ISAIAH 41:25 - Lai (Hakha) Common Language Bible 2006

²⁵ “Nichuahlei i a ummi mipa pakhat kha ka thim cang i chaklei in nanmah tuk awkah ka ratpi lai. Um sertu nih tlak cu a ke in a nan bantukin ram uktu hna cu a nan hna lai.

ISAIAH 41:25 ပူးပေါင်းရင်းမြစ်များ

2 SAMUEL 22:43

Vawlei i leidip bantuk ah ka rial hna, Ka den hna i lam i nawncek bantukin ka lamh hna.

ISAIAH 10:6

Pathian zei ah a rel lomi miphun, ka thin a ka phoktu hna tuk awkah Assiria cu ka thlah. An thil va chuh awk le ramh awk le mi kha khualak lam i nawncek he lamh chih awkah annih cu ka thlah hna,” a ti.

ISAIAH 21:2

Langhnak ka hmuhmi cu ṭihnung a si ko, i rawinak le i lainak, rawhralnak langhnak a si. Elam ralkap hna, tu tuah u. Media ralkap hna, khuapi kha kulh hna u. Babilon nih a tluntermi temhinnak kha a dong cang lai.

ISAIAH 41:2

“Aho nih dah teitu kha Nichuahlei in a ratpi i a kalnak kip ah teitu a siter lengmang? Aho nih dah siangpahrang hna le miphun hna kha a teiter hna? Annih cu leidip khi va si hna seh law cu bang, a vainam nih cun a sam duahmah ko hna; thlitu nih capawl a choih bantuk khin a thal nih a ṭhek hna.

ISAIAH 44:28

Sairas cu ka thawh i, ‘Keimah aiawh in uktu a si ding cu nangmah na si; tuah seh ti kan duhmi kha na tuah lai: Jerusalem cu sa ṭhan u tiah nawl na pek hna lai i Biakinn cu a hram ser u, tiah na ti hna lai,’ ka ti,” tiah a ti.

ISAIAH 45:1

Sairas cu Bawipa nih a thimmi siangpahrang a si! Bawipa nih amah cu miphun tampi kha tei awkah a fial; siangpahrang kha an lianhngannak phawih awkah a thlah: Bawipa nih khua kulhnak hau kutka hna kha a hunpiak lai. Bawipa nih Sairas cu a thawh i,

ISAIAH 45:13

Keimah hrimhrim nih Sairas cu ka cawlcanghter i cu ka cawlcanghter cu, thil kha hmaan tein tuah si seh ti kaa tinhmi tlinter ding caah khan a si. A kalnak lam paoh kha ka fehter lai. Jerusalem ka khua kha a remh ṭhan lai i ka saltang hna kha a luatter hna lai. Ahohmanh nih Sairas cu, hihi na tuah lai tiah an fial lo i nawhthuh zong an pe lo,” a ti. Ralkapbu Bawipa nih hi bia cu ka chim.

JEREMIAH 1:14

Cun Bawipa nih a ka thawh i, “Hi ram chung i a ummi vialte hna cungah chaklei in ṭhat lonak a rung tlung lai.

JEREMIAH 50:3

Zeicahtiah anmah tuk awkah chaklei in miphun pakhat a rung cang, Pakpalawng hmun ah a ser lai i khika ah minung siseh, saram siseh, an um lai lo,” tiah chim, a ti.

MIKAH 7:10

Khi tikah, “Bawipa na Pathian cu khuazei ah dah a um?” tiin nehsawh zawmhtaih in a ka timi ka ral hna nih khan an vun hmuh lai i an ning a zak lai. Annih cu an sungh i lam i nawncek lakah lamhchih an si kha ka hmuh hna lai.

ZEKHARIAH 10:5

Annih cu ralkap bantuk an si lai i raltuk hmun lam cet lak i aa nang lenmi bantuk an si lai; Bawipa cu an sinah a um caah an ral kha an tuk hna lai i Rangcung ralkap hna kha ningzak in an hloh hna lai.

BIAPHUAN 16:12

Cun vancungmi paruknak nih a kanto cu Zufrates tivapi cungah a bungh. Tiva cu a kao i nichuahlei in a rami siangpahrang hna caah khan lam a rak awnter.