ISAIAH 41:29 - Lai (Hakha) Common Language Bible 2006

²⁹ Hi pathian hna hi pakpalawng an si, an tuah khawhmi zeihmanh a um lo — hi siasal pathian hna hi thazang zeihmanh a ngei lomi, zei thil hmanh a tuah kho lomi an si.

ISAIAH 41:29 ပူးပေါင်းရင်းမြစ်များ

SALM 96:5

Miphun dang hna pathian cu siasal men an si, sihmanhsehlaw Bawipa nih cun van khi a ser hna.

ISAIAH 17:8

Anmah nih an kut in an sermi biakṭheng kha an i bochan ti lai lo, anmah nih an kut in an tuahmi zong kha an i bochan ti hna lai lo — cu an kut in an tuahmi hna cu Asherah khuazingnu biaknak caah an tuahmi thingṭial hna zihmui khanghnak caah an sermi biakṭheng hna kha an si.

ISAIAH 2:8

An ram cu siasal in a khat i anmah nih an kut in an ser chommi thil kha an biak hna.

ISAIAH 37:19

an pathian kha an khangh dih hna, ti cu kan theih — sihmanhsehlaw annih cu pathian an si lo, minung nih an kut in an ser chommi thing le lung siasal menmen an si.

ISAIAH 41:24

Sihmanhsehlaw nannih cu zeihmanh nan si lo, nan tuahmi vialte zong zeihmanh an si lo, nanmah an biatu hna zong fihnung an si.

ISAIAH 46:7

An liang ah an i khinh i an kalpi; cun a hmunte ah khan an chiah i cuka ah cun a dir; a dirnak hmun khan aa ṭhial kho lo. A sin i thla an cam tikah ahohmanh a let kho hna lo. harnak chung zongin a khamh kho hna lo.

JEREMIAH 14:22

Miphun dang pathian, pathian deu a simi hna lakah ruah surter kho an um maw? Asiloah, van hna nih khin ruahpi an surter kho maw? Nangmah cu kan in bochan nakhnga, Pathian na si lo maw, Maw Bawipa? Hi thil vialte hna a tuahtu hi nangmah lawnglawng na si.

JEREMIAH 5:13

Profet hna chimmi cu thlitu men an si lai, an chungah bia a um lo,’ an ti.

HABAKKUK 2:18

Siasal hi a ṭhathnemnak zei a um maw? Minung nih an sermi a si ko i lih dah ti lo cu zeihmanh aan chimh khawhmi hna a um lo; a holh hmanh a holh kho lomi pathian cu a sertu caah a tuah khawhmi zeital a um maw?

ZEKHARIAH 10:2

Innchungkhar khuazing hna nih cun pakpalawng biakamnak kha an chim i, Litinthiam hna nih cun ahmaan lomi hmelchunhnak kha an hmuh, Mangihthiam minu hna nih khan hlennak mang an manh i pakpalawng bia kha an chim. Mi cu tuu bantukin an vak, tuukhal a um lo caah harnak kha an in.

BIACEIHTU 18:17

cun tlangbawi cu kutka luhnak i minung za ruk raltuknak hriamnam aa putmi hna he an dir lioah, ram ngiat awkah a hung kalmi panga hna kha an lut i suaimi milem, tlangbawi angki, milem tete le thletmi milem kha an lak hna.

1 SAMUEL 12:21

cun pakpalawng thil, ṭhathnem zong an ṭhathnem kho hna lo i a khamh zong an khamh kho hna lomi thil hna kha, pialhnawh hna hlah u, zeitintiah pakpalawng an si.