ISAIAH 41:10 - Lai (Hakha) Common Language Bible 2006

¹⁰ Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

ISAIAH 41:10 ပူးပေါင်းရင်းမြစ်များ

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

GENESIS 26:24

Cu zan ah cun Bawipa kha a sinah a lang i, “Kei cu na pa Abraham Pathian kha ka si. Na thinphang hlah, keimah nih kan umpi ko. Ka sal Abraham ruangah thluachuahnak kan pek lai i tefa tampi kan pek lai,” a ti.

GENESIS 31:5

Annih cu a thawh hna i, “Nan pa umtuning hi hmasa i ka cung i a umtuning bantuk kha a si ti lo; sihmanhsehlaw ka pa Pathian nih cun a ka umpi ko.

GENESIS 49:24

Sihmanhsehlaw an li cu a kiak dih, an baan tha cu a cat dih. Cu a chattu cu Jakob Pathian Ṭhawng lianhngannak le Israel Lungpi Tuukhal min a si.

2 SAMUEL 22:19

Ka vanchiat ni ah an ka chuahhnawh; Sihmanhsehlaw Bawipa cu ka cherhchan a si.

1 CHANRELNAK 12:18

Khi tikah sawm thum hna lak i haotu bik Amasai cungah khan Thlarau a tlung i amah nih cun hi bangin a ti: “Kannih cu nangmah ta kan si, maw David; Maw Jesse fapa, nangmah sin tel kan si; Daihnak, daihnak cu na sinah um ko seh, Daihnak cu nangmah an bawmtu hna cungah um ko seh! Zeitintiah na Pathian nih an bawmh.” Khi tikah David nih tlun inn a onh hna i a ralkap hna haotu bawi ah khan a ser hna.

2 CHANRELNAK 20:17

Hi i tuknak chungah hin nannih nih nan tuk a hau lai lo; nan um hmun kha i tlaih u law dai tein dir ko u law nanmah ca i Bawipa nih teinak an tuahpiakmi hna kha zoh ko u, maw Judah le Jerusalem hna,’ a ti. Nan thinphang hlah u, nan lungdong hlah u; thaizing ah chuahhnawh hna u law Bawipa cu nan sinah a um lai,” tiah a ti.

2 CHANRELNAK 32:8

Amah sin i a ummi cu titsa hriamnam a si, sihmanhsehlaw kan sin i a ummi cu Bawipa kan Pathian a si, amah nih a kan bawmh lai i kan ral hna cu a kan dohpiak lai,” tiah a ti. Cun Judah siangpahrang Hezekiah bia cun mi nih zumhnak an i lak.

SALM 144:11

A puarmi ka ral hna kut chung khan ka khamh ko, ramdangmi hna ṭhawnnak chung hin ka khamh tuah, annih cu biatak a chim bal lomi, biatak ka chim lai tiah chiat i serh hnu hmanh i lih a chim ṭhiamṭhiammi an si.

SALM 144:8

annih cu biatak a chim bal lomi, biatak ka chim lai tiah chiat i serh hnu hmanh ah lih a chim ṭhiamṭhiammi an si.

SALM 145:14

Harnak a ingmi kha a bawmh hna i ṭhumhnak a tongmi kha a cawi hna.

SALM 147:12

Jerusalem, Bawipa cu thangṭhat tuah! Zion, na Pathian cu thangṭhat tuah!

SALM 18:36

Nangmah nih na ka huhphenh caah an ka tlai kho lo i a tluk zong ka tlu bal lo.

SALM 27:1

Bawipa cu ka ceunak le ka khamhnak a si; ahohmanh ka ṭih hna lai lo. Bawipa cu a ka hupphengtu ralhruang a si, ka thin a phang lai lo.

SALM 29:11

Bawipa nih a mi cu thazang a pek hna i thluachuah daihnak a pek hna.

SALM 33:12

An Pathian ah Bawipa a simi miphun cu lunglawmmi miphun an si, Bawipa nih a mi ah a thimmi hna cu lunglawmmi an si.

SALM 37:17

zeicahtiah miṭhalopa cu Bawipa nih a thazang a chuh lai i miṭha cu a huhphenh lai.

SALM 37:24

A tluk sual zongah a ril lan lo, zeicahtiah Bawipa nih a kut in a thawh ṭhan.

SALM 41:12

Ahmaanmi kha ka tuah caah na ka bawmh lai; na hmaika ah a zungzal in na ka umter lai.

SALM 46:11

Lianhngannak he a khatmi Bawipa cu kan sinah a um; Jakob Pathian cu kan himnak a si. Selah

SALM 46:7

Lian Ngan Bawipa nih a kan umpi, Jakob Pathian cu kan himnak a si. Selah

SALM 63:8

Nangmah kha kan tlaihchan i na kut nih him tein an ka umter.

SALM 65:5

Maw Pathian, kan Khamhtu, thla kan cam tikah na kan leh i khuaruahhar thil na tuahmi in na kan khamh. Vawleicung mi vialte le a hla bik rili ral i a ummi hmanh nih an in bochan.

SALM 99:4

A liannganmi Siangpahrang, nang cu ahmaanmi thil a duhmi na si; Israel mi cungah ding tein le a tlari in thil na tuah.

EXODUS 14:13

Moses nih khan mi zapi cu a leh hna i, “Nan thinphang hlah u! Fek tein dir u law nanmah khamh awkah Bawipa nih zeidah nihin ah a tuah lai kha zoh tuah u: cu a tuah laimi cu hihi a si lai, nihin i nan hmuhmi Izipt mi hna hi zeitikhmanh ah nan hmu ṭhan ti hna lai lo.

EXODUS 20:20

Moses nih mi zapi cu, “Nan thinphang hlah u; Pathian a rat cu nanmah hneksak awk le sualnak nan tuah nakhnga lo amah nan a ṭih zungzal nakhnga ca lawngah a si,” a ti.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

ISAIAH 35:4

A lung a dongmi cu, “Na thinphang hlah, lungṭhawng in um ko! Pathian cu nangmah chanh awkah a ra lai, na ral kha na phu a hlam hna lai,” ti hna u.

ISAIAH 37:6

hitihin a leh: “Bawipa nih, ‘Assiria mi nih an ka serhsat ruangah na zei hmanh rak poi hlah! an ti.

ISAIAH 43:5

Na thinphang hlah — na sinah ka um ko. A hlatmi nichuahlei ram le a hlat bik nitlaklei ram in, na mi cu inn ah ka tlunpi hna lai.

ISAIAH 44:2

Nanmah an sertu hna cu Bawipa ka si, nan nunnak a hram a thawknak khan keimah nih kan bawmh hna. Nan thinphang hlah u; nanmah cu ka sal nan si, ka dawtmi ka mithim nan si.

ISAIAH 49:8

Bawipa nih a mi cu a thawh hna i “Nanmah khamhnak caan kha a phak tikah, kan dawt hnanak kha ka langhter lai i bawmhnak nan ka hal i nan aunak kha kan leh hna lai. Nanmah cu kan ven kan huhphenh hna lai i nanmah thawngin mi vialte he biakamnak ka ser lai. Atu lio i a rawk dihmi nan ram ah khan kan umter ṭhan hna lai.

ISAIAH 50:9

A ka ṭanhtu cu Bawipa Pathian hrimhrim kha a si, cucaah aho nih dah sual an ka phawt khawh lai? Taza a ka cuaitu vialte kha an lo lai, rungrul nih a eimi puan bantukin an lo lai.

ISAIAH 52:7

Daihnak thawng ṭha i phorh in tlang cungin a rami lamkaltu ke cu zeitluk in dah aa dawh! Teinak kong kha amah nih cun a run thanh i Zion cu a thawh i, “Na Pathian cu siangpahrang a si,” a ti.

ISAIAH 60:19

“Chun ah ni cu na ceunak a si ti lai lo i zan ah thlapa cu na ceunak a si ti lai lo. Bawipa cu zungzal in na ceunak ka si cang lai i ka sunparnak ceunak cu na cungah a tlang lai.

ṬAHNAK HLA 3:57

Nangmah kha kan auh tikah ka pawngah na um; Nangmah nih, ‘Ṭih hlah,’ na ka ti.

DANIEL 10:12

“Daniel, na thin phang hlah, zeicahtiah hngalh awkah na lung na bunh ni khan le na Pathian hmaiah na pum sifah naa pek ni khan, na thlacamnak cu Pathian nih a theih cang i cu na thlacamnak lehnak ah cun ka ratnak hi a si.

DANIEL 6:16

Cucaah siangpahrang nih cun nawlbia a chuah i Daniel cu an ratpi i chiandeih thong ah cun an thlak; sihmanhsehlaw Daniel cu a thawh i, “A rian na ṭuan zungzalmi na Pathian nih khan an khamh ko lai,” tiah a ti.

HAGGAI 1:13

Cucaah Bawipa nih a thlahmi Haggai nih, Bawipa nih a fial bangin mizapi cu a thawh hna i,

HAGGAI 2:5

Zeicahtiah Izipt ram in nan chuah i nan sinah biakamnak ka tuah bantuk khan nan sinah ka um ko. Ka thlarau nih an umpi ko hna, ṭih hlah u!

ZEKHARIAH 10:12

Sihmanhsehlaw Israel ṭhawnnak cu Bawipa chungah a si lai i A min in sunglawi ngaiin an kal lai. Mah hihi Bawipa bia hrimhrim a si.

ZEKHARIAH 10:6

Judah innchungkhar cu ṭhawnnak ka pek hna lai i Josef innchungkhar cu teinak ka pek hna lai; Annih cu ka zaangfah hna caah ka kirpi ṭhan hna lai i, Rak hlonh bal hna hlah ning law, cu bantuk cu an si lai; Zeicahtiah keimah cu Bawipa an Pathian ka si i an ka halnak cu ka leh hna lai.

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

LUKA 1:13

Sihmanhsehlaw vancungmi nih cun a thawh i, “Zekhariah, na thinphang hlah! Pathian nih na thlacamnak kha a theih i na nupi Elizabeth nih fapa an hrinpiak lai. A min ah Johan na sak lai.

LUKA 1:30

Vancungmi nih cun a thawh i, “Mary, na thinphang hlah. Zeicahtiah Pathian nih nangmah cu vel an ngeih.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

2 KORIN 12:9

A ka lehnak cu, “Ka vel hi na caah a za ko, zeicahtiah ka ṭhawnnak cu derthawmnak ah hin a lang,” ti a si. Cucaah cun Khrih ṭhawnnak nih a ka huhphenh ti kha ka hngalh nakhnga, ka derthawmnak ah hin lunglawm tein kaa porhlaw cang.

EFESA 3:16

Nan chunglei minung sinak ah a ṭhawngmi nan si nakhnga le zumhnak thawngin Khrih cu nan lungthin chungah khua a sak nakhnga, cun a sunparnak ro bukbau chungin A Thlarau thawngin ṭhawnnak an pek hna nakhnga, Pathian cu ka nawl. Nan hrih nan hram cu dawtnak chungah fek tein nan bunh nakhnga le

DEUTERONOMI 20:1

“Nannih nih nan ral hna doh awkah nan kal i, rang hna le rangleng hna le nanmah i nakin a ngan deuhmi ralkapbu nan hmuh tikah, nan ṭih hna lai lo; zeitintiah Izipt ram in an chuahpitu hna Bawipa nan Pathian kha nan sinah a um.

FILIPI 4:13

Ṭhawnnak a ka petu Khrih thawngin thil zeipaoh ka tuah khawh ko hna.

JOSHUA 1:9

Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti.

BIACEIHTU 6:16

Cun Bawipa nih a chawnh i, “Sihmanhsehlaw nangmah sinah ka um lai i Midian mi hna cu mi pakhat tluk ceu in na thah dih ko hna lai,” tiah a ti.