan si.

ISAIAH 45:10

Aho tal nih an nu le an pa cu, “Zeicahdah hi bantukin nan ka hrin?” tiah an ti ngam bal hna maw?

ISAIAH 48:17

Israel Pathian thiang, nanmah an khamhtu hna Bawipa, nih, “Keimah cu Bawipa nan Pathian, nan ca ṭhatnak cawnpiak an duhtu hna le nan zulh awk hnga lam an hmuhsaktu hna ka si.

ISAIAH 54:5

Nangmah an sertu cu na va bantuk a si lai — a min cu Ralkapbu Bawipa a si! Israel Pathian thiang nih cun an khamh lai — amah cu vawlei cung dihlak uktu a si.

ISAIAH 60:21

Na mi nih an dihlak in ahmaanmi thil kha an tuah lai i ram kha zungzal in an co lai. Ka lianhngannak kha mi vialte sin i langhter awkah annih cu ka phun hna i ka ser hna.

ISAIAH 63:16

Nangmah cu kan Pa na si. A kan hringsortu Abraham le Jakob hmanh nih an kan bawm kho lo, sihmanhsehlaw Bawipa, nangmah cu kan Pa na si. Nangmah cu a kan chuahtu zungzal na si.

ISAIAH 64:8

Sihmanhsehlaw Bawipa, nangmah cu kan Pa na si. Kannih cu tlak bantuk kan si i nangmah cu um sertu bantuk na si. Nangmah nih kannih cu na kan ser,

ISAIAH 8:19

Kutṭial zoh thiammi hna le thitlawn thiam hna, a awn a aumi kha, hal hna u, tiah mi nih an in ti hna lai. An in thawh hna lai i, “A donghnak in ti ahcun, mi nih hin thlarau kha pei bia an hal awk hna a si i mithi kha pei a nungmi can ah an tlawn awk hna a si cu,” an ti lai.

JEREMIAH 3:19

Zeitluk in dah nannih cu lawmhnak he fa bantukin ka hei in tuah hna hnga i A nuammi ram, miphun vialte hna ram lak i aa dawh bik ro cu ka hei in pek ko hna hnga, ka ti. Cun nannih nih keimah cu, ka Pa, tiah nan ka ti lai i Keimah zulhnak lam khan nan pial ti lai lo, tiah ka ruah.

JEREMIAH 31:1

Khi tikah keimah cu Israel phun vialte hna Pathian ka si lai i annih cu ka mi an si lai, tiah Bawipa nih a ti.

JEREMIAH 31:9

Inn ah an ra tlung, an tlun pah in an ṭap, Sihmanhsehlaw ka hnemh hna lai i keimah cu a cawngtu hna ka si lai. A luangmi tiva ah ka hruai hna lai; An lam kha a mil tuk caah an tlu an ril lai lo. Zeicahtiah keimah cu Israel mi caah an pa ka si cang i Efraim cu ka fapa upa bik a si.

JEREMIAH 33:3

“Nan ka auh ahcun kan leh hna lai i a nganmi le a thukmi thil nan hngalh bal lomi hna kha kan chimh hna lai.

EZEKIEL 36:37

Mah hihi Bawipa Pathian bia an si: Israel mi cu hihi ka hal u, tiah ka ti rih hna lai: An pa hna cu tuu zat in ka tamter hna lai, laksawng thiang ah pekchanhmi tuu hna bantukin, puai caan i Jerusalem khua tuu hna bantuk ah ka ser hna lai.

EZEKIEL 39:7

Ka min thiang cu ka mi Israel mi hna lakah khan hngalh ka siter lai i ka thurter ti lai lo; miphun dang hna nih khan Bawipa cu Israel mi hna lakah ka thian kha an hngalh lai, a ti.

DANIEL 2:18

Amah Daniel le annih le Babilon mifim hna kha thah an si nakhnga lo, vancung Pathian kha a zaangfahnak kan nawl awk a si, tiah a ti.

HOSEA 1:10

Sihmanhsehlaw Israel mi hna cu rili thetse bantukin rel cawk lo an si lai, tah cawk zong an si lai lo, rel cawk zong an si lai lo; annih cu “Ka mi an si lo,” ti an si ti lai lo i sihmanhsehlaw “A Nungmi Pathian Fa,” titu an si cang lai.

HOSEA 12:4

Vancungmi he khan an i pai i a tei. Jakob cu a ṭap i thluachuahnak ka pe tiah a hal. Khi tikah Pathian cu Jakob sinah cun Bethel ah khan a ra i amah he cun an i chawn.

MARKA 11:24

Cucaah cun, thlacam in nan halmi thil paoh kha, kan hmuh cang, tiah zum u law nan halmi paoh cu nan hmuh ko lai.

2 KORIN 6:18

Keimah cu nan pa ka si lai i nannih cu ka fapale le ka fanule nan si lai, tiah Bawipa Lianngan Bik nih a ti,” tiah a ti.

EFESA 2:10

Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan i pehtlaihnak thawngin thil ṭha cu kan tuah khawhnak hnga a kan ser ṭhanmi kan si.

JOSHUA 10:12

Bawipa nih Amor mi hna cu Israel mi hna sinah a pek hna ni ah Joshua nih Bawipa kha a chawnh i Israel mi hna mithmuh ah, “Ni, Gibeon ah dir peng tuah, Cun Thlapa, nang, Aijalon nelrawn ah,” tiah a ti.

BIACEIHTU 16:23

Cun Filistin bawi hna cu an pathian Dagon sin i raithawinak nganpi pek awk le nuamhnak tuah awkah an i pum; zeitintiah annih nih, “Kan pathian nih kan ral Samson cu kan kut chungah a kan pek cang,” tiah an ti.