ISAIAH 40:21 - Lai (Hakha) Common Language Bible 2006

²¹ Nan hngal rih lo maw? Nan thei rih lo maw? Hlan piin an rak in chim cang hna lo maw? Vawlei cu zeitindah hram aa thawk ti kha nan thei bal lo maw?

ISAIAH 40:21 ပူးပေါင်းရင်းမြစ်များ

GENESIS 1:1

A hramthawk ah, Pathian nih van le vawlei a ser hna tikah,

JOB 26:7

Pathian nih van puan cu pakpalawng cungah khin a zam i Vawlei cu zeihmanhlo chungah a thlai.

SALM 115:8

Siasal a sertu hna le siasal aa bochanmi hna cu an sermi siasal bantuk cu si ve hna seh!

SALM 50:6

Van nih khin, “Pathian cu a ding, amah hrimhrim kha biaceihtu a si,” tiah an chim.

ISAIAH 27:11

Thing nge cu an kiak i an car i nu nih mei tih awkah an khawmh hna. Mi nih khan zeihmanh an hngalh khawh lo caah, anmah a sertu Pathian nih khan a zaangfah hna lai lo i vel zong a ngeih hna lai lo.

ISAIAH 37:26

“Hi thil vialte hi hlan piin keimah nih ka rak timh cangmi an si ti kha na thei bal lo maw? Atu cu ka tlinter cang hna. Kulhmi khua kha hnawmpon i ser khawhnak nawl cu kan pek.

ISAIAH 40:28

Nan hngal lo maw? Nan thei lo maw? Bawipa cu zungzal hmunmi Pathian a si i Amah nih vawlei kha a ser dih; zeitikhmanh ah a baa bal lo i a thazang a tlawm bal lo. Ahohmanh nih a lungthin kha an hngal lo.

ISAIAH 44:20

Cu ti a tuah cu vutcam ei sullam bantuk men a si. Ruahnak hrut a rak ngeihmi nih khan a pingah a hruai tuk cang caah bawmh khawh hmanh a si ti lo. Ka kut i kaa putmi siasal hi pathian a si hrimhrim lo ti kha a hngal lo.

ISAIAH 46:8

Nannih misual mi hna, hihi philh hlah u; ka tuahmi kha ruat u.

ISAIAH 48:13

Ka kut in vawlei hram kha ka ser hna i van kha ka samh hna. Van le vawlei kha ka auh hna tikah, khulrang tein an ra chuak.

ISAIAH 51:13

Nanmah kha an sertu hna le van kha a samh i vawlei hram a bunhtu Bawipa kha nan philh cang dahra? Nanmah an hremtu hna an thinhun le nanmah thah an zaltu hna an thinlinh cu zeicahdah ṭih zungzal in nan um? An thinhunnak nih cun a tawngh hmanh an tawng kho hna lai lo.

LAMKALTU 14:17

Sihmanhsehlaw amah a um kha thil ṭha a tuahmi in a langhter zungzal ko: van in ruah an pek hna i a caan hmaan te ah thlaiti an pek hna; rawl kha an pek hna i lunglawmhnak in an khahter hna,” tiah a ti.

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.