ISAIAH 41:20 - Lai (Hakha) Common Language Bible 2006

²⁰ Mi nih khan cucu an hmuh lai i Bawipa nih ka tuahmi a si kha an hngalh lai. Cu thil a umtertu cu Israel Pathian thiang ka si kha an hngalh lai,” a ti.

ISAIAH 41:20 ပူးပေါင်းရင်းမြစ်များ

JOB 12:9

Annih nih an dihlak in Pathian sermi kan si ti kha an hngalh.

SALM 109:27

A ka khamhtu cu nangmah na si kha, ka ral cu hngalhter hna.

EXODUS 6:7

Nannih cu ka mi ah kan lak hna lai i kei cu nan Pathian ka si lai. Nannih nih kei cu Bawipa nan Pathian, Izipt mi nih hramhram in an in hnekmi hna rian in an luattertu hna ka si kha nan hngalh lai.

EXODUS 9:16

Sihmanhsehlaw ka ṭhawnnak kha nangmah cu kan hmuhsak khawh nakhnga kan nunter i cuticun ka minthannak nih vawleicung kha a cul dih lai.

ISAIAH 28:29

Hi bantuk fimnak vialte hi Ralkapbu Bawipa sinin a rami a si. Pathian khuakhannak cu a fimmi a si zungzal i thlua a chuak zungzal.

ISAIAH 29:24

Mihrut nih hngalhthiamnak an ngei kho cang lai i a phun a zai zungzalmi nih cawnpiaknak cohlan kha an duh cang lai,” a ti.

ISAIAH 40:5

Cun Bawipa sunparnak cu a lang lai i mi vialte nih an hmuh lai. Hi biakamnak cu Bawipa hrimhrim nih a tuahmi a si,” a ti.

ISAIAH 41:4

Hi thil a umtertu hi ahodah a si? Tuanbia kalning hi hi bantukin si seh tiah aho nih dah a rak ti? Bawipa cu a hramthawknak i a rak ummi kha ka si i Bawipa cu a donghnak i a um laimi zong ka si.

ISAIAH 43:15

Keimah Bawipa cu nan Pathian thiang ka si, Israel, nangmah Sertu cu keimah ka si i na siangpahrang cu keimah hi ka si,” a ti.

ISAIAH 43:21

Ka thimmi ka mi hna cu keimah ca i kaa sermi an si — anmah nih ka thangṭhatnak hla cu an sak hna lai,” a ti.

ISAIAH 44:23

Nannih van hna, lunglawmhnak in au tuah u, vawlei cung i a thukmi hmun hna, au tuah u. Tlang te tupi chung thing vialte hna, lunglawmhnak in au tuah u. Bawipa nih a mi Israel mi cu a khamh cang hna i cuticun a lianhngannak kha a langhter cang.

ISAIAH 49:23

Siangpahrang cu nan caah nan pa bantuk an si lai i siangpahrang bawinu hna nih cun hringtu nu bantukin an in umh hna lai. Nan hmaiah niam ngaiin an kun lai i upatnak an in pek hna lai; nanmah an in hmaizah hnanak cu an langhter lai. Khi tikah Bawipa ka si cu nan hngalh lai i keimah bawmhnak a hngakmi paoh cu a khel hna lai lo,” a ti.

ISAIAH 66:14

Hi thil a hung um tikah nan lung aa lawm lai; an ṭhawnter hna lai i nan ngan an damter hna lai. Cucaah Bawipa keimah nih ka nawl a ngaimi cu ka bawmh hna i ka ral cu ka thinhunnak ka chuahhnawh hna ti kha nan hngalh lai,” a ti.

ISAIAH 66:18

An ruahnak le an tuahmi kha ka hngalh. “Miphun kip chung minung kha ka pumh hna lai. Hmunkhat i an i pumh tikah ka ṭhawnnak nih zeidah a tuah khawh ti kha an hmuh lai i

ISAIAH 66:2

Van le vawlei hi keimah nih ka ser dih hna. Mi toiah aa dor i an sualnak aa ngaihchih i a ka ṭih i ka nawl a ngaimi cu an cungah ka lung aa lawm.