ISAIAH 42:5 - Lai (Hakha) Common Language Bible 2006

⁵ Pathian nih van khi a ser hna i a samh hna; vawlei le a cung i a ummi thilnung vialte kha amah nih a ser hna; vawlei cung i a ummi vialte kha nunnak le thaw a pek hna. Cu Bawipa Pathian nih cun a sal cu a thawh i,

ISAIAH 42:5 ပူးပေါင်းရင်းမြစ်များ

GENESIS 1:1

A hramthawk ah, Pathian nih van le vawlei a ser hna tikah,

GENESIS 2:7

Cun Bawipa Pathian nih vawlei khan tlak tlawmpal a lak i mipa ah a ser; nunnak petu thaw kha a hnar chungah a chuahhnawh i mipa cu a hung nung.

JOB 12:10

A sermi thil vialte an nunnak a uktu cu Pathian a si i Minung thaw cu a kut chungah a um.

JOB 27:3

Ka thaw cu ka chungah a um i Pathian thaw kha ka hnar chungah a um chung paoh ah cun,

JOB 33:4

Zeicahtiah Pathian thlarau nih a ka ser i Lianngan Bik thaw nih nunnak a ka pek.

JOB 34:14

A thlarau kha amah sinah a kirter ṭhan i nunnak petu thaw kha sinah a kawh ṭhan ahcun,

SALM 136:6

A thukmi ti cungah vawlei kha a sak, a dawtnak cu zungzal in a hmun.

SALM 33:6

Bawipa nih a nawlbia in van khi a ser hna, ni le thlapa le arfi khi a bia in a ser hna.

SALM 96:5

Miphun dang hna pathian cu siasal men an si, sihmanhsehlaw Bawipa nih cun van khi a ser hna.

ISAIAH 37:16

“Ralkapbu Bawipa, Pathian bawiṭhutdan cungah a ṭhu mi, nangmah lawnglawng hi Pathian na si i vawlei cung pennak vialte a uk dihtu na si. Nangmah nih van le vawlei kha na ser hna.

ISAIAH 40:12

Aho tal nih rilipi ti khi a zapei kuar in a tah kho maw? van khi tah a khap in a tah khotu aho tal an um maw? Vawlei hi tah aho nih dah hrai pakhat chungah a vawlei a khumh dih khawh? Asiloah, fing le tlang vialte hna hi aho nih dah cuaithlainak in a thlai khawh hna?

ISAIAH 40:22

Vawlei leng le van pin i a bawiṭhutdan cung i a ṭhumi nih khin vawlei cu a ser; a cung i a ummi hna cu khaubawk bantuk men an si. Van cu puanzar bantukin a zam i mi umnak thlam bantukin a samh.

ISAIAH 40:26

Van khi zoh tuah u! Nan hmuhmi arfi khi aho nih dah a ser hna? Ralkapbu bantukin a hruaitu hna nih khin a ser hna; zeizat an si kha a hngalh i an dihlak in an min in a auh hna! A ṭhawnnak cu a lianngan hringhran ko — pakhat hmanh an tlau bal lo!

ISAIAH 40:28

Nan hngal lo maw? Nan thei lo maw? Bawipa cu zungzal hmunmi Pathian a si i Amah nih vawlei kha a ser dih; zeitikhmanh ah a baa bal lo i a thazang a tlawm bal lo. Ahohmanh nih a lungthin kha an hngal lo.

ISAIAH 44:24

“Keimah cu Bawipa, nanmah an sertu hna le an khamhtu hna ka si. Keimah cu zeizong vialte a sertu Bawipa ka si. Keimah lawnglawng nih van cu ka samh hna; vawlei ka rak ser ah hin ahohmanh nih an ka bawm lo.

ISAIAH 45:12

Vawlei a sertu cu keimah ka si i a cung um dingah mi a sertu cu keimah ka si. Ka ṭhawnnak in van cu ka samh hna i ni le thlapa le arfi cu ka uk hna.

ISAIAH 45:18

Van cu Bawipa nih a ser hna — amah cu Pathian a si. Vawlei kha a ser i a siam — fekte le saupi nguh in a ser, vawlei cu thetse ram, ram pakpalawng ah a ser lo, minung umnak caah a ser. Amah cu, “Keimah hi Bawipa cu ka si, keimah hleiah pathian dang an um lo,” a titu kha a si.

ISAIAH 48:13

Ka kut in vawlei hram kha ka ser hna i van kha ka samh hna. Van le vawlei kha ka auh hna tikah, khulrang tein an ra chuak.

ISAIAH 57:16

Ka mi cu nunnak kha ka pek hna i sual ka phaw lengmang hna lai lo, a zungzal in an cungah ka thin zong a hung lai lo.

JEREMIAH 10:12

Pathian nih vawlei hi a ṭhawnnak in a ser Vawlei hi a fimnak in a umnak hmun ah hin a umter Van khi a thiamnak in a samh hna.

JEREMIAH 27:5

‘Ka ṭhawnnak a nganmi le aa samhmi ka baan in vawlei cu ka ser i vawlei cung i a ummi minung le saram hna cu ka ser hna; cun aa tlak ti i ka ruahmi sin paoh ah ka pek khawh.

JEREMIAH 32:17

‘Maw Bawipa Pathian, Na ṭhawnnak a nganmi le samhmi na ban in van le vawlei hi na ser hna; nangmah caah a si kho lomi thil zeihmanh a um lo.

JEREMIAH 38:16

Cun Siangpahrang Zedekiah nih Jeremiah sinah cun a thli tein chiat a ser i, “Ka nunnak a sertu Bawipa a nun bangin, kan that lai lo i na nunnak hrawh awk a kawlmi hna kut chung zongah kan chan lai lo,” tiah a ti.

EZEKIEL 18:4

A nungmi paoh cu keimah ta an si dih, an hringtu nu le pa si hna seh, an fale si hna seh, an dihlak in ka ta an si. A sualmi paoh cu a thi ko lai.

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

AMOS 9:6

Pathian nih a hlei cu van tawng in a ser hna i Van cu vawlei cungah siling bantukin a khuh; Pathian nih cun rili ti cu a kawh hna i vawlei cungah a thlet hna. Amah a min cu Bawipa a si.

ZEKHARIAH 12:1

Chimmi bia: Mah hihi Israel kongah Bawipa nih a chimmi bia cu a si, Bawipa cu van kha a samh i vawlei kha a ser i minung chungah thlarau a sertu kha a si.

LAMKALTU 17:24

Vawlei le a cung i a ummi thil vialte a sertu Pathian hi vancung le vawlei Bawi a si i minung sermi biakinn chungah a ummi a si lo.

LAMKALTU 17:25

Cuhleiah Pathian cu minung kha nunnak le thaw le zeizong vialte a petu a si caah minung nih an tuahpiak khawhmi kha a herhmi pakhat hmanh a um lo.

HEBRU 1:2

Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Amah thawng cun Pathian nih van le vawlei vialte kha a ser hna i amah cu Pathian nih a donghnak i zeizong vialte uktu ding i a thimmi cu a si.