ISAIAH 41:16 - Lai (Hakha) Common Language Bible 2006

¹⁶ Van ah na hlerh hna lai i thlitu nih a choih hna lai; thlichia nih a kenkip ah a ṭhek dih hna lai. Sihmanhsehlaw nang cu naa lawm lai, zeicahtiah keimah cu na Pathian ka si, Israel Pathian thiang keimah cu na ka thangṭhat lai.

ISAIAH 41:16 ပူးပေါင်းရင်းမြစ်များ

SALM 1:4

Sihmanhsehlaw miṭhalo cu hi bangin an si lo, Thli nih a chawihmi favai bantuk an si.

ISAIAH 12:6

Zion i a ummi paohpaoh cu au u law hla sa u. Israel Pathian thiang cu a lianngan i a mi hna sinah khua a sa.”

ISAIAH 17:13

Miphun hna cu hmailei ah rili tilet bangin an kal, sihmanhsehlaw Pathian nih a sik hna i an kir, tlang cung i thli nih a choihmi leidip bantuk le phuchim nih a choihmi capawl bantuk an si.

ISAIAH 25:9

Cu bantukin thil a hung si tikah mi kip nih an i thawh lai i, “Amah cu kan Pathian a si. Amah cu kan i bochan i a kan chuah. Amah cu Bawipa a si. Amah cu kan i bochan i a kan khamh caah atu cu lunglawm in kan um i kan tha a nuam,” an ti lai.

ISAIAH 28:5

Khi ni ah Ralkapbu Bawipa cu a tangmi a mi hna caah a sunglawimi bawi luchin pangpar in ṭamhmi bantuk a si lai.

ISAIAH 29:19

Misifak le mirethei hna nih, Israel Pathian thiang nih a pekmi hna lawmhnak kha an hmuh ṭhan lai.

ISAIAH 29:5

Jerusalem, nangmah an dotu ramdangmi vialte hna cu leidip bangin an choi dih lai i ṭih a nungmi a ralkap hna cu capawl bangin thli nih a choih dih hna lai. Chikkhatte le ruah lopi ah khin

ISAIAH 35:10

Jerusalem cu lunglawm tein an phan lai i hla an i sak pah lai i lawmhnak in an au lai. Zungzal in an i lawm lai i ngaihchiatnak le lung retheihnak an ing ti lai lo.

ISAIAH 40:24

Annih cu thingkung note, phun kate le hram thla kate bantuk khi an si. Bawipa nih thlitu kha a thlahhnawh hna tikah an car i capawl bantukin thlitu nih cun a choih hna.

ISAIAH 51:3

“Zion cungah zaangfahnak ka langhter lai, a rawkmi a hmun chung i a ummi hna kha ka zaangfah hna lai. A ram cu thetse ram a si nain dum ah ka ser lai, Eden chung i ka chiahmi dum bantuk ah khan ka ser lai. Cuka ah cun lunglawmhnak le thanuamnak, keimah thangṭhatnak le lawmhnak hla an um lai.

ISAIAH 60:19

“Chun ah ni cu na ceunak a si ti lai lo i zan ah thlapa cu na ceunak a si ti lai lo. Bawipa cu zungzal in na ceunak ka si cang lai i ka sunparnak ceunak cu na cungah a tlang lai.

ISAIAH 65:18

Ka sermi thil kha zungzal in i lawmhpi hna u law i nuamhpi hna u. Ka sermi Jerusalem thar cu lawmhnak in a khat lai i a mi hna cu an i lawm lai.

JEREMIAH 15:7

Ka vamh hna i ram chung khua kip ah khan ka ṭhek hna; Annih nih an lam kha an hlawt duh lo caah an cungah ngaihchiatnak ka tlunter i ka mi cu ka hrawh hna.

JEREMIAH 51:2

Cun Babilon ah facang vamtu ka thlah hna lai i Amah cu an vamh lai i a ram cu an hrawh lai; Harnak ni a tlun tikah a kenkip in an tuk lai.

JEREMIAH 51:20

Bawipa nih Babilon cu, Nang cu ka sobul le ka ral hriam na si; Nangmah in miphun hna cu ka khuai cikcek hna, Nangmah in ram cu ka hrawh hna;

JEREMIAH 51:33

Ralkapbu Bawipa, Israel Pathian nih, Babilon cu facang cilnak phuhri bantuk a si, A rauh hlanah a cungah facang ṭuan caan a phan lai, tiah a ti.

DANIEL 2:35

Khi tikah thir le vawlei le dar le ngun le sui cu an i cheu an i hmal dih cikcek i ṭhal caan i phuhri i favai cu thli nih a choih hna bantuk khin an choi dih i an lohnak zawn hmanh hngalh an si lo. Sihmanhsehlaw milem a dengtu lungpi cu tlang nganpi ah a cang i vawlei vialte kha a khat dih.

HOSEA 11:9

Ka thinhun in kan hrawk lai lo, Israel cu ka hrawk ṭhan lai lo. Zeicahtiah kei cu Pathian ka si, minung ka si lo. A Thiang Mi Keimah cu nan sin i a ummi hi ka si, Nan sinah thinhun in ka ra lai lo.

JOEL 2:23

“Nannih Zion mi hna, Bawipa nan Pathian cungah i lawm u law nan tha nuam tuah u, Amah nih fur ruah cu a za tawk tein an pek hna, Khuasik caan ruah kha a surter i ṭhal caan ruah kha hmasa bantukin a ratter.

MIKAH 5:8

Israel mi a cheukhat cu miphun hna lakah khan, Tu chung le phong i rawl a kawlmi chiandeih bantukin an si lai; Tuurun lak i thlahmi chiandeih no bantuk an si lai. An lakah khan a vung lut i a nam hna i a thleh a bauh dih hna i anmah chanhtu ding ahohmanh an um lo.

HABAKKUK 3:18

Bawipa ah cun kaa lawm ṭhiamṭhiam ko lai i A ka khamhtu Pathian cu ka lawmh ṭhiamṭhiam ko lai.

MATTHAI 3:12

A kut in facang zahnak sisiap cu aa put i rawl cu a zah dih hna lai; a fang cu buk ah a rawn hna lai i a hi cu a mit lomi mei in a khangh hna lai,” tiah a ti.

ROM 5:11

Cu lawng cu a si rih lo, kannih cu Pathian hawikom i a kan sertu kan Bawipa Jesuh Khrih thawngin Pathian ah cun kan i lawm.

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.