ISAIAH 41:5 - Lai (Hakha) Common Language Bible 2006

⁵ “Lamhlatpi i a ummi rammi hna nih ka tuahmi kha an hmuh; an thin a phang i a ther in an ther. Cucaah an dihlak in hmunkhat ah an i pum.

ISAIAH 41:5 ပူးပေါင်းရင်းမြစ်များ

GENESIS 10:5

Annih hi rili kam le tikulh i khua a sami hna hringsortu an si. Hi hna hi Jafeth tefa cu an si; an phun cio in an ram cio ah khan khua an sa i anmah le an holh cio kha an hmang.

SALM 65:8

Thil lianngan na tuahmi hna ruangah vawlei cu a dihlak in a thin a phang. Vanhramdeng in vanhramdeng tiang na tuahmi thil kha mi nih an thangṭhat i an lawmh.

SALM 65:9

Ram cu na dawt caah a cungah ruah na surter; na rumter i a vawlei na ṭhatter. A chung i na umtermi tiva cu an kao bal lo, cu tiva hna nih cun rawl a phunphun an chuahter — cucu nangmah tuahmi a si.

SALM 66:3

Pathian sinah cun, “Na tuahmi thil hi zeitluk in dah khuaruahhar an si. Na lianhngannak kha a ngan tuk caah na ral cu na hmaiah therphang in an kun.

SALM 67:7

Pathian nih thluachuah a kan pek; vawleicung mi zakip nih upat hna seh.

EXODUS 15:14

Miphun dang nih khan cucu an theih i a ther in an ther; nau nganfah bantuk a simi ṭihnak nih Filistin mi cu a tlaih hna.

ISAIAH 41:1

Pathian nih, “Lamhlatpi i a ummi ram hna, dai tein um u law ka bia ngai tuah u. Biaceihnak hmun i nan bia chim awkah i tim tuah u. Chimnak caan nan ngei lai. Ahodah a hmaan ti khiah awkah hmunkhat ah ṭhu ṭi tuah u sih.

ISAIAH 41:6

Zungthiam pawl kha pakhat le pakhat an i bawm i pakhat le pakhat lung ṭhawnnak an i pe.

EZEKIEL 26:18

Na tluk ni ah rilikam ram kha an ther i Na loh ni ah rili chung tikulh hna cu an khuaruah a har.

JOSHUA 2:10

Zeitintiah Izipt ram in nan chuah tikah zeitindah Bawipa nih nan hmaiah Rili Sen ti kha a carter i zeitindah Jordan tiva ral ah a ummi Amor mi siangpahrang pahnih Sihon le Og kha nan hrawh cikcek hna kha kan theih.

JOSHUA 5:1

Jordan khattelei ral nitlaklei i a ummi Amor mi hna siangpahrang vialte le rili pawngah a ummi Kanaan mi siangpahrang vialte nih Israel mi caah an tan dih hlantiang Jordan tiva ti cu Bawipa nih a kaoter tiah an theih tikah, Israel mi hna ruangah cun an thin a phang i an chungah thlarau zeihmanh a um ti lo.