ISAIAH 40:4 - Lai (Hakha) Common Language Bible 2006

⁴ Horkuang vialte cu chilh an si lai i tlang vialte cu chimh an si lai. Tlang cu hmun rawn ah an cang lai i a bingbomi hmun cu rawn didiai in an um lai.

ISAIAH 40:4 ပူးပေါင်းရင်းမြစ်များ

PHUNGTHLÛKBIA 2:15

Annih lam cu a kawi i an thil tining ah midepde an si.

ISAIAH 40:3

Aw pakhat nih, “Bawipa caah ramcar chungah lam pakhat sial u! Kan Pathian caah thetse ram i lam cu sial u.

ISAIAH 40:5

Cun Bawipa sunparnak cu a lang lai i mi vialte nih an hmuh lai. Hi biakamnak cu Bawipa hrimhrim nih a tuahmi a si,” a ti.

ISAIAH 42:11

Thetse ram le a chung i a ummi khua vialte nih Pathian cu thangṭhat hna seh, Kedar mi nih amah cu thangṭhat hna seh. Sela khua i a ummi cu lunglawmhnak in tlang cungin a au in rung au hna seh.

ISAIAH 45:2

“Keimah hrimhrim nih na lam kha kan sialpiak lai i fing le tlang kha ka rawnhter hna lai. Dar in an sermi kutka kha ka baoh hna lai i thir fung kha ka tan hna lai.

ISAIAH 49:11

“Tlang lakah cun lam nganpi pakhat ka ser lai i ka mi hna kalnak ding caah cun lam pakhat ka sial lai.

ISAIAH 62:10

Jerusalem khuami hna, i thawh u law nan mi a ra kir liomi hna caah lam va ser u. Lam nganpi pakhat in va ser u law lung vialte kha hlonh dih hna u.

EZEKIEL 17:24

Ram chung thing vialte nih khan, Keimah cu Bawipa ka si kha an hngalh lai. Keimah nih thingkung a sangmi kha ka hau hna i thingkung a niammi kha ka santer hna i a romi kha ka hrinter hna. Hihi Bawipa nih ka chim i ka tuah lai, tiah a ti.

EZEKIEL 21:26

Mah hihi Bawipa Pathian bia cu a si: Na sumthawng kha i phoih, na bawiluchin kha chia. Zeizong vialte aa thleng dih cang; nautatmi kha uknak nawl pe hna, uktu kha ṭhum hna.

ZEKHARIAH 4:7

Dawntu, tlang tia pipi kha na hmai in an lo lai. Biakinn cu na sak ṭhan lai i lung hmanung bik na vun khin ah khin mizapi nih, “Aa dawh, aa dawh,” tiah an au lai.

LUKA 18:14

Hihi kan chimh hna: Farasi mipa kha si loin hi pa tu hi a sualnak ngaihthiam in inn ah a ṭinmi cu a si. Zeicahtiah amah le amah aa ngantermi cu ṭhumh an si lai i mi tangah aa dormi cu mi ngan ah ser an si lai,” tiah a ti.

LUKA 3:5

A kuarhnak hmun vialte kha rak chilh hna u law Tlang sang le fing bo kip kha rak rawnhter hna u; Lam aa ngerhmi kha rak dinter hna u, Lam bingbo vialte kha rak tlorhnalh hna u;

1 SAMUEL 2:8

Bawi hna sinah ṭhutter awk le Upatnak ṭhutdan coter awk caah, Sifakmi kha leidip lak in a thawh hna i Retheimi kha vutcam pumhmi lak in a cawi hna. Zeitintiah vawlei tung hna cu Bawipa ta an si i An cungah vawlei cu a chuan.