ISAIAH 42:6 - Lai (Hakha) Common Language Bible 2006

⁶ “Vawlei cungah hin dinnak a len nakhnga, Bawipa nih nangmah cu kan kawh i ṭhawnnak kan pek. Nangmah thawng in miphun kip he biakamnak ka ser lai i nangmah thawngin miphun kip sinah ceunak ka tlunter lai.

ISAIAH 42:6 ပူးပေါင်းရင်းမြစ်များ

ISAIAH 26:3

Bawipa, nangmah nih, an i tinhmi kha fek tein aa tlaih i nangmah an bochanmi cu, a tlingmi daihnak kha na pek hna.

ISAIAH 27:3

“Ka mitsur dum cu ka cawngh i ti ka toih zungzal. Ahohmanh nih an hrawh nakhnga lo chunzan in ka cawngh.

ISAIAH 32:1

Ni khatkhat cu dinnak in ram a uktu siangpahrang a um te lai i a kut tang i rian a ṭuanmi a bawi hna zong nih dinnak in mi kha an uk ve hna lai.

ISAIAH 41:13

Keimah cu Bawipa nan Pathian ka si i ṭhawnnak kan pek hna; ‘Nan thinphang hlah u, kan bawmh hna lai,’ tiah keimah nih ka ti,” a ti.

ISAIAH 41:2

“Aho nih dah teitu kha Nichuahlei in a ratpi i a kalnak kip ah teitu a siter lengmang? Aho nih dah siangpahrang hna le miphun hna kha a teiter hna? Annih cu leidip khi va si hna seh law cu bang, a vainam nih cun a sam duahmah ko hna; thlitu nih capawl a choih bantuk khin a thal nih a ṭhek hna.

ISAIAH 42:1

Bawipa nih aa thawh i, “Hi ka sal hi ka dawmhtlaihmi ka sal a si — ka thim i a cung i ka lung a tlingmi a si. Amah cu ka ṭhawnnak in ka khahter i miphun vialte cungah dinnak a tlunter lai.

ISAIAH 43:1

Israel, nangmah an sertu Bawipa nih hitihin a ti: “Na thinphang hlah, kan huhphenh lai. Nangmah cu na min in kan auh, keimah ta na si.

ISAIAH 45:1

Sairas cu Bawipa nih a thimmi siangpahrang a si! Bawipa nih amah cu miphun tampi kha tei awkah a fial; siangpahrang kha an lianhngannak phawih awkah a thlah: Bawipa nih khua kulhnak hau kutka hna kha a hunpiak lai. Bawipa nih Sairas cu a thawh i,

ISAIAH 45:13

Keimah hrimhrim nih Sairas cu ka cawlcanghter i cu ka cawlcanghter cu, thil kha hmaan tein tuah si seh ti kaa tinhmi tlinter ding caah khan a si. A kalnak lam paoh kha ka fehter lai. Jerusalem ka khua kha a remh ṭhan lai i ka saltang hna kha a luatter hna lai. Ahohmanh nih Sairas cu, hihi na tuah lai tiah an fial lo i nawhthuh zong an pe lo,” a ti. Ralkapbu Bawipa nih hi bia cu ka chim.

ISAIAH 49:6

Bawipa nih cun a ka thawh i, “Ka sal, nangmah caah rian ngan deuh chin ka ngei; Israel mi chungin a tangmi hna kha lianhngannak ah phakter ṭhan lawng si loin, Nangmah cu miphun hna ca ceunak ah kan ser lai — cuticun vawlei dihlak nih khamhnak a hmuh lai,” a ti.

ISAIAH 49:8

Bawipa nih a mi cu a thawh hna i “Nanmah khamhnak caan kha a phak tikah, kan dawt hnanak kha ka langhter lai i bawmhnak nan ka hal i nan aunak kha kan leh hna lai. Nanmah cu kan ven kan huhphenh hna lai i nanmah thawngin mi vialte he biakamnak ka ser lai. Atu lio i a rawk dihmi nan ram ah khan kan umter ṭhan hna lai.

JEREMIAH 12:16

Cun ka mi hna cu Baal min in chiatser an rak cawnpiak hna bantuk khan, annih zong nih ka mi hna biaknak kha an lungthin dihumnak in an i lak ve i, ‘Bawipa a nun bangin,’ ti in chiat an ser ve ahcun, ka mi hna lakah telh chihmi innchungkhar an si ve lai.

MATTHAI 26:28

Hihi ka thi a si, biakam fehternak thisen, sual ngaihthiamnak ca i mi tampi ca i thletmi cu a si.

LUKA 2:32

Cucu Jentail mi hna caah na lam a langhtertu a simi ceunak le na mi Israel mi hna ca i sunparnak cu a si,” tiah a ti.

JOHAN 8:12

Jesuh nih annih cu a thawh ṭhan hna i, “Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo,” tiah a ti.

LAMKALTU 13:47

Zeicahtiah Bawipa nih a kan pekmi nawlbia cu: ‘Nannih cu Jentail mi ca i ceunak si awk le Vawlei cung dihlak ca i khamhnak lam si awkah kan chiah hna,’ ti hi a si,” tiah a ti.

LAMKALTU 26:23

cucu zeidah a si tiah, Judah mi hna le Jentail mi hna sinah khamhnak ceunak thanh awk caah, Messiah nih cun fahnak kha a in a hau lai i thihnak in a tho ṭhan hmasa bikmi a si lai, ti hi a si ko,” tiah a ti.

2 KORIN 1:20

zeicahtiah amah cu Pathian biakamnak dihlak ah khan “E” a si. Cu ruangah cun kannih nih Jesuh Khrih thawngin Pathian thangṭhatnak ah khan, “Amen,” kan ti tawn kha a si.

HEBRU 12:24

Biakamnak thar a sertu Jesuh sin le Abel thisen nih a chimmi thil nakin a let tam piin a ṭha deuhmi thil kong a chimtu a thletmi a thisen sin kha nan phan cang.

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

HEBRU 7:2

Abraham nih hranchaw a lakmi cheu hra cheu khat kha a pek. (Melkhizedek min a sullam pakhatnak cu “Dinnak Siangpahrang” ti a si. Cun amah cu Salem siangpahrang a si caah a min sullam cu “Daihnak Siangpahrang” ti zong a si fawn.)

HEBRU 7:26

Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.

HEBRU 8:6

Cucaah anmah rian nakin tampi in a ngan deuhmi rian kha Jesuh cu pek a si. Pathian le minung kar ah a sermi biakamnak cu thil ṭha deuh kamhmi ruangah a ngan deuhmi a si bantukin, a tlangbawi rian zong cu, a ngan deuhmi a si ve.

HEBRU 9:15

Pathian kawhmi hna nih Pathian kamhmi zungzal thluachuahnak kha an hmuh khawh nakhnga, biakamnak thar cu Khrih nih khan a ser. Sihmanhsehlaw cu biakamnak cu thihnak a um hnu lawngah a si kho i cu thihnak nih aa tinhmi cu biakamnak hmasa tang i a rak ummi hna nih cu biakamnak tang i an um lio i an rak tuahmi palhnak chung khan luatter kha a si.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.