ISAIAH 40:19 - Lai (Hakha) Common Language Bible 2006

¹⁹ Zungthiam mi nih an sermi siasal bantuk a si lo, sui sermi nih sui an hut i ngun hram an sermi chung i an tohmi siasal bantuk hi a si lo.

ISAIAH 40:19 ပူးပေါင်းရင်းမြစ်များ

SALM 135:15

Miphun dang nih an biakmi siasal cu sui le ngun in sermi an si; minung nih an kut in an sermi an si.

SALM 135:18

Cu siasal a sertu hna le cu siasal aa bochanmi hna cu, an sermi siasal bantuk ah cun an i cang lai!

ISAIAH 2:20

Cu ni a phak tikah cun, an i serchommi sui siasal hna le ngun siasal hna kha, tawte le palak an hlonhhnawh hna lai.

ISAIAH 2:8

An ram cu siasal in a khat i anmah nih an kut in an ser chommi thil kha an biak hna.

ISAIAH 30:22

Ngun nan hutmi nan siasal hna le sui nan hutmi nan siasal hna kha nan i lak hna lai i hmunhnawm hlonh in nan hlonh hna lai i, “In hmu ti hna hlah u sih,” nan ti hna lai.

JEREMIAH 10:9

Denmi sui cu Tarshish in rak phorhmi a si i Sui cu Ufaz in rak phorhmi a si; An dihlak in zungthiampa le suisertupa sermi an si dih. Maimaw le kadipa in an thuamh hna, An zate in zungthiam sermi an si.

DANIEL 5:4

Zu cu an ding i sui pathian le ngun pathian le dar pathian le thir pathian le thing pathian le lung pathian kha an thangṭhat hna.

HOSEA 8:6

Hi cawtum hi zei bantuk pathian dah a si ee? Zungthiam i an sermi pei a si ko hi, pathian a si ṭung lo; Samaria cawfa cu kuai cikcek in den a si lai.

BIACEIHTU 17:4

Cun ngun tangka cu a nu kha a pek ṭhan hna. Ngun tangka hna chungin za hnih kha a lak i ngun soser kha a pek i soser nih cun milem ah a ser; milem cu thing in a ser i ngun in a tuam i Mikah innchung ah cun an chiah.