ISAIAH 43:2 - Lai (Hakha) Common Language Bible 2006

² Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo.

ISAIAH 43:2 ပူးပေါင်းရင်းမြစ်များ

JOB 5:19

Amah nih harnak paruk chungin an chuah lai, Pasarih chung zongah ṭhat lonak zeihmanh nih an tawng lai lo.

SALM 23:4

A thuk bikmi muihnak horkuang chungin kal hmanh ning law, Bawipa, zeihmanh ka ṭih lai lo, zeicahtiah nangmah nih na ka umpi. Na ṭhiangṭhunh le na tanbo nih ka hna an ka ngamter.

SALM 32:6

Cucaah zumhawktlak a simi vialte hna nih cun, herhnak caan an ton tikah na sinah thla an cam awk a si; tilian a tlun tikah a phan hna lai lo.

SALM 66:10

Maw Pathian, nangmah nih na kan hneksak; ngun cu mei in an thianh bantukin kannih zong na kan hneksak ve.

SALM 66:12

Kan ral nih khan an kan lamh beh; tilian le meisul lakah na kan kalter, asinain atu cu himnak hmun na kan phakter.

SALM 91:15

An ka auh tikah ka leh hna lai i harnak an in tikah ka umpi hna lai. Ka chuah hna lai i ka upat hna lai.

EXODUS 14:29

Asinain Israel mi tu cu rili chung khan vawlei ro cungin an kal i ti cu an orhlei le an kehlei ah khan vampang bantukin an i chong.

EXODUS 3:12

Pathian nih cun, “Keimah nih kan umpi lai i keimah nih nangmah kha kan thlah ti cu hi nih hin a langhter lai. Cucu zeidah a si lai ti ahcun, Izipt ram in na chuahpi hna tikah khan hi tlang ah hin nan ka biak lai,” a ti.

ISAIAH 29:6

Ralkapbu Bawipa nih a ṭhawngmi ṭotho le lihnin in a khamh lai. Thlichia a hranter lai i zeizong vialte a khang dihtu mei a chuahter lai;

ISAIAH 30:27

Bawipa lianhngannak le sunparnak cu lamhlatpi in hmuh khawh a si. Mei le meikhu in a thinhunnak kha a lang. Bia a chim i a bia cu mei bantukin a alh.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

ISAIAH 43:5

Na thinphang hlah — na sinah ka um ko. A hlatmi nichuahlei ram le a hlat bik nitlaklei ram in, na mi cu inn ah ka tlunpi hna lai.

JEREMIAH 42:11

Babilon siangpahrang nan ṭihmi hi ṭih hlah u; Bawipa nih, “Ṭih hlah u, zeicahtiah amah kut chungin nannih cu khamh awk le chuah awkah nan sinah ka um ko,” tiah a ti.

JEREMIAH 46:28

Bawipa nih, ṭih hlah, maw Jakob, ka sal, Zeicahtiah na sinah ka um ko. Nanmah kan dawi hnanak miphun hna cu an donghnak phakter hna hmanh ning law nannih cu kan donghter hna lai lo. Nan i tlak bantukin dan in tat hna hmanh ning law, A hloh cu kan hlo hna lai lo, tiah a ti.

DANIEL 3:23

cun kha minung pathum, Shadrak, Meshak le Abednego hna cu ṭem buin meiphu alh chungah cun an thlak hna.

HAGGAI 1:13

Cucaah Bawipa nih a thlahmi Haggai nih, Bawipa nih a fial bangin mizapi cu a thawh hna i,

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

MALAKHI 4:1

A vaam huammammi somei bantukin cu ni cu a ra; miporhlaw vialte hna le ṭhat lonak a tuahmi vialte hna cu favai an si lai, cun cu ni cu a rat tikah, cu ni nih cun annih cu a alhter hna lai i an hram le an nge zong tang loin a kangh dih hna lai, tiah ralkapbu Bawipa nih a ti.

2TIMOTE 4:17

Sihmanhsehlaw Bawipa nih a ka umpi i Jentail mi vialte nih an theih khawh nakhnga Thawngṭha cu tling cikcek tein chim khawhnak thazang a ka pek; cun chiandeih kaa chung khan a ka chanh.

2TIMOTE 4:22

Bawipa cu na thlarau sinah um ko seh. Nan dihlak sinah Pathian vel cu um ko seh.

HEBRU 11:29

Rili Sen, vawlei ro cung bantukin Israel mi a tantertu hna kha zumhnak a si; Izipt mi nih tan an timh ve tikah ti nih khan a dolh hna.

JOSHUA 1:5

Na nunchung vialte ahohmanh na hmai i a dir khomi an um lai lo; Moses sinah ka um bang khan, nangmah sin zongah ka um lai; kan deuh lai lo i kan hlaw fawn lai lo.

JOSHUA 1:9

Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti.