ISAIAH 40:13 - Lai (Hakha) Common Language Bible 2006

¹³ Bawipa cu, hihi na tuah awk a si, tiah a chim khomi aho tal an um maw? Aho tal nih Bawipa cu an cawnpiak kho in ruahnak an cheu kho maw?

ISAIAH 40:13 ပူးပေါင်းရင်းမြစ်များ

GENESIS 1:2

vawlei cu mui zong a ngei lo, pungsan zong a ngei lo. Rilipi cu muihnak nih a khuh i ti cungah cun Pathian ṭhawnnak cu aa chawk.

JOB 21:22

Vancung i a ummi hna hmanh bia a ceihtu Pathian cu, Aho tal nih dah an cawnpiak khawh hnga?

ISAIAH 41:28

An pathian kha ka zoh hna tikah bia chim awk a ngeimi pakhat hmanh an um lo; bia ka halmi hna a ka let khotu pakhat hmanh an um lo.

JEREMIAH 23:18

Sihmanhsehlaw annih lakah ahodah Bawipa khuakhannak chungah aa tel i Aho nih dah a bia kha a theih? Annih lakah aho nih dah a bia cu an ngaih i an zulh?

LUKA 10:22

“Ka Pa nih zeizong vialte kha a ka pek cang: Pa nih dah ti lo nih cun ahohmanh nih Fapa kha ahodah a si, ti awk an hngal lo, Fapa le an sinah Fapa nih Pa a phuan duhmi hna dah ti lo nih cun Pa kha ahodah a si ti awk ahohmanh nih an hngal lo,” tiah a ti.

JOHAN 1:13

Pathian fa an can cu minung phung ningin a si lo; vawlei cung i hrinsor ningin a si lo, Pathian hrimhrim kha an Pa cu a si.

ROM 11:34

Cathiang nih, “Bawipa cu aho nih dah a lungthin an hngalh? Aho nih khin dah ruahnak an cheuh khawh?

1 KORIN 2:16

Cathiang nih, “Bawipa cu aho nih dah a lungthin an hngalh? Amah cu aho nih dah ruahnak an cheuh khawh?” a ti bangin a si taktak. Sihmanhsehlaw kannih cu Khrih lungthin a ngeimi kan si.

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.