ISAIAH 41:18 - Lai (Hakha) Common Language Bible 2006

¹⁸ Tlang car ah tiva ka luanter hna lai i nelrawn ah cerhti ka putter hna lai. Thetse ram kha tidil ah ka ser hna lai i ramcar kha a luangmi cerh ah ka ser hna lai.

ISAIAH 41:18 ပူးပေါင်းရင်းမြစ်များ

SALM 104:10

Nelrawn ah cerh kha na putter hna i ti cu tlang le tlang karah an luang.

SALM 105:41

Lungpi kha a khuai i ti a chuak, thetse ram ah cun tiva bantukin a luang.

SALM 107:35

Thetse ram kha tili ah a canter hna i ramcar kha cerhti put ah a canter hna.

SALM 126:4

Bawipa, kan ram ah kan kirpi ṭhan ko, a carmi tiva ah ruah nih ti a chuahpi ṭhan bangin, kan kirpi ṭhan ko.

SALM 46:4

Pathian khua, Cung Nung Bik Pathian inn thiang ah lawmhnak a ratpitu tiva pakhat a um.

ISAIAH 12:3

A ti a halmi cu tikik nih lawmhnak a pek hna bangin Pathian mi cu Pathian nih a khamh hna tikah an i lawm.”

ISAIAH 30:25

Nan ral hna cu an ralhruang nan chuh hna i an mi nan thah hna ni ah tlang kip le fing kip in ti an luang lai.

ISAIAH 32:2

Annih cu thlitu a hran tikah dornak le thlichia a hran tikah i thuhnak hmun bantuk an si lai. Annih cu thetse ram i tiva luang bantuk le ramcar i lungpi naidem bantuk an si.

ISAIAH 33:21

Bawipa nih a sunparnak kha a kan hmuhsak lai. Tiva ngan pipi le tiva kau pipi pawngah khua kan sa lai, asinain kan ral hna tilawng cu cuka ah cun zeitikhmanh ah an ra lai lo.

ISAIAH 35:1

Ramlak le ramcar hna cu an i lawm lai i Thetse ram cu a par lai.

ISAIAH 44:3

“Ti a halmi ram kha ti ka pek lai i thetse ram ah khan tiva ka luanter hna lai. Nan tefa cu ka lianhngannak ka toih hna lai i nan ciruang cu ka thluachuahnak ka toih hna lai.

ISAIAH 48:21

Bawipa nih a mi cu a lin i a romi thetse ram tan in a rak hruai hna tikah, tihal retheihnak an ing lo; lungpi chungin an caah ti kha a chuahter; lungpi kha a cheu i a chungin ti a luang.

ISAIAH 58:11

Cun nannih cu keimah nih lam kan hmuhsak zungzal hna lai i thil ṭha in nan paw kan khimter zungzal hna lai. Ngandam le thazang ṭhawng in kan umter hna lai. Ti tampi a ngeimi dum bantuk nan si lai; a kao bal lomi cerhti bantuk nan si lai.

ISAIAH 65:13

Cucaah keimah a ka bia i ka nawl a zulmi cu ei awk le din awk tampi an ngei lai nain nannih cu nan rawl a ṭam lai i nan ti a hal lai. Annih cu an lung aa lawm lai, sihmanhsehlaw nannih cu ningzahnak nan hmu lai.

JOEL 3:18

Khi caan a phak tikah tlang hna cu mitsur dum nih a khuh dih hna lai i Fing kip ah saṭil run kha an tlong lulhmalh lai. Judah ram vialte caah ti tampi a um lai. Bawipa biakinn in tiva pakhat a luang lai i Shittim Nelrawn kha ti a pek dih lai.

ZEKHARIAH 14:8

Khi ni ah cun Jerusalem in ti nung a chuak lai i a cheu cu nichuahlei rili ah a luang lai i a cheu cu nitlaklei rili ah a luang lai; ṭhal le khuasik i dang loin a luang lai.

BIAPHUAN 22:1

Vancungmi nih cun nunnak tiva zong a ka hmuhsak, cu tiva cu Pathian le Tuufa bawiṭhutdan hram in khuapi laifang ah a rung luangmi a si i thlalang bantukin a fiim.

BIAPHUAN 7:17

Zeicahtiah bawiṭhutdan laifang i a ummi Tuufa kha an tuukhal a si lai i nunnak tiput cerhkam ah a kalpi hna lai. Cun Pathian nih an mitthli vialte kha a hnawhpiak dih hna lai,” a ti.

BIACEIHTU 15:19

Cun Pathian nih Lehi khua a kuarmi hmun cu a kahter i cu chung cun ti a hung chuak; cun a din tikah a thlarau cu a kir ṭhan i a nung ṭhan. Cucaah cu ka hmun min cu En-hakkore tiah ti a si; nihin tiangin Lehi khua ah cun a um ko.