ISAIAH 45:10 - Lai (Hakha) Common Language Bible 2006

¹⁰ Aho tal nih an nu le an pa cu, “Zeicahdah hi bantukin nan ka hrin?” tiah an ti ngam bal hna maw?

ISAIAH 45:10 ပူးပေါင်းရင်းမြစ်များ

ISAIAH 45:11

Bawipa, Israel Pathian thiang, hmailei thil um ding a sersiamtu nih, “Ka fale kong ah zeihmanh bia na ka hal awk a si lo; cun khakha na ti awk a si, khakha na tuah awk a si, ti zongah na ka chimh awk a si lo.

ISAIAH 45:9

Tlak um nih a sertu kha bia a al ngam hnga maw? Um dang bantuk cio a si vemi nih khan a al ngam hnga maw? Um nih khan, a sertu kha, a ser na ka thiam lo, tiah a zaihnawh bal maw?

MALAKHI 1:6

Fa nih a pa kha a upat i sal nih a bawi kha a ṭih. Pa ka si ahcun khuazei ah dah nan ka upatnak cu a si kun? Bawi ka si ahcun khuazei ah dah nan ka ṭihnak cu a si kun? Cuticun ralkapbu Bawipa nih ka min zei i a rel lomi nannih tlangbawi cu kan ti hna.

DEUTERONOMI 27:16

“ ‘A pa siseh a nu siseh a upat lomi cu chiat seh,’ tiah an thanh lai. Cun mi vialte nih, ‘Amen’ an ti lai.

HEBRU 12:9

Minung kan pale kong hi ruat hmanh u, an kan chimhhrin i kan upat hna, cucaah cun nunnak kan hmuh nakhnga, thlarau lei kan Pa chinchin cu zeitluk in dah a bia kan ngaih chinchin awk a si.