ISAIAH 41:2 - Lai (Hakha) Common Language Bible 2006

² “Aho nih dah teitu kha Nichuahlei in a ratpi i a kalnak kip ah teitu a siter lengmang? Aho nih dah siangpahrang hna le miphun hna kha a teiter hna? Annih cu leidip khi va si hna seh law cu bang, a vainam nih cun a sam duahmah ko hna; thlitu nih capawl a choih bantuk khin a thal nih a ṭhek hna.

ISAIAH 41:2 ပူးပေါင်းရင်းမြစ်များ

GENESIS 11:31

Terah nih a fapa Abram le a tu Lot, Haran fapa kha le, Abram nupi Sarai kha, Kanaan ram lei i kal awkah Khaldi ram Ur khua khan a thawhpi hna. Sihmanhsehlaw Haran khua tiang an kal i cuka ah cun umhmun an khuar.

GENESIS 17:1

Abram cu kum sawm kua le kum kua a si tikah Bawipa cu a sinah a lang i, “Kei cu Lianngan Bik Pathian ka si. Na nun chung vialte ka nawl ka ngai law soi awk zeihmanh um loin um.

2 SAMUEL 22:43

Vawlei i leidip bantuk ah ka rial hna, Ka den hna i lam i nawncek bantukin ka lamh hna.

2 SIANGPAHRANG 13:7

Zeitintiah Jehoahaz ralkap hna cu rangcung ralkap sawm nga le rangleng pahra le ke ralkap sang khat nak tam an tang ti lo; zeicahtiah Siria siangpahrang nih a hrawh hna i rawl cil tik i leidip bantuk ah khin a ser hna.

2 CHANRELNAK 36:23

“Hi bangin Persia siangpahrang Sairas nih, Bawipa, vancung Pathian nih vawleicung ram vialte cu a ka pek cang i mah caah Judah ram Jerusalem i inn pakhat sak awk kha a ka fial. Cucaah Pathian mi a simi nannih cu nan dihlak in cuka ah cun va kal u law Bawipa nan Pathian cu nan sinah um ko seh,” a ti.

EZRA 1:2

“Hi bangin Persia siangpahrang Sairas nih a ti: Bawipa, vancung Pathian nih vawleicung ram vialte hi a ka pek dih cang i Judah ram i a ummi Jerusalem khua ah amah caah inn sak awk a ka fial.

ISAIAH 40:24

Annih cu thingkung note, phun kate le hram thla kate bantuk khi an si. Bawipa nih thlitu kha a thlahhnawh hna tikah an car i capawl bantukin thlitu nih cun a choih hna.

ISAIAH 41:25

“Nichuahlei i a ummi mipa pakhat kha ka thim cang i chaklei in nanmah tuk awkah ka ratpi lai. Um sertu nih tlak cu a ke in a nan bantukin ram uktu hna cu a nan hna lai.

ISAIAH 41:3

A dawi thluahmah hna i a khul a ran tuk caah a ke nih vawlei hmanh kha a tawng set lo.

ISAIAH 42:6

“Vawlei cungah hin dinnak a len nakhnga, Bawipa nih nangmah cu kan kawh i ṭhawnnak kan pek. Nangmah thawng in miphun kip he biakamnak ka ser lai i nangmah thawngin miphun kip sinah ceunak ka tlunter lai.

ISAIAH 45:1

Sairas cu Bawipa nih a thimmi siangpahrang a si! Bawipa nih amah cu miphun tampi kha tei awkah a fial; siangpahrang kha an lianhngannak phawih awkah a thlah: Bawipa nih khua kulhnak hau kutka hna kha a hunpiak lai. Bawipa nih Sairas cu a thawh i,

ISAIAH 45:13

Keimah hrimhrim nih Sairas cu ka cawlcanghter i cu ka cawlcanghter cu, thil kha hmaan tein tuah si seh ti kaa tinhmi tlinter ding caah khan a si. A kalnak lam paoh kha ka fehter lai. Jerusalem ka khua kha a remh ṭhan lai i ka saltang hna kha a luatter hna lai. Ahohmanh nih Sairas cu, hihi na tuah lai tiah an fial lo i nawhthuh zong an pe lo,” a ti. Ralkapbu Bawipa nih hi bia cu ka chim.

ISAIAH 46:11

Nichuahlei in ra tiah, mipa pakhat ka kawh, mupi nih ar a nam hna bantukin a nam hna lai i kaa tinhmi kha a tlinter lai. Hi bia cu keimah nih ka chim i a tling lai.

ISAIAH 48:15

Bia a chim i a kotu cu keimah ka si; keimah nih ka chuahpi i hlawhtlinnak ka pek.

ṬAHNAK HLA 1:15

Ka khua kulh chung i a ummi miṭhawng vialte hna cu Bawipa nih zeihmanh ah a rel hna lo; Ka ralkap valno rual kha cil dih awkah ralkap kha a ka pumhhnawh luaimai hna. Bawipa nih Judah fanu thiang cu, Mitsur nennak chung i mitsur thei bantukin a ke in a cil.

HEBRU 7:1

Melkhizedek cu Salem siangpahrang a rak si i Cung Nung Bik Pathian tlangbawi a rak si. Abraham cu siangpahrang hna a tei hnanak raltuknak hmun khan a hung kir tikah Melkhizedek nih cun a rak don i thluachuahnak a rak pek.

BIAPHUAN 16:12

Cun vancungmi paruknak nih a kanto cu Zufrates tivapi cungah a bungh. Tiva cu a kao i nichuahlei in a rami siangpahrang hna caah khan lam a rak awnter.

BIAPHUAN 7:2

Cun nichuahlei in vancungmi a dang pakhat a nungmi Pathian cakhenhnak he a rat kha ka hmuh. Pathian nih vawlei le rili hrawh khawhnak nawl a pekmi vancungmi pali kha aw fak piin a auh hna.