ISAIAH 42:7 - Lai (Hakha) Common Language Bible 2006

⁷ Mitcaw cu an mit na auter hna lai i a muimi thonginn chungah a ṭhumi cu na luatter hna lai.

ISAIAH 42:7 ပူးပေါင်းရင်းမြစ်များ

SALM 97:7

Siasal a biami vialte kha an ning a zak dih, an siasal aa porhlawmi vialte kha an ning a zak dih; pathian vialte cu a hmaiah an kun dih.

ISAIAH 29:18

Cu ni a phak tikah cun, thang piin an relmi cauk chung bia cu hnachet nih a theih khawh lai i muihnak chungah a ummi mitcaw kha an mit a dei lai i khua an hmu kho lai.

ISAIAH 35:5

Mitcaw nih khua an hmuh lai i hnachet nih khua an theih lai.

ISAIAH 42:16

A mit a cawmi ka mi cu, an kal bal lonak lam khan ka kalpi hna lai. Muihnak cu ceunak ah ka canterpiak hna lai i an hmai i lam bingbo cu lam mil ah ka ser hna lai. Hi thil hi tlolh lo tein ka tuah hrimhrim hna lai.

ISAIAH 42:22

Sihmanhsehlaw atu ah cun a mi hna cu mi nih an ramh hna, vawlei tang thonginn chungah an khumh hna i thonginn chungah an hrenh hna. An ramh hna i an thil an chuh hna, ahohmanh a chanhtu hna an um lo.

ISAIAH 49:9

Thongtlami cu, ‘Chuak u,’ ka ti hna lai i muihnak chung i a ummi cu, ‘Ceunak ah hung chuak u,’ ka ti hna lai. Annih cu tlang cung i a tlongmi tuu bantuk an si lai;

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

ISAIAH 9:2

Mui lak i a rak i chawkmi hna nih khan ceunak nganpi an hmuh cang! Thihnak thladem tangah an rak um, sihmanhsehlaw atu cu ceunak nih a ceuh cang hna.

MIKAH 7:9

Bawipa cungah cun ka sual cang, cucaah a thinhunnak cu tu caan tlawmte chung cu ka in lai. Sihmanhsehlaw a donghnak ah cun keimah kha a ka ṭanh lai i ka cung i ṭhat lonak an tuahmi vialte kha ding tein a tuah ṭhan dih lai.

MATTHAI 11:5

mitcaw nih khua an hmuhnak le kebei an kal khawhnak le mithinghmui an thiannak le hnachet nih khua an theihnak le mithi thawhṭhan an sinak le misifak mi hna sinah Thawngṭha chim a sinak hi va chim ko u.

LUKA 24:45

Cun an lungthin kha a hun pemh hna i Cathiang sullam kha an hun hngalh.

JOHAN 9:39

Jesuh nih cun, “Hi vawlei cung i ka run hi, mitcawmi nih khua an hmuh i khuahmumi cu mitcaw ah an i can nakhnga, biathlehnak tuah awkah a si,” tiah a ti.

JOHAN 9:7

“Va kal law Siloam Tidil ah na hmai vaa phiah,” tiah a ti. (Siloam sullam cu Thlah ti a si). Cucaah mipa cu a va kal i a hmai cu a va phiah i khua hmu in a rak kir.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

2TIMOTE 2:26

Cun an lung a hung fim lai i amah duhnak tuah awkah a foih i sal ah a hrengtu hna Khuachia rap khan an luat lai.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

BIAPHUAN 3:18

Cucaah ruahnak kan cheuh duhmi cu, keimah sinin sui thiang taktak kha ka caw law na rum lai. Cun naa thuamhnak ding le taklawng in na umnak ningzahnak khuhnak ding caah, thil rang i cawk fawn. Cun na mit thuh awkah si zong i cawk law cuticun khua na hmu kho lai.