ISAIAH 42:16 - Lai (Hakha) Common Language Bible 2006

¹⁶ A mit a cawmi ka mi cu, an kal bal lonak lam khan ka kalpi hna lai. Muihnak cu ceunak ah ka canterpiak hna lai i an hmai i lam bingbo cu lam mil ah ka ser hna lai. Hi thil hi tlolh lo tein ka tuah hrimhrim hna lai.

ISAIAH 42:16 ပူးပေါင်းရင်းမြစ်များ

SALM 94:14

Bawipa nih a mi cu a hlaw hna lai lo, amah ta a simi cu a zamtak hna lai lo.

PHUNGCHIMTU 1:15

A kawimi cu na dinter kho lai lo, a um lomi cu rel khawh a si lo.

PHUNGCHIMTU 7:13

Pathian rianṭuanmi hi va ruat tuah, a kawiter cangmi cu aho nih dah a dinter khawh lai?

ISAIAH 26:7

Bawipa, miṭha cu an lam na sialpiak hna i an zulhmi lam cu na pheiter.

ISAIAH 29:18

Cu ni a phak tikah cun, thang piin an relmi cauk chung bia cu hnachet nih a theih khawh lai i muihnak chungah a ummi mitcaw kha an mit a dei lai i khua an hmu kho lai.

ISAIAH 29:24

Mihrut nih hngalhthiamnak an ngei kho cang lai i a phun a zai zungzalmi nih cawnpiaknak cohlan kha an duh cang lai,” a ti.

ISAIAH 30:18

Asinain nan cungah a velngeihnak langhter duh ah Bawipa nih an hngah ko hna. Amah nih cun a dingmi thil kha a tuah zungzal caah nanmah zaangfah awk kha aa tim ko. Lunglawmhnak hi Bawipa i bochannak chungin a chuakmi a si.

ISAIAH 30:21

Lam in kehlei orhlei ah nan pial sual ahcun, “Lam cu hika leiah hin a si. Lam kha zul u,” tiah nan hnulei in a aw kha nan theih lai.

ISAIAH 32:3

An mi nih an herh an baumi kha hmu lo le thei loin an um lai lo.

ISAIAH 35:5

Mitcaw nih khua an hmuh lai i hnachet nih khua an theih lai.

ISAIAH 35:8

Cuka ah cun lam nganpi pakhat a um lai i a min ah “Thiannak Lam” ti a si lai. Hi lam cu misual mi nih an zul lai lo i hi lam a zulmi cu mihrut nih an pialter kho hna lai lo.

ISAIAH 40:4

Horkuang vialte cu chilh an si lai i tlang vialte cu chimh an si lai. Tlang cu hmun rawn ah an cang lai i a bingbomi hmun cu rawn didiai in an um lai.

ISAIAH 41:17

“Ka mi hna cu tihal in ti an kawl i an dang a car tikah, Bawipa nih an thlacamnak cu ka leh hna lai; Israel Pathian nih ka hlaw bal hna lai lo.

ISAIAH 41:3

A dawi thluahmah hna i a khul a ran tuk caah a ke nih vawlei hmanh kha a tawng set lo.

ISAIAH 45:2

“Keimah hrimhrim nih na lam kha kan sialpiak lai i fing le tlang kha ka rawnhter hna lai. Dar in an sermi kutka kha ka baoh hna lai i thir fung kha ka tan hna lai.

ISAIAH 45:7

Keimah nih ceunak zong ka ser i muihnak zong ka ser; thluachuahnak zong ka tlunter i vanchiatnak zong ka tlunter, Bawipa nih hi thil vialte hi ka tuah dih hna.

ISAIAH 48:17

Israel Pathian thiang, nanmah an khamhtu hna Bawipa, nih, “Keimah cu Bawipa nan Pathian, nan ca ṭhatnak cawnpiak an duhtu hna le nan zulh awk hnga lam an hmuhsaktu hna ka si.

ISAIAH 52:12

Atu tan hi cu namhnaw in nan chuah a hau lai lo, a zam in nan zam a herh lai lo, Bawipa nan Pathian nih an hruai hna lai i nan hnu, nan hmai, nan sirlei in an ven hna lai.

ISAIAH 54:13

“Keimah hrimhrim nih na mi cu ka cawnpiak hna lai i ṭhanchonak le daihnak ka pek hna lai.

ISAIAH 58:10

rawlṭam mi kha rawl nan pek hna i herhbau in khua a sami kha an herhnak nan bawmh hna ahcun, nannih an zultu hna muihnak kha chun ceu ah a cang lai.

ISAIAH 62:12

Nannih cu “Pathian Mi Thiang,” ti nan si lai, “Bawipa Khamh Mi” ti nan si lai. Jerusalem cu, “Bawipa Dawt Mi Khua,” “Pathian Nih A Hlawt Lomi Khua” ti a si lai.

EZEKIEL 14:23

Zeitindah an umtuning a si ti le zeidah an tuahmi a si ti kha na hmuh tikah na lung kha kan daihter lai, zeicahtiah sullam loin a cungah ka tuah lo ti kha na hngalh lai. Mah hihi Bawipa Pathian bia hrimhrim a si,” tiah a ti.

HOSEA 2:14

Sihmanhsehlaw atu cu ngaihmanh, Ka lem ṭhan lai i ramlak ah cun ka kalpi lai i ka hnemh lai.

HOSEA 2:6

Cucaah a lam cu hlingbur in ka kham hna lai i dai kha ka chon hna lai, Cuticun a zulh tawnmi a lam kha zul kho loin ka tuah lai.

AMOS 5:8

Amah cu Likuk-canthum le Fizang kha a ser i, Muihnak kha zinglei ah a cantertu a si; Rili chung ti kha a auh hna i vawlei chungah a thlet hna;

LUKA 3:5

A kuarhnak hmun vialte kha rak chilh hna u law Tlang sang le fing bo kip kha rak rawnhter hna u; Lam aa ngerhmi kha rak dinter hna u, Lam bingbo vialte kha rak tlorhnalh hna u;

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

EFESA 5:8

Nanmah hrimhrim zong kha muihnak chungah khua nan rak sa, sihmanhsehlaw Bawipa mi nan si cang caah ceunak chungah nan um. Cucaah ceunak mi a simi bantukin nan um awk a si.

HEBRU 13:5

Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” a ti.

JOSHUA 3:4

zeitintiah hi leiah cu hlan cu nan kal bal lo caah nan kalnak ding lam cu an hmuhsak hna a hau lai. Asinain nanmah le a karlak cu dong thong hnih tluk in aa hlat lai; nan naih lai lo,” tiah nawl an pek hna.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.