ISAIAH 41:23 - Lai (Hakha) Common Language Bible 2006

²³ Hmailei thil um ding kha kan chim tuah u — cu ti nan chim khawh ahcun pathian nan si kha kan hngalh lai. Ṭhatnak pakhat tal, chiatnak pakhat tal tuah u law cuticun thinphang awlok chong in kan um lai i cuticun ta pathian nan si le si lo cu kan hngalh fam hnga.

ISAIAH 41:23 ပူးပေါင်းရင်းမြစ်များ

ISAIAH 19:12

Izipt siangpahrang khuazei ah dah na fimchimtu mifim hna cu an si kun? Ralkapbu Bawipa nih Izipt ram caah hin zei khuakhannak dah a ngeih ti kha a chimh zong an in chimh khawh sual ko hnga dah kaw!

ISAIAH 42:9

Ka rak chimchungmi kha atu cu an tling cang. Atu cu thil thar kha kan chimh lai, um an i timh hlanah hin kan chimh lai,” a ti.

ISAIAH 43:9

Biaceihnak hmun i chuah awkah miphun dang kha au hna u. An pathian aho tal nih hmailei thil kong an chimchung kho maw? Atu i a um liomi thil hi aho tal nih an rak chimchung kho maw? Hi pathian hna nih hin, kan chimmi cu a hmaan i kan bia cu biatak a si ti langhternak caah tehte rak i chuahpi hna seh.

ISAIAH 45:21

Ra u law biaceihnak hmun ah nan bia cu ra chim tuah u; tazacuaimi hna cu pakhat le pakhat lungthin i cheu tuah u. Thil a um ding kha aho nih dah a hlankan in a rak thanh chung i cuticun a um te lai tiah aho nih dah a rak chimchung? Cu ti a tuahtu cu Bawipa, a mi a khamhtu hna Pathian kha ka si lo maw? Pathian dang ahohmanh an um lo.

ISAIAH 45:3

A muihnak i a ummi rothil hna le aa thupmi hmun i a ummi hlawnthil hna kha kan pek lai; cun keimah cu Bawipa ka si kha na hngalh lai i Israel Pathian nih na min in an kawh kha na hngalh fawn lai.

ISAIAH 46:7

An liang ah an i khinh i an kalpi; cun a hmunte ah khan an chiah i cuka ah cun a dir; a dirnak hmun khan aa ṭhial kho lo. A sin i thla an cam tikah ahohmanh a let kho hna lo. harnak chung zongin a khamh kho hna lo.

JEREMIAH 10:5

Cu bantuk siasal hna cu zil dum i ritṭih thlaimi bantuk ceo an si ko, an holh kho lo; An kal khawh lo caah a phorh in phorh an herh. Annih cu ṭih hna hlah u, harnak zeihmanh an tuah kho lo, Ṭhatnak zong zeihmanh an tuah kho fawn lo.

DANIEL 2:9

Mang cu nan ka chimh lo ahcun dantatnak cu nan dihlak in aa khat in pek nan si lai. Cuhleiah, a caan ningin a lung cu aa thleng te lai lo maw tiin keimah cu lih kha chimh awkah lungthin khat in nan um. Cucaah ka mang cu ka chim u, cu cun pei a sullam zong cu nan ka chimh khawh lai ti kha ka hngalh fam lai cu,” tiah a leh hna.

JOHAN 13:19

Thil cu a hung si taktak tikah keimah hi amah cu ka si ko, ti kha nan zumh khawh nakhnga, hi thil hi a si hlanah ka rak in chimh chung hna.

LAMKALTU 15:18

Cuticun Bawipa, hlanlio piin thil a rak chimtu nih cun a ti.’