ISAIAH 40:30 - Lai (Hakha) Common Language Bible 2006

³⁰ A nomi hmanh kha an tha a der tawn i tlangval hmanh kha an tha a ba kho.

ISAIAH 40:30 ပူးပေါင်းရင်းမြစ်များ

SALM 33:16

Siangpahrang nih a ral a tei hna cu ralkapbu ṭhawngmi a ngeih caah a si lo ralkap nih a ral a tei cu a thazang a ṭhawn caah a si lo.

SALM 34:10

Chiandeih hmanh hi rawl hmu loin an um tawn i rawlṭam in an vak tawn, sihmanhsehlaw Bawipa nawl a zulmi cu zeihmanh an baumi a um bal lo.

SALM 39:5

Ka nunnak hi zabok can men ah na ser! Nang na mit ah cun ka nun chung hi zei karlote bantuk a si ko. Minung hi voi khat thaw chem tluk men an si dih taktak ko;

PHUNGCHIMTU 9:11

Vanrang tangah hin thil pakhat ka hngalhmi a um ṭhan hoi: tlik zuamnak ah hin khul a rangmi nih teinak an hmu zungzal lem lo i ralṭhami hi tuknak ah teitu an si zungzal lem lo. Mifim mi hi duhdim in an um zungzal lem lo i mifim mi hi mirum an si bal theng lo. Vanchiatnak hi mi zei cung paoh ah a tlung ko.

ISAIAH 13:18

An li le an thal in tlangval kha an thah duahmah ko hna lai. Ngakchia cungah siseh, bawhte cungah siseh, zaangfahnak zeihmanh an ngei lai lo.

ISAIAH 9:17

Cucaah cun Bawipa nih tlangval pakhat hmanh kha a luatter hna lai lo i mi cu an dihlak in Pathian zei i a rel lomi le bia ṭhalo chimmi lawngte an si caah, nuhmei zong ngakṭah zong ahohmanh a zaangfah hna lai lo. Cu ti a si na hmanh cun Bawipa thinhunnak cu a dong lo i dantatnak pek awkah a kut cu aa samh ko rih.

JEREMIAH 48:15

Moab le a khua hna a hrawktu cu a ra cang, A tlangval hna lak i a ṭha bikbik cu an thi dih cang, tiah Ralkapbu Bawipa a min a simi Siangpahrang nih a ti.

JEREMIAH 6:11

Bawipa, na thinhunnak cu ka chungah a khat, A in in ka ing kho ti lo,” ka ti. Cu tikah Bawipa nih a ka thawh i, “Ka thinhunnak cu khua lak i aa chawkmi ngakchia hna cungah le Aa pummi tlangval hna cungah khan bung ko kun. Pasal si hna seh, nupi si hna seh, cu chungah cun an i tel ve lai i A tar ngaingaimi ṭuakparmi hna zong kha an i tel ve ko lai.

JEREMIAH 9:21

“Thihnak cu kan thlalangawng in an rung lut i Kan inn ṭhaṭha hna ah an lut cang; Khualak lam i ngakchia hna kha an thah hna i Khualak tual i tlangval hna kha an dawi hna,” tiin i cawnpiak hna seh.

AMOS 2:14

A khul a rangmi zong kha a zam hmanh ah a him hlei lai lo, A ṭhawngmi zong kha a ṭhawnnak cu san a tlai hlei lai lo; Ralkap zong nih khan amah le amah aa khamh kho hlei lai lo.

1 SAMUEL 30:10

David le a mi za li hna tu nih khan cun an dawi lengmang hna; asinain Besor vate tan awkah a ba tukmi za hnih kha cu hnuah an rung tang.