ISAIAH 41:11 - Lai (Hakha) Common Language Bible 2006

¹¹ “Ka mi hna, nan cung i a thin a hungmi cu hmaichiatnak le ningzahnak an hmu lai. Nanmah an dohtu hna cu an thi lai;

ISAIAH 41:11 ပူးပေါင်းရင်းမြစ်များ

EXODUS 11:8

“Cun na bawi vialte hna hi ka sinah an ra lai i ka hmaiah an kun lai i, ‘Nangmah le na mi hna cu va kal ko u,’ tiah an ti lai. Cu hnuah cun hi ram hin ka chuak lai,” tiah a ti fawn. Cun thinhung ngaiin Moses nih Faro cu a chuahtak.

EXODUS 12:29

Zanṭim ah Bawipa nih Izipt ram fater vialte cu a thah hna; bawiṭhutdan cungah a ṭhu ding Faro fater thawk in thong chung i a ummi thongtla fater tiang an thi; saṭil fater vialte zong an thi.

EXODUS 23:22

Asinain amah bia kha nan ngaih i ka chimmi vialte kha nan tuah ahcun, nan ral kha keimah nih kan dohpiak hna lai i an dotu hna a dohtu kha ka si lai.

ISAIAH 17:13

Miphun hna cu hmailei ah rili tilet bangin an kal, sihmanhsehlaw Pathian nih a sik hna i an kir, tlang cung i thli nih a choihmi leidip bantuk le phuchim nih a choihmi capawl bantuk an si.

ISAIAH 29:5

Jerusalem, nangmah an dotu ramdangmi vialte hna cu leidip bangin an choi dih lai i ṭih a nungmi a ralkap hna cu capawl bangin thli nih a choih dih hna lai. Chikkhatte le ruah lopi ah khin

ISAIAH 29:7

cun Pathian biakṭheng khua a tutu ralkap vialte hna kha, an hriam le an nam vialte he an zeizong tein, mang bantukin an lo lai, zanmang bantukin an lo lai.

ISAIAH 29:8

Jerusalem tuk awkah aa pummi miphun vialte hna cu, a rawl a ṭammipa, a mang i rawl a ei ko na i aa hlauh tikah a rawl a ṭam ṭhiamṭhiammi bantuk le tihal in a thi dengmangmi, a mang i ti a ding nain aa hlauh tikah a dang a car ṭhiamṭhiammi bantuk khi an si lai.

ISAIAH 34:12

Ram cu uktu siangpahrang a ngei lai lo i hruaitu vialte hna kha an um ti lai lo.

ISAIAH 40:17

Miphun hna hi Bawipa caah cun zeihmanh an si lo.

ISAIAH 40:2

“Jerusalem khuami cu lunglawmhnak pe hna u law, ‘Cu caan an in cu a za cang i atu cu an sualnak kha ka ngaihthiam cang hna,’ a ti tiah chim hna u. An sualnak ruangah a za in dan ka tat cang hna,” a ti.

ISAIAH 41:24

Sihmanhsehlaw nannih cu zeihmanh nan si lo, nan tuahmi vialte zong zeihmanh an si lo, nanmah an biatu hna zong fihnung an si.

ISAIAH 41:29

Hi pathian hna hi pakpalawng an si, an tuah khawhmi zeihmanh a um lo — hi siasal pathian hna hi thazang zeihmanh a ngei lomi, zei thil hmanh a tuah kho lomi an si.

ISAIAH 45:24

“Nangmah thawng lawnglawng in teinak le ṭhawnnak kha hmuh khawh a si,” an ti lai. Sihmanhsehlaw a ka huami cu ningzahnak an ing lai.

ISAIAH 49:25

Bawipa nih hi bia halnak cu a leh i, “Cu bantukte cu a um laimi thil hi a si. Ralkap nih an tlaihmi hna thongtla cu an chuak lai i Bawi ṭhawng cu a hranchaw kha chuh a si lai. Nanmah an dotu hna paoh cu ka doh hna lai i nan fale cu ka chuah hna lai.

ISAIAH 49:26

Nanmah an hremtu hna cu anmah le anmah kha ka thahter hna lai, lainawn le thinhun kha a rit in an i rit chih lai. Cu tikah mi vialte nih Bawipa ka si kha an hngalh lai i, nanmah an khamhtu hna le an luattertu hna ka si kha an hngalh lai. Keimah cu Israel Pathian ṭhawng ka si kha an hngalh lai,” a ti.

ISAIAH 54:15

Ahohmanh nih an in tuk ahcun, keimah hnatlaknak tel loin a si; ahohmanh nih an in doh ahcun, an sung lai.

ISAIAH 54:17

Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.

JEREMIAH 12:17

Sihmanhsehlaw ka bia a ngai lomi miphun cu ahohmanh an si ah an hram in ka bongh hna lai i ka hrawh hna lai,” tiah Bawipa nih a ti.

JEREMIAH 2:3

Cu lioah khan cun Israel cu Bawipa caah a rak thiang, A rawl ṭuanmi lak i theitlai hmasa bik a rak si. Amah a rak eitu vialte hna cu dantat loin a luatmi an um lo i Ṭhat lonak nih khan a tlunhnawh zungzal hna, tiah Bawipa nih a ti,” tiah a ti.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

ZEKHARIAH 12:3

Vawlei cung miphun vialte nih Jerusalem le Judah kha an kulh hna tikah, cu ni ah cun Jerusalem cu aho ca hmanh i ṭhial awkah a rit tukmi lungtum ah ka ser lai i cawi aa zuammi paoh cu anmah tu kha an i hliam lai.

LAMKALTU 16:39

Cucaah an va kal i ngaihthiam an va hal hna; thong chung cun an chuah hna i kan khua hin kaa dang ah kal u, tiah an nawl hna.

BIAPHUAN 3:9

Ngai hmanh! Judah mi kan si tiah aa ti i a si ṭung lomi, milihchim pawl, Satan ta a simi kha, na hmaiah ka ratter hna lai i na ke hramah ka kunter hna lai. Annih nih an dihlak in, kan dawt kha, an hngalh lai.