ISAIAH 41:9 - Lai (Hakha) Common Language Bible 2006

⁹ Vanhramdeng khin kan ratpi; vawlei cung a hlatnak bik hmun in kan kawh i, ‘Nang cu ka sal na si,’ kan ti. Kan hlaw lo, a thim in kan thim lehlam.

ISAIAH 41:9 ပူးပေါင်းရင်းမြစ်များ

SALM 135:4

Jakob cu amah minung si awkah amah nih aa thim, Israel mi cu amah mi si awkah amah nih aa thim hna.

SALM 94:14

Bawipa nih a mi cu a hlaw hna lai lo, amah ta a simi cu a zamtak hna lai lo.

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

ISAIAH 14:1

Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.

ISAIAH 41:2

“Aho nih dah teitu kha Nichuahlei in a ratpi i a kalnak kip ah teitu a siter lengmang? Aho nih dah siangpahrang hna le miphun hna kha a teiter hna? Annih cu leidip khi va si hna seh law cu bang, a vainam nih cun a sam duahmah ko hna; thlitu nih capawl a choih bantuk khin a thal nih a ṭhek hna.

ISAIAH 41:8

“Sihmanhsehlaw Israel ka sal, nang cu keimah nih kan thimmi miphun na si i ka hawi Abraham tefa na si.

ISAIAH 42:1

Bawipa nih aa thawh i, “Hi ka sal hi ka dawmhtlaihmi ka sal a si — ka thim i a cung i ka lung a tlingmi a si. Amah cu ka ṭhawnnak in ka khahter i miphun vialte cungah dinnak a tlunter lai.

ISAIAH 44:1

Bawipa nih aa thawh i, “Ka sal Israel mi hna, ngai tuah u, Jakob tefa, ka mi thimmi hna, ngai tuah u.

ISAIAH 45:4

Ka sal Israel mi kha na bawmh hna lai tiah kan fial, annih cu ka thimmi miphun an si. Nang nih cun na ka hngal lo nain upatnak nganpi kha kan pek.

MALAKHI 1:2

“Nannih cu kan dawt hna,” tiah Bawipa nih a ti. Nannih nih nan i thawh i, “Kannih cu na kan dawt maw?” nan ti.

LUKA 13:29

Nichuah, nitlak, chaklei, thlanglei, in mi kha an ra lai i Pathian Pennak cabuai ah khan an ṭhu lai.

DEUTERONOMI 14:2

Zeitintiah nannih cu Bawipa nan Pathian ca i a thiangmi miphun nan si i Bawipa nih nannih cu amah ta hrimhrim si awkah, vawlei cung i a ummi miphun vialte hna lakin an thim hna.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

1 SAMUEL 12:22

Nannih cu amah ca miphun i ser kha Bawipa lawmhmi a si caah, a min ngan ruang ah hin, Bawipa nih a mi cu an hlonh hna lai lo.