ISAIAH 45:1 - Lai (Hakha) Common Language Bible 2006

¹ Sairas cu Bawipa nih a thimmi siangpahrang a si! Bawipa nih amah cu miphun tampi kha tei awkah a fial; siangpahrang kha an lianhngannak phawih awkah a thlah: Bawipa nih khua kulhnak hau kutka hna kha a hunpiak lai. Bawipa nih Sairas cu a thawh i,

ISAIAH 45:1 ပူးပေါင်းရင်းမြစ်များ

1 SIANGPAHRANG 19:15

Cun Bawipa nih a thawh i, “Va kir law Damaskas ramlak leiah khan va kal tuah; cuka na phak tikah Hazael cu Siria siangpahrang si awkah chiti na thuh lai;

EZRA 1:1

Persia siangpahrang Sairas a bawi kum khatnak ah, Jeremiah kaa in Bawipa nih a chimmi bia kha a tlin nakhnga, Persia siangpahrang Sairas lungthin cu Bawipa nih a thawhter i cucaah a ram dihlak ah khan thawngthanhnak a tuah i ca zongin a ṭial:

EZRA 1:2

“Hi bangin Persia siangpahrang Sairas nih a ti: Bawipa, vancung Pathian nih vawleicung ram vialte hi a ka pek dih cang i Judah ram i a ummi Jerusalem khua ah amah caah inn sak awk a ka fial.

JOB 12:21

Bawi kha ningzahnak a toih hna i a ṭhawngmi cu an taisawm kha a dorh.

SALM 73:23

Asinain nangmah sin ṭhiamṭhiam ah khan ka um i ka kut in na ka hruai.

ISAIAH 13:2

Tlang kawng pakhat par ah raltuknak alan phun tuah! Ralkap cu au hna law, aa porhlawmi khualipi kutka cu tu cang hna u ti hmelchunhnak caah na ban kha hlerpiak hna.

ISAIAH 13:3

Bawipa nih a thin a phoktu kha tuk awkah a ralkap kha a kawh hna, cu a thiangmi raldohnak doh awkah cun aa zum ngaingaimi a ralkap, ral cu kanmah nih kan tei ṭheo lai tiah aa ruatmi ralkap pawl kha, a kawh hna.

ISAIAH 41:13

Keimah cu Bawipa nan Pathian ka si i ṭhawnnak kan pek hna; ‘Nan thinphang hlah u, kan bawmh hna lai,’ tiah keimah nih ka ti,” a ti.

ISAIAH 41:2

“Aho nih dah teitu kha Nichuahlei in a ratpi i a kalnak kip ah teitu a siter lengmang? Aho nih dah siangpahrang hna le miphun hna kha a teiter hna? Annih cu leidip khi va si hna seh law cu bang, a vainam nih cun a sam duahmah ko hna; thlitu nih capawl a choih bantuk khin a thal nih a ṭhek hna.

ISAIAH 41:25

“Nichuahlei i a ummi mipa pakhat kha ka thim cang i chaklei in nanmah tuk awkah ka ratpi lai. Um sertu nih tlak cu a ke in a nan bantukin ram uktu hna cu a nan hna lai.

ISAIAH 42:6

“Vawlei cungah hin dinnak a len nakhnga, Bawipa nih nangmah cu kan kawh i ṭhawnnak kan pek. Nangmah thawng in miphun kip he biakamnak ka ser lai i nangmah thawngin miphun kip sinah ceunak ka tlunter lai.

ISAIAH 44:28

Sairas cu ka thawh i, ‘Keimah aiawh in uktu a si ding cu nangmah na si; tuah seh ti kan duhmi kha na tuah lai: Jerusalem cu sa ṭhan u tiah nawl na pek hna lai i Biakinn cu a hram ser u, tiah na ti hna lai,’ ka ti,” tiah a ti.

ISAIAH 45:5

“Keimah cu Bawipa ka si, Pathian dang an um lo. Nang nih cun na ka hngal lo nain na herhmi thazang kha kan pek lai.

ISAIAH 48:15

Bia a chim i a kotu cu keimah ka si; keimah nih ka chuahpi i hlawhtlinnak ka pek.

JEREMIAH 27:6

Hi ram vialte ka sal Nebukhadnezzar, Babilon siangpahrang sinah a petu cu keimah ka si i saram hna zong amah rian ṭuantu dingah a petu cu keimah ka si fawn.

JEREMIAH 43:10

Na tuah lio cu Judah mi nih in hmu hna seh law annih cu, ‘Mah hihi Ralkapbu Bawipa, Israel Pathian bia cu a si, tiah chim hna: Babilon siangpahrang Nebukhadnezzar ka sal cu ka cah lai i hika i ka benhmi lung cungah hin a bawiṭhutdan cu a toh lai i an cungah hin a thladem zarhnak cu a samh lai.

JEREMIAH 50:3

Zeicahtiah anmah tuk awkah chaklei in miphun pakhat a rung cang, Pakpalawng hmun ah a ser lai i khika ah minung siseh, saram siseh, an um lai lo,” tiah chim, a ti.

JEREMIAH 50:35

Khaldi mi hna le Babilon i a ummi hna le an bawi hna le an mifim hna cungah vainam aa thlai ko, tiah Bawipa nih a ti.

JEREMIAH 51:11

Bawipa nih Babilon kha hrawh a timh caah Medes siangpahrang lungthin kha a cawlcanghter hna, A biakinn an hrawh ruangah hi bangin an cungah phu a hlam lai. Ral a tutu ralbawi hna nih, “Nan cantiang kha ta hna u! Nan phaw kha i bei hna u!

JEREMIAH 51:30

Babilon ralkap hna nih raltuk an ngol cang, An ralhruang chungah khan a thuh in an i thup; An ralṭhatnak a dong cang i nu bantuk an si cang. A inn cu mei in an khangh hna i a kutka hrenhnak hna cu an kiak cang.

JEREMIAH 51:58

Hi bangin Ralkapbu Bawipa nih Babilon kulhnak vampang a chah ngaingaimi cu vawlei ah chimh a si lai, A sangmi a kutka hna cu mei in khangh an si lai. Mi nih an ṭuanmi vialte cu pakpalawng ca men ah a si cang, Mi nih pakpalawng ca men ah an tha an i dit, tiah a ti.

EZEKIEL 29:20

Tair a doh man ah khan Izipt ram cu ka pek lai, zeicahtiah amah nih ka rian kha a ṭuan. Mah hihi Bawipa Pathian bia hrimhrim a si.

DANIEL 5:6

Siangpahrang cu a lau tuk i a daang dih; a kut le a ke vialte kha an ther dih i a khuk kha aa hnin.

DANIEL 7:5

Cun a dang pakhat, a pahnihnak cu ka hmuh ṭhan i vom bantuk a si. Ui ṭhut in a ṭhu i a kaa ah hnak ruh pathum aa seh. Amah cu nawl pek a si i, “Tho tuah, na duh tawk in sa cu ei tuah,” ti a si.

DANIEL 8:3

Khua ka hei zoh i cu ah cun tuukawng pakhat ki pahnih a ngeimi keimah le tiva kam i a dir ko kha ka hmuh. Cu a ki cu an pahnih in an sau i a hnu deuh i a hung khomi cu a dang pakhat nakkhan a sau deuh.

DANIEL 8:4

Tuukawng nih cun nitlaklei le chaklei le thlanglei a nam len hna kha ka hmuh. A hmaiah sahrang zeihmanh an dir kho lo i a ṭhawnnak chungin chanh khotu ahohmanh an um fawn lo. Tuah a duhmi paoh kha a tuah ko i a ruam a hung kai ngaingai.

NAHUM 2:6

Tiva luannak phihnak kha an phongh hna i siangpahrang inn cu a tlu.

NAHUM 3:13

Nan lak i a ummi ralkap hna cu nu bu men a si; Nan ram kutka hna cu nan ral hna hmaiah an i hung ko i An hrenhnak thingthluan hna kha mei nih a kangh dih hna.