ISAIAH 40:31 - Lai (Hakha) Common Language Bible 2006

³¹ Sihmanhsehlaw Bawipa aa bochanmi cu thazang thar an la. Mupi bangin an zuang lai; an tlik tikah an baa lai lo, an kal tik zongah an tha a di lai lo.

ISAIAH 40:31 ပူးပေါင်းရင်းမြစ်များ

JOB 17:9

Hmaizah awk tlak ka si, aa timi hna nih cun, Kanmah hi kan hmaan, tiah an i ruat chin lengmang ko.

SALM 103:5

ka nunnak cu thil ṭha in a khahter i cucaah ka no peng i mupi bantukin ka ṭhawng.

SALM 123:2

Sal nih a bawipa aa bochan bantuk le salnu nih a bawinu aa bochan bantukin, Bawipa kan Pathian, nangmah lawng kan hun in zoh ko, kan cungah zaangfahnak na ngeih hlantiang kan in zoh ko lai.

SALM 138:3

Kan auh tikah na ka leh, na ṭhawnnak in na ka ṭhawnter.

SALM 20:9

Maw Bawipa, siangpahrang cu teinak pe ko; kan auh tikah Bawipa nih a kan leh lai.

SALM 25:21

Nangmah kha kan bochan caah ka ṭhatnak le ka lih chim lonak nih ka huppheng ko hna seh.

SALM 25:3

Nangmah an bochanmi cu an sung lo i, asinain nangmah doh ah a khul a rangmi cu sunghnak kha an phan.

SALM 25:5

Nangmah cu ka khamhtu na si caah na biatak ningin nun cu ka cawnpiak tuah. Chun nitlak in nangmah kha kan bochan.

SALM 37:34

Bawipa cu i bochan u law a nawl kha zul tuah u; ram kha co awkah thazang an pek hna lai i miṭhalo cu pawnchuah an si kha nan hmuh lai.

SALM 40:1

Bawipa bawmhnak cu ka hngak lengmang i a donghnak ah ka aunak cu a ngaih i a theih.

SALM 84:7

An kal tikah an ṭhawng chin lengmang; Zion Tlang ah pathian hna Pathian cu an hmuh lai.

SALM 84:8

Maw Lianngan Bik Bawipa Pathian, ka thlacamnak kha ka theihpiak tuah, Jakob Pathian, ka thlacamnak kha ka ngaihpiak tuah.

SALM 92:1

Bawipa sinah lawmhnak hla sak cu zeitluk in dah a nuamh! Cungnung Bik Pathian, nangmah min upat in hlasak cu zeitluk in dah a nuamh!

SALM 92:13

Annih cu Bawipa inn chungah cinmi thing bantuk, Bawipa biakinn chungah hninghno ngaiin a um i

EXODUS 19:4

“Israel mi cu, ‘Izipt mi cungah ka tuahmi thil kha nan hngalh; cun mupi nih a fa kha a thla in a cawi bantukin kan cawi hna i ka sin kan phakpi hna kha nan hngalh fawn.

PHUNGTHLÛKBIA 30:19

Cu hna cu van i a zuangmi mupi lam, lung cung i a kalmi rul lam, rili cung i a kalmi sangphawlawng lam le pa nih ngaknu he an kalnak lam an si.

SOLOMON HLA 8:5

Ho lengnu maw ramlak in rung lang, Lung a tum cia thlanghnun valpa he zaṭial tlaih in um ai hna. Semnak na nu nganfah tuar buin na chuahnak hmun Epal kung toiah in ṭhang ai ing,

ISAIAH 25:9

Cu bantukin thil a hung si tikah mi kip nih an i thawh lai i, “Amah cu kan Pathian a si. Amah cu kan i bochan i a kan chuah. Amah cu Bawipa a si. Amah cu kan i bochan i a kan khamh caah atu cu lunglawm in kan um i kan tha a nuam,” an ti lai.

ISAIAH 30:15

Bawipa Pathian, Israel Pathian Thiang nih cun a mi cu a thawh hna i, “Ra kir u law dai tein keimah kha ka bochan ko u. Cu ti nan um ahcun nan ṭhawng lai i him tein nan um lai,” a ti hna. Sihmanhsehlaw cu bantukin um cu nan duh lo.

ISAIAH 30:18

Asinain nan cungah a velngeihnak langhter duh ah Bawipa nih an hngah ko hna. Amah nih cun a dingmi thil kha a tuah zungzal caah nanmah zaangfah awk kha aa tim ko. Lunglawmhnak hi Bawipa i bochannak chungin a chuakmi a si.

ISAIAH 41:1

Pathian nih, “Lamhlatpi i a ummi ram hna, dai tein um u law ka bia ngai tuah u. Biaceihnak hmun i nan bia chim awkah i tim tuah u. Chimnak caan nan ngei lai. Ahodah a hmaan ti khiah awkah hmunkhat ah ṭhu ṭi tuah u sih.

ISAIAH 64:4

Amah aa bochantu hna caah cu bantukin rian a ṭuantu Pathian cu nangmah lawnglawng na si, nangmah bantuk cu ahohmanh nih a theih zong an thei bal hna lo a hmuh zong an hmu bal hna lo.

ISAIAH 8:17

Bawipa nih a mi cu a thuhtak cang hna, sihmanhsehlaw kei nih cun ka zumh i kaa bochan.

JEREMIAH 48:15

Moab le a khua hna a hrawktu cu a ra cang, A tlangval hna lak i a ṭha bikbik cu an thi dih cang, tiah Ralkapbu Bawipa a min a simi Siangpahrang nih a ti.

ZEKHARIAH 10:12

Sihmanhsehlaw Israel ṭhawnnak cu Bawipa chungah a si lai i A min in sunglawi ngaiin an kal lai. Mah hihi Bawipa bia hrimhrim a si.

LUKA 18:1

Lungdong loin thla nan cam zungzal awk a si, ti cawnpiaknak caah Jesuh nih hi bianabia hi a chimh hna.

ROM 8:25

Sihmanhsehlaw kan mit in kan hmuh lomi kha kan i ruahchan ahcun, cucu lungsau in kan hngah a langhnak a si.

2 KORIN 4:1

Pathian nih a kan zaangfah caah cu rian cu a kan ṭuanter i kan hnabei a dong bal lo.

2 KORIN 4:16

Hi ruangah hin pei kan lung a dongh bal lonak cu a si cu. Kan mihring sinak cu duhsah tein zor chin lengmang hmanh seh law kan thlarau sinak cu ni khat hnu ni khat a thar chin lengmang.

GALATI 6:9

Cucaah ṭhatnak tuah kha baa hlah u sih; kan ngol lo ahcun a theitlai kan zun caan kha a phan ve ko lai.

DEUTERONOMI 32:11

Mupi nih a bu kha a hninh i A fano kha a vun zuanhnawh hna i A thla a vun i samh i, a thla cungah a futter i A zuanpi hna bantukin, Bawipa nih khan a hruai hna;

DEUTERONOMI 33:25

Na kothrolh hna cu thir le dar an si lai; Na nunchung vialte na thazang nih in nguh ko seh,” tiah a ti.

1THESALON 1:10

Pathian taktak a simi Pathian nung biak awk le vancung in a ra laimi a Fapa hngah awkah siasal biaknak in Pathian leiah nan i mer kha an chim i cu a fapa Jesuh cu thihnak in a thawhtermi le a ra liomi Pathian thinhunnak in a kan chanhtu kha a si.

HEBRU 12:1

Hi tlukin vanrang zat in a tammi tehte bu nih khan kannih cu an kan kulh. Cucaah cun lam a kan dawntu thil paohpaoh le kan tlaihchan pengmi sualnak vialte kha hlaw hna u sih law kan hmai i chiahmi tlikzuamnak ah khan i zuam u sih.

HEBRU 12:3

A inmi thil kha ruat hna hmanh u, misual mi nih kha tlukin an huatnak a in peng ko kha ruat hmanh u. Cucaah cun lungdong in maw ngol sual lai u ci.

JOSHUA 14:11

Moses nih a rak ka thlah ni i ka ṭhawn tluk te khan nihin ni tiang ka ṭhawng ko rih; raldohnak caah siseh, kalnak caah siseh, ratnak caah siseh, atu i ka thazang cu kha lio i ka thazang bantuk kha a si ko.

BIAPHUAN 12:14

Thetse ram chung i aa thuhnak ding hmun i va zuannak ding caah khan minu cu mupi nganpi thla pahnih an pek i cuka hmun ah cun kum thum le a cheu an rak zohkhenh lai caah rulpi nih khan zeihmanh a ti kho lai lo.

BIAPHUAN 2:3

Na lung a sau, keimah ruangah harnak na in i na lung a dong lo.

BIAPHUAN 4:7

Saram nung pakhatnak cu chiandeih he an i lo, pahnihnak cu cawfa he an i lo, pathumnak cu a hmai minung hmai bantuk a si, palinak cu a zuang liomi mupi bantuk a si.

BIACEIHTU 16:28

Cun Samson nih Bawipa kha a auh i, “Maw Bawipa Pathian, ka hngal ṭhan ko tiah kan nawl, ka ṭhawnter ṭhan ko tiah kan nawl, hi voi khatte hi cu, maw Pathian, Filistin mi hna cungah hin ka mit pahnih lak i pakhat caah hin phu ka hlam nakhnga, ka ṭhawnter ko,” tiah a ti.