ISAIAH 42:10 - Lai (Hakha) Common Language Bible 2006

¹⁰ Bawipa cu hla thar in thangṭhat tuah u; vawlei vialte hna, a thangṭhatnak hla cu sa tuah u. Rili cungah tilawng in a kalmi hna, amah cu thangṭhat tuah u; rili chung thilnung vialte hna, amah cu thangṭhat u. Lamhlatpi i a ummi ram hna, hlasa tuah u, cuka ram i a ummi vialte hna, hla cu sa tuah u.

ISAIAH 42:10 ပူးပေါင်းရင်းမြစ်များ

1 CHANRELNAK 16:32

Rili le a chungah a ummi thil vialte awn hna seh, Lo le a chungah a ummi thil vialte kha i lawm hna seh!

SALM 150:6

Thilnung vialte hna, Bawipa cu thangṭhat u! Bawipa cu thangṭhat u!

SALM 33:3

Hla thar in thangṭhat u, dawh ngaiin hri hra tingtang cu tum u law fak piin hla sa u.

SALM 40:3

Hla thar kha a ka cawnpiak, ka Pathian thangṭhatnak hla kha a ka cawnpiak. Hi thil cu mi tampi nih an hmuh lai i Bawipa kha an i bochan lai.

SALM 65:5

Maw Pathian, kan Khamhtu, thla kan cam tikah na kan leh i khuaruahhar thil na tuahmi in na kan khamh. Vawleicung mi vialte le a hla bik rili ral i a ummi hmanh nih an in bochan.

SALM 72:10

Spain ram siangpahrang le tikulh ram siangpahrang hna nih khan laksawng an rak put lai; Arabia ram siangpahrang le Ethiopia ram siangpahrang hna nih khan laksawng an ra ṭhenh lai.

SALM 96:11

Vawlei le van, i lawm tuah u. Rili le a chung i a ummi thilnung vialte hna, awn u;

SALM 97:1

Bawipa cu siangpahrang a si, maw vawlei i lawm tuah! Rili chung i a ummi tikulh vialte hna, i lawm u!

EXODUS 15:1

Khi tikah Moses le Israel mi nih hi hla hin Bawipa cu an thangṭhat: “Bawipa nih lianhngannak in a tei cang, rangtum hna le an cung i aa citmi hna cu rili chungah a paih hna, cucaah Bawipa cu hla in ka thangṭhat lai.

EXODUS 20:11

Ni ruk chungah Bawipa nih van le vawlei le rili le an chung i a ummi thil vialte kha a ser hna i ni sarih ni ah cun aa din. Cucaah cun Bawipa nih dinh ni cu thluachuah a pek i amah ca rian ṭuannak caah a duh.

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

ISAIAH 12:5

Thil lianngan a tuah hna caah Bawipa cu hla in thangṭhat u. Vawlei dihlak nih cu thawng cu thei hna seh.

ISAIAH 42:4

A lung a dong lai lo, a tha zong a chia lai lo, vawlei cungah dinnak kha a hmunhter lai. Lamhlat pipi i a ummi ram nih a cawnpiaknak kha ngangngan in an hngak ko,” a ti.

ISAIAH 44:23

Nannih van hna, lunglawmhnak in au tuah u, vawlei cung i a thukmi hmun hna, au tuah u. Tlang te tupi chung thing vialte hna, lunglawmhnak in au tuah u. Bawipa nih a mi Israel mi cu a khamh cang hna i cuticun a lianhngannak kha a langhter cang.

ISAIAH 48:20

Babilon in chuak tuah u, luat in kal tuah u! “Bawipa nih a sal Israel cu a khamh cang,” tiin thawngpang cu lunglawmhnak in aupi u, khuazakip ah thanh u.

ISAIAH 49:13

Van hna, hlasa tuah u! Maw vawlei, lunglawmhnak in au tuah! Tlang cu lunglawmhnak in au hna seh. Bawipa nih a mi cu a hnemh cang hna lai; retheihnak a ingmi a mi cu a zaangfah cang hna lai.

ISAIAH 49:6

Bawipa nih cun a ka thawh i, “Ka sal, nangmah caah rian ngan deuh chin ka ngei; Israel mi chungin a tangmi hna kha lianhngannak ah phakter ṭhan lawng si loin, Nangmah cu miphun hna ca ceunak ah kan ser lai — cuticun vawlei dihlak nih khamhnak a hmuh lai,” a ti.

ISAIAH 51:5

Khulrang in ka ra lai i ka khamh hna lai; teinak ka hmuh laimi caan cu a nai cang. Keimah hrimhrim nih miphun kha ka uk hna lai. Lamhlapi i a ummi ram nih an ka hngah, anmah khamh awkah ngangngan ngai in an ka hngah.

ISAIAH 60:6

Kalauk bu ngan ngan cu an ra lai, Midian le Efah in an ra lai. Sheba in an ra lai i sui le zihmui kha an rak phorh hna lai. Pathian nih a tuahmi thil kong thawng ṭha kha mi nih an chim lai.

ISAIAH 60:9

Annih cu lamhla piin a rami lawng an si, Pathian mi hna, inn i a rak tlunpitu hna lawng an si. Bawipa, Israel Pathian thiang upat awkah sui le ngun kha an rak i phorh; Bawipa nih miphun dang vialte cu, a mi Israel mi kha, upatnak a pekter hna.

ISAIAH 62:11

“Jerusalem khuami cu chim hna u law, Bawipa nan khamhtu cu a ra lio i a tlanhmi a mi kha a rak i ratpi hna, tiah vawleicung dihlak ah Bawipa nih a thanh i cucu miphun vialte nih an hngalh nakhnga hmelchunhnak pakhat in tar tuah u,” a ti tiah va ti hna u.

ISAIAH 65:14

Lunglawm in hla an sa lai, sihmanhsehlaw nannih cu lungkuai in nan ṭap lai.

ZEFANIAH 2:11

Bawipa nih annih cu a ṭihnunnak vialte he a chuahhnawh hna lai; vawlei cung khuazing vialte cu santlailo ah a ser dih hna lai i miphun dang hna rilikam ram le tikulh vialte nih amah cu an biak lai, mi kip nih anmahle an inn cio in an biak lai.

BIAPHUAN 14:3

Sing khat sang li le thong li hna cu bawiṭhutdan le saram nung pali hna le upa hna lei hoih khan an dir. Vawlei cungin tlanh a simi hna lawng nih an thiam khawhmi hla thar kha an sa.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.